गलाती 2:21 - जिरेल21 परमेश्वरगी ख्रीष्टकी छ्य्वापेकी मिओनला दया खाबाते काम ङा छ्याःङ काम लै मिक्किओ सिराच्योक मिक्किओ। परमेश्वर नियमला खि साबाते ङेन्देकी परमेश्वरगी ङाला दोषी मेन सिरच्येते ईन्दा ईन्सीन ख्रीष्ट बिनसित्तिला स्यापच्योक ओङच्या ओतान,” सिन साबाप। အခန်းကိုကြည့်ပါ။ |
यहूदी ईन्सीनोङ परमेश्वर नियमला खि साबाते ङेन्ला सुङलाङ परमेश्वरगी दोषी मेन सिरच्येते मेन, खालि येशू ख्रीष्टला विश्वास खित्कान्ते मिओनलाकामा थेकी दोषी मेन सिओ सिन ङुरूङगी लेमु खाईन छ्या स्येबा ओत। थोगी ङुरूङोङ परमेश्वर नियम ङेन्नामेई थेकी दाक्पोनला दोषी मेन सिओ सिन मिसिरो। बरू येशू ख्रीष्टकी खाबाते कामगी खित्सादुका थेकी ङुरूङला दोषी मेन सिओ सिन ङुरूङगी येशू ख्रीष्टला विश्वास खाबाते ईन। च्यिला सासीन परमेश्वर नियमला खि साबाते ङेन्लानी सुङ परमेश्वर दोन्दु गल्ती मिक्किकान्ते मि ओङाराङ मुथुबो।
दोक ईन्सीन च्यि थे नियमचेन परमेश्वरगी आशी तेरग्यो सिन खाबाते जमान बातताङ बान्दा मिडिक्च्येते ईन ओना? मेन मेन, दोक पक्काराङ मेन। मिओनगी नोमुङ मिसिन्च्येते जुनी ङेत्स्यीत सिन परमेश्वरगी थे नियम बिन्दा मेतान। थोक ईन्दा ईन्सीन थे नियमला खि साबाते ङेन्कान्तेबाला थेकी दोषी मेन सिरच्या ओतान।
लेवी थरगी पूजारीओनगी ङेन्ला काम खिता फाप्च्येते नियम विचार खाईन परमेश्वरगी इस्राएलीओनला थे खोरोङ नियम बिन्दा ओतान। पूजारीओनगी थे नियमला साबाच्योक खाईन काम खासीनोङ थेबेकी थोक खाबेकी मिओन पूरो खाला पापदुकी ठाला थुप्च्या ईन्सीन पूजारी हारून च्योकराङ मेन्देकी मल्कीसेदेक च्योकराङ ओङला लोक्ला ज्येनज्यीक पूजारी ओङा फाप्च्येते छ्याःङ खाँचो मेतान।