गलाती 3:16 - जिरेल16 परमेश्वरगी जमान खाबाते बादोङ होदोजोराङ ईन। परमेश्वरगी थेत्ताङ थे सन्तानला आशी तेरग्यो सिन अब्राहामताङ जमान खाबाते बात परमेश्वर बातला तासुङ सासीन थेरू थेकी अब्राहाम सन्तान काल्बेईकी बात खाबाच्योक खाईन खोत्ताङ खुई सन्तानओनला सिन साबा मिन्दुक। बरू मिज्यीगी बात खिन खुई सन्तानला सिन टिला दुक। अब्राहाम सन्तान सिन मेराज्यीगी बातकामा खाबाते थे सन्तानचेन ख्रीष्टराङ ईन। အခန်းကိုကြည့်ပါ။ |
गलाती 3:16
28 ပူးပေါင်းရင်းမြစ်များ
ख्योकोनचेन होथे परमेश्वर बात खित्कान्तेबे सन्तानराङ ईन्देकी थेबेकी खाबाते बातओन ख्योकोनला छ्या स्ये ज्युतालाराङ खाबा ओतान। थेमे परमेश्वरगी ख्योकोन ज्युज्यु पुर्खाताङ खाबाते जमान थेबे लाईदुकामा खाबा मेतान। थे जमानचेन थेकी ख्योकोनताङोङ खाबाते ईन। चुक सासीन परमेश्वरगी अब्राहामला ‘खुई सन्तान छ्य्वापेकीराङ ङा लुङबा लुङबे मि गाङेला आशी तेरग्यो,’ सिन साबा ओतान।
थेमे याङराङ परमेश्वरगी दि सा लुङबा अब्राहामताङ थे सन्तानओनते ओङगो सिन थेत्ताङ जमान खाबा ओतान। अब्राहामगी थे खोरोङ नियम ङेन्सुङ सिन परमेश्वरगी थेत्ताङ जमान खाबा मेतान। थेकी थे खोरोङताङ जमान खाबा च्योकराङ खिओ सिन अब्राहामगी थेला विश्वास खाबेकी परमेश्वरगी थेला दोषी मेन सानामेकी दि जमान खाबा ओतान।
थोगी बात चुक ईन्दे सासीन अब्राहामगी परमेश्वरला विश्वास खाबेकीकामा थेकी थेत्ताङ जमान खाबाते ईन। परमेश्वरगीनी थे खोरोङ दयेकीकामा दोक खाला जमान खित्च्येते ईन। थोगी थेकी थोक खाईन अब्राहामताङ खाबाते जमान थे लाईदुकामा मेन्देकी थे सन्तानओन लाईदुङ ईन। अब्राहाम सन्तान साबातेचेन परमेश्वर नियम ङेताते यहूदीओनकामा मेन, अब्राहामगी च्योकराङ खाला परमेश्वरला विश्वास खित्कान्ते मि गाङेराङ ईन। परमेश्वरला विश्वास खित्कान्ते ङुरूङ गाङेते ज्युज्युचेन अब्राहामराङ ईन।
थेबानी परमेश्वरगी थे खोरोङ मि सिन साबाते इस्राएलीओनराङ ईन। थेबाचेन परमेश्वरगी थे खोरोङ धर्म-पुत्र जोबाते मि ईन। थेबेकी परमेश्वरला मिगी ताराङ मुथुप्च्या झिलिमिली नाम्दाकला देता ओता थोङा ओतान। थे खोरोङगी च्यि च्यि खिते सिन परमेश्वरगी थेबाताङ पालोताङ पालो जमान खाबा ओतान। थेमे थेबेकी चुक चुक खिता फाप्कीते सिन नियमओनोङ बिन्दा ओतान। थे खोरोङला चुक खाला माने खिता फाप्कीते सिन लाप्कीन बिन्गीन थेकी थेबाला आशी बिन्ला लेमु खिओ सिनोङ याङ याङराङ साबा ओतान।
थोक ईन्सीन परमेश्वरगी थे खोरोङ नियम च्यिला बिन्ताका ओना सिरच्येते बादोङ थेन्ग्यो। थे नियमचेन पाप खित्च्या सिराते च्यि ईन्दे थेमे चुक खिता मेङते सिन छ्या स्येस्यीत सिन टिक्पी दिनगी लाईदुकामा बिन्दा ओतान। थे खोरोङगी आशी तेरग्यो सिन अब्राहामताङ जमान खाबाते अब्राहाम सन्तान ओङ ओङसाकलाकामा सिन थे नियम बिन्दा ओतान। यहूदीओनला ङेन सि सिन थे नियमचेन परमेश्वरगी थे खोरोङ दूतओन लाःकनापेकी मिज्यीकला बिन्दा ओतान।
थोक्ते मिचेन ख्रीष्टताङ ठाल्गीन सिन्दाते मि ईन। मि जीउकी गोः च्योकराङ थे खोरोङ मिओनते छ्येते ख्रीष्टराङ ईन। मि जीउचेन चाताङ छिकी जोरे खाबा ओङगो। थेमे गोः ओत्सीनकामा मि जीउ छारग्यो। थोकराङ खाला ख्रीष्टकीकामा थे खोरोङ मि गाङेला डिक च्युत्ला परमेश्वरगी चुक ओङा फाप्क्यो सिन साबाते ईन्दे पूरो खाला थोकराङ ओङ ज्युत्क्यो।
थेकी दोक लेमु खिन ओताते मि नाङ ग्रीक ईन्स्यीत कि यहूदी ईन्स्यीत, जीउला खतकी चिनु जोबाते मि ईन्स्यीत कि थे चिनु माजोबाते मि ईन्स्यीत, ज्येन ज्येन लुङबे मि ईन्स्यीत कि सिथिया सिराते मिओन ईन्स्यीत, योक्पो योङमु ईन्स्यीत कि ज्येन ईन्स्यीत गाङे थोजोराङ ईन। सु च्यि जातकीते ईन्दे, सु छ्ये टेक्टे ईन्दे सिरच्येते बात ओङा मेङगो। ख्रीष्टकामा छ्ये ईन। थे खोरोङ मि गाङे सेमगी नाङ थेराङ देत्क्यो।
ကြော်ငြာတွေ