गलाती 2:20 - जिरेल20 चुक खाईन सासीन ख्रीष्टला स्यिङगी थामला टाँए खाला सेत्जीन ङाङ थेत्ताङराङ थे थामला टाँए खाईन स्याप्ते ईन। ङा थोक खाईन स्याप ईन्सीनोङ थोरूमसाक सोम्बोराङ ओत। ङाराङ सोम्बो ओत्सीनोङ थरिङोला ङे जे खिदुक थे ङे खित्च्येते मेन, ख्रीष्ट ङे सेमगी नाङ ओतेकी ङे च्यि च्यि खिका गाङे थेकीराङ खित ज्युत्च्येते ईन। मास्यिथुप था ङा परमेश्वर फुज्युङला विश्वास खिन देत्ला थेकी खित ज्युता चाला च्योककामा खिन देत्क्यो। थेकी ङाला ङिङज्ये खाईन ङे लाईदु थे खोरोङ ज्यानराङ बिन्गीन स्या ओतान। အခန်းကိုကြည့်ပါ။ |
गलाती 2:20
65 ပူးပေါင်းရင်းမြစ်များ
च्यिला सासीन परमेश्वरगी चुक खाला मिओनला दोषी मेन सिते थेमे येशूला विश्वास खित्कान्ते मिलाचेन विश्वास खाबेकी खित्सादु परमेश्वरगी दोषी मेन सिओ सिन गा लाङच्येते बातलाराङ साबा ओत। बात दोकराङ ईन सिन परमेश्वर बातला “थे खोरोङला विश्वास खित्कान्ते मिला परमेश्वरगी दोषी मेन सिओ। थेमे थोक्ते मिकी नोमुङ मिसिन्च्येते जुनी ङेत्क्यो,” सिन साबा ओत।
थेकी खित्सादुराङ परमेश्वरगी थे खोरोङला विश्वास खित्कान ङुरूङला दया खाईन थे खोरोङताङ डिक च्युताते ईन। था थेकी ङुरूङला दया खिता नोमुङ मोतोङो। दोक ईन्देकी थाचेन परमेश्वरगी ङुरूङला मान बिन्ला थे खोरोङगी ज्वा चाला च्योकराङ लेमु जोइओ साबाते बात ङुरूङगी आश खाईन गुकीन देता च्योकराङ खिओ सिन गा खिन देता थुप्क्यो।
च्यि सासीन गोमाबा ख्योकोनगी खेराङ लाक्पाताङ खेकी खित्सादु, मिगी तासादु, खेराङ सेमगी खित्सादु मेलेबाते कामताङ बात खिन ओतान। थोक खाला ख्योकोनगी परमेश्वरगी साबाते मेङेन्गीन ओतान। था थोक खिता थोङ। बरू खेराङ स्यिसादुकी सोम्बो लोगीन साम्बाते जुनी ङेताते मिओन ईन्देकी परमेश्वरगी खि साबाते ङेन्ग्यो सिन खेराङ जुनी थे लाःक्तुराङ सोम्पे खि। थोक खासीन खेराङ लाक्पाताङ खेकी खित्सादु, मिगी तासादु पाप खिता माफाबो। परमेश्वरगी खि साबा च्योकराङ लेमु काम खिता थुप्क्यो।
यहूदी ईन्सीनोङ परमेश्वर नियमला खि साबाते ङेन्ला सुङलाङ परमेश्वरगी दोषी मेन सिरच्येते मेन, खालि येशू ख्रीष्टला विश्वास खित्कान्ते मिओनलाकामा थेकी दोषी मेन सिओ सिन ङुरूङगी लेमु खाईन छ्या स्येबा ओत। थोगी ङुरूङोङ परमेश्वर नियम ङेन्नामेई थेकी दाक्पोनला दोषी मेन सिओ सिन मिसिरो। बरू येशू ख्रीष्टकी खाबाते कामगी खित्सादुका थेकी ङुरूङला दोषी मेन सिओ सिन ङुरूङगी येशू ख्रीष्टला विश्वास खाबाते ईन। च्यिला सासीन परमेश्वर नियमला खि साबाते ङेन्लानी सुङ परमेश्वर दोन्दु गल्ती मिक्किकान्ते मि ओङाराङ मुथुबो।
येशू ख्रीष्टताङ जीउज्यीकराङ ओङाते मिओनगीचेन थानामेई थोक मिक्किओ सिन दाक्पोन खुशीला ख्याम्च्येते बानी येशू ख्रीष्ट टाँए खाईन स्याप्ते स्यिङगी थामला टाँए खाईन सिन्दा ओत। थोक खाईन दाक्पोन खुशीला ख्याम्च्येते बानी ताङगीन सिन्दा ओतेकी था थेबेकी दाक्पोनला च्यि च्यि खिता सेम लाङगीका थोकराङ खिता माफाबो।
ङे नोमुङ होथेबेकी च्योक खाला दाक्पोनगी खाबाते खइँदा कामगी छ्य्वापेई छ्ये खिता माफाप्स्यीत। ङेनी स्यिङगी थामला टाँए खाईन सेताते ङुरूङ प्रभु येशू ख्रीष्टलाकामा छ्ये जोइओ सिन टुङ्गो खाईन सिन्दा ओत। प्रभु येशू ख्रीष्ट थोक खाईन स्याप्की खित्सादु ङाङ स्यिङगी थामला टाँए खाईन स्याप्ते च्योक ओङगीन दि सा लुङबे मिओनगी ङेन्दा फाप्क्यो सिरच्येते नियम थेमे थेबेकी माने खित्च्येते रीतिथितिओन ङे लाईदु छ्याःङ काम लै मिक्किच्या गाला ओत। थेमे ङाराङचेन होथोक्ते नियमताङ रीतिथिति लाईदु स्याप छेतराङ ओङा ओत।
थेमे ख्रीष्टकी ङुरूङला चुक ङिङज्ये खाईन थे खोरोङ ज्यानराङ बिन्गीन स्या ओताने सिन सम्झे खाला काम बात जे खासीनोङ ख्योकोनगीङ ज्येनला ङिङज्ये खाला खि। परमेश्वरला भोग बिन्दाते स्येक्जीन खाच्येते ठीमा थेला मन परे खिन ओतान। ख्रीष्टकी ङुरूङ लाईदु ज्यान बिन्गीन स्याप्तेचेन परमेश्वरला मन परे खित्च्येते होथे ठीमा च्योक्ते ईन।
ज्येन ज्येन जातकी मिला चुक अचम्ब खाला आशी बिन्ला लेमु खिते सिरच्येते बात थे खोरोङ सन्तानओनगी छ्या स्येबा फाप्क्यो सिन परमेश्वरगी थेबाला छ्या स्ये च्युत्कीन बिन्सुङ। परमेश्वरगी गोमा छ्या स्ये च्युता मेताते होथे बात च्यि ईन्दे सासीन ख्रीष्टचेन ख्योकोन ज्येन ज्येन जातकी मि सेमगी नाङ देत्क्यो। थे थोक खाईन ख्योकोन सेमगी नाङ देत्नामेई परमेश्वरगी तिरी ख्योकोनला मान बिन्ला थे खोरोङगी ज्वा चाला च्योकराङ लेमु जोइओ सिरच्येते बात पक्काराङ दुका सिन आश खाला गुला देता थुप्क्यो।
दोस्यिककामा मेन, थेबेकीचेन था स्वर्गनेकी ग्युरला ओङगो साबाते परमेश्वर फुज्युङ येशूला ख्योकोन गुकीनराङ देत्ला दुक्लो सिरच्येते बादोङ खिदुक। थेला परमेश्वरगी स्यिसादुकी सोम्बो लोक्पा ओत। मिओनला था तिरी परमेश्वरगी स्येदाङगी चूर गाल्ला तेरच्येते सजायदुकी ङुरूङला जोए खित्कान्ते थेराङ ईन।
ङुरूङला ज्येनोङ बात च्यि छ्या ओते सासीन परमेश्वर फुज्युङगी दुरू वाकीन परमेश्वर सु ईन्दे, चुक्ते ईन्दे सिन ङुरूङला छ्या स्ये च्युत्सुङ। थेकी दोक खानामेई ङुरूङ सत्यते परमेश्वरताङ डिक्पा थुप्सुङ थेमे परमेश्वर फुज्युङ येशू ख्रीष्टताङ डिक्पा थुप्सुङ। येशू ख्रीष्टचेन सत्यते परमेश्वर ईन, नोमुङ मिसिन्च्येते जुनी तेरकान्तेङ थेराङ ईन।
ကြော်ငြာတွေ