गलाती 3:17 - जिरेल

¹⁷ बात च्‍यि सासीन परमेश्‍वरगी अब्राहामताङ जमान खानामेई लो सय स्‍यीताङ खालज्‍यीकताङ च्‍युताम्‍बा तिरीकामा यहूदीओनला थे खोरोङ नियम बिन्‍दा ओतान। थे नियम बिन्‍दा ईन्‍सीनोङ थेकी गोमाका जस्‍तो खिओ सिन जमान खाबा ओतान थोकराङ खिओ। थेकी जमान खाबा च्‍योकराङ मिक्‍किच्‍या ईन्‍दा ईन्‍सीन थेकी आशी तेरग्‍यो सिन साबाते बात बातकामा ओङच्‍या ओतान।

गलाती 3:17 ပူးပေါင်းရင်းမြစ်များ

यूहन्‍ना 1:17

परमेश्‍वरगी थे खोरोङ नियम मिओनला मोशे लाःक्‍तुकी बिन्‍दा ओतान। थे खोरोङ दया खित्‍कान्‍ते थेमे सत्‍यते ईन सिनचेन येशू ख्रीष्‍ट छ्य्‌वापेई तेन्‍गीन बिन्‍सुङ।

शक्ति काम 7:6

थेमे परमेश्‍वरगी थेला ‘खुई सखा सन्‍तान तिरी मि लुङबाला गाल्‍ला देता फाप्‍क्‍यो। थेमे थे लुङबे मिओनगी थेबाला योक्‍पो योङमु जोला आउदी दुक्‍पा तेरग्‍यो। योक्‍पो योङमुराङ ओङला थेबा लो सय स्‍यीसाक थे लुङबादुराङ देत्‍क्‍यो।

रोमी 3:25

मिओन पाप माफ ओङस्‍यीत सिन स्‍याप्‍ला परमेश्‍वरगी येशू ख्रीष्‍टला देमा ताङाते ईन। थेमे येशू ख्रीष्‍ट स्‍यिजीन थे जीउदुकी थेन्‍दाते ठागी खित्‍सादु खोपरोङ पाप माफ ओङगो सिन थेला विश्‍वास खित्‍कान्‍ते मिओन पाप परमेश्‍वरगी माफ तेरग्‍यो। परमेश्‍वरचेन मिओनगी गोमामेकी खाबाते पापकी सजाय मेतेरा खाईन देता ओतान। येशू ख्रीष्‍टकी खाबाते कामगी खित्‍सादु थेबे पाप माफ तेराप सिन थे थोक खाईन देत्‍कीन थेकी थे खोरोङ जे खित्‍जीनोङ ठीक खाला खित्‍कान्‍ते ईन सिन मिओनला छ्या स्‍ये च्‍युत्‍सुङ।

रोमी 3:3

परमेश्‍वरगी थेबाला थे खोरोङ बात बिन्‍दा ओता ईन्‍सीनोङ कोई कोईकीचेन खोपरोङगी खिओ साबा च्‍योकराङ खाईन परमेश्‍वरला माने माक्‍यासुङ। थेबेकी थोक खासुङ सिरजीनमेईराङ च्‍यि था परमेश्‍वरगीङ थे खोरोङगी खिओ साबाच्‍योक खिता तोङगोतरो?

१ कोरिन्‍थी 1:12

चुक सासीन ख्‍योकोन कोईकी “ङा पावलगी साबाते ङेन्‍कान्‍ते ईन,” खिदुक्‍लो, कोईकी “ङा अपोल्‍लोसकी साबाते ङेन्‍कान्‍ते ईन,” खिदुक्‍लो। लोक्‍ला कोईकी “ङा पत्रुसकी साबाते ङेन्‍कान्‍ते ईन,” खिदुक्‍लो सासीन ज्‍येनज्‍यीगीचेन “ङानी ख्रीष्‍टकी साबातेकामा ङेन्‍कान्‍ते ईन,” खिदुक्‍लो।

१ कोरिन्‍थी 1:17

ख्रीष्‍टकी ङाला मिओनला बप्‍तिस्‍मा बिन सिन खटे खाबाते मेन। ङालानी थेकी गा लाङच्‍येते बात लोपालाका खटे खाबाते ईन। थेमे थे बात लोप्‍जीन नोमुङ ङे आउदी पढे खाबाते मिओनगी च्‍योक खाईन बात माक्‍या। थोक खाबा ईन्‍सीन ख्रीष्‍टकी थे खोरोङ ज्‍यान बिन्‍गीन स्‍यिङगी थामला टाँए खाईन स्‍याप्‍ते बात छ्याःङ च्‍योक ओङच्‍या मेतान।

१ कोरिन्‍थी 10:19

ङे दोक सिरजीन ल्‍हाला पूजा खित्‍च्‍येते छ्येते बात ईन, ल्‍हे मूर्तिङ छ्ये ईन सिन साबाते मेन याङ।

१ कोरिन्‍थी 7:29

आज्‍यो न्‍वावे, दि जुग सिन्‍च्‍येते समय था काल्‍बेई मेत। थोगी फाङमा खाबाते मिकी फेम्‍मेते विचारकामा मिक्‍किता खाला बरू फाङमाराङ खाबा मेताते मि च्‍योक ओङला परमेश्‍वरगी दाक्‍पोनला कोताते काम खि।

२ कोरिन्‍थी 1:20

ख्रीष्‍टकी खाबाते कामगी खित्‍सादुराङ परमेश्‍वरगी मिओनताङ खाबाते जमान जति गाङे पूरो खिओ। थोगीराङ परमेश्‍वरला प्रार्थना खित्‍जीनोङ ङुरूङ ख्रीष्‍टकी मिनगी छ्य्‌वापेई आमेन सिन सिओ। दोक सिरच्‍येतेचेन परमेश्‍वरला मान खाबाते ईन।

२ कोरिन्‍थी 9:6

ख्‍योकोनगी दि बात टोक माज्‍येत। च्‍यि सासीन सोन टिक्‍पीस्‍यिक देप्‍कान्‍ते मिकी तिरी बाली थोक्‍जीन रूक्‍जीनोङ टिक्‍पीस्‍यिकराङ रूइओ। सोन काल्‍बेई देप्‍कान्‍तेईचेन बालीङ काल्‍बेईराङ रूइओ।

गलाती 3:15

आज्‍यो न्‍वावे, था ङुरूङ दि बातज्‍यीक विचार खाला तेइ। सुइँदा मिकी था थे खोरोङ बात नोमुङ खुदुक मोजोओ सिन सही छाप खाईन सुइँदाला खइँदा च्‍वासुङ सासीन तिरी थेकी थोक खाबाते मेन सिन नोमुङ सिरा मेङेदो।

गलाती 3:21

दोक ईन्‍सीन च्‍यि थे नियमचेन परमेश्‍वरगी आशी तेरग्‍यो सिन खाबाते जमान बातताङ बान्‍दा मिडिक्‍च्‍येते ईन ओना? मेन मेन, दोक पक्‍काराङ मेन। मिओनगी नोमुङ मिसिन्‍च्‍येते जुनी ङेत्‍स्‍यीत सिन परमेश्‍वरगी थे नियम बिन्‍दा मेतान। थोक ईन्‍दा ईन्‍सीन थे नियमला खि साबाते ङेन्‍कान्‍तेबाला थेकी दोषी मेन सिरच्‍या ओतान।

गलाती 5:16

था ङा ख्‍योकोनला च्‍यि खि सिते सासीन परमेश्‍वर आत्‍मेकी खित ज्‍युता चाला च्‍योकराङ खि। दोक खासीन ख्‍योकोनगी खेराङ सेमला जे जे खिता सेम लाङगीदुक थे थेराङ खिता माफाबो।

गलाती 5:4

परमेश्‍वर नियम ङेन्‍सीन परमेश्‍वरगी खेराङला दोषी मेन सिओ सिन विचार खित्‍कान ख्‍योकोननी ख्रीष्‍टताङ ठाल्‍गीन सिन्‍दाते मि ईन। थोगी परमेश्‍वरगी ख्‍योकोनला दया खाला लेमु खिता मुथुबो।

एफिसी 2:12

ख्‍योकोनगी टोक ज्‍येता मेङच्‍येते बात च्‍यि सासीन ख्‍योकोन गोमा ख्रीष्‍टकी छ्य्‌वापेई छ्याःङ मेङेत्‍कान्‍ते मि ओतान, परमेश्‍वरगी छाने खाबाते इस्राएली नाङ फाप्‍कीन मेतान थेमे परमेश्‍वरगी जमान खाईन थेबाला तेरग्‍यो साबातेबा ङेत्‍च्‍येते ख्‍योकोनते छ्याःङ हक मेतान। दोस्‍यिककामा मेन, तिरी जुनीला लेमु ओङच्‍येते ख्‍योकोनते छ्याःङ आश मेतान थेमे परमेश्‍वरला छ्या मास्‍येकीन दि सा लुङबादु खेराङला लेमु खित्‍कान्‍ते सुङ मेताच्‍योक खाईन देता ओतान।

एफिसी 4:17

थेमे प्रभु ख्रीष्‍टकी ङाला दोक सिरच्‍येते अधिकार बिन्‍दा ओतेकी ङा ख्‍योकोनला दि बाततेबा सिन ओत। च्‍यि सासीन ख्‍योकोनगीचेन परमेश्‍वरला छ्या मेस्‍येकान्‍ते मिओनगी च्‍योकराङ खिन देता मेङगो। परमेश्‍वरला छ्या मेस्‍येकान्‍ते मिओनचेन तिरी बात छ्याःङ विचार मिक्‍किकान्‍ते बुद्धि मेताते मि ईन।

कलस्‍सी 2:4

सुङगीङ ख्‍योकोनला स्‍यीम्‍बु स्‍यीम्‍बु बात खाला लुला खोपरोङ छ्य्‌वापा लै खिता मुथुप्‍स्‍यीत सिनराङ ङा दि बातओन सिन ओत।

हिब्रू 11:13

परमेश्‍वरगी तेरग्‍यो सिन साबाते लुङबा अब्राहाम, इसहाक थेमे याकूबकी खोपरोङ स्‍या बेलासाकोङ ङेता मेतान। ईन्‍सीनोङ थे खोरोङगी जमान खाबाच्‍योक परमेश्‍वरगी ङीमाई दाक खिओ सिन थेला विश्‍वास खाबेकी थेबेकी थे ङेता छेतराङ ठाने खाईन स्‍यिसुङ। थेबा खोपरोङ दि सा लुङबादु खालि लामला ख्‍याम्‍कान्‍ते मि लुङबे मि च्‍योकराङ ईन सिन थेबाला छ्या ओतान।

हिब्रू 7:18

थोगी दोक दोक खि सिन गोमा परमेश्‍वरगी बिन्‍दाते नियम छ्य्‌वापेई मिओनला छ्याःङ लेमु मायाङेकी दि नियम काम लै माक्‍यासुङ।

१ पत्रुस 1:20

दि सा नाम ज्‍वा भन्‍दा गोमाकाराङ परमेश्‍वरगी थेला मिओनला पापदुकी डेलाला छाने खाबा ओतान। थेमे ख्‍योकोनला दोक खाला लेमु खिताला थे दि जुग सिन्‍दे खाला देमा वाबाते ईन।