गलाती 2:15 - जिरेल

¹⁵ ईन्‍दाका ङुरूङ यहूदी ईन्‍देकी होथे नियम मेङेन्‍कान्‍ते ज्‍येन ज्‍येन जातकी मि च्‍योक पापी मेन।

गलाती 2:15 ပူးပေါင်းရင်းမြစ်များ

मत्ती 9:11

थेबा थोक खाईन ङ्योम्‍बुराङ साप सेइन ओता थोङगीन कोई कोई फरिसी पाटी मिकी येशू चेलाओनला “ए ख्‍योकोन गुरू च्‍यिला दि कर लिन्‍कान्‍तेबा थेमे ज्‍येन पापीओनताङ ङ्योम्‍बुराङ देत्‍ला साप सेइका?” सिन सिराला स्‍यूसुङ।

लूका 24:7

थेकी थेजीन ‘परमेश्‍वर ओत्‍सादुई वाबाते मि ङाला पापीओन लाःक्‍तु सोम्‍पे खिओ। थेमे थेबेकी ङाला स्‍यिङगी थामला टाँए खाला सेत्‍क्‍यो। तर स्‍याप्‍ते ङीमा सुमगी छोमु ङा सोम्‍बो लोइओ,’ सिन साबा ओतान, मेन?” सिन सिदुक।

शक्ति काम 22:21

थोक सिरजीनोङ प्रभु येशूकी ङाला ‘खो दुरू देता मेङगो। ङा खोल्‍ला थारी थारीला ज्‍येन ज्‍येन जातकी मिला परमेश्‍वर बात लोपाला तोङगो,’ सिन सिदुक,” सिन थे खोरोङला गोमा ओङाते बाततेबा लाःप्‍सुङ।

रोमी 3:9

थेमे था ङुरूङ चुक सिरच्‍ये ओना? च्‍यि ङुरूङ यहूदीओन ज्‍येन ज्‍येन जातकी मि भन्‍दा लेमु मि ईन सिरच्‍या? चुक खाला दोक सिरच्‍येरो? च्‍यिला सासीन यहूदी ईन्‍स्‍यीत, ज्‍येन ज्‍येन जातकी मि ईन्‍स्‍यीत गाङेराङ मेलेबा कामताङ पाप खित्‍कान्‍ते ईन सिन ङुरूङगी लेमु खाईन छ्या स्‍येसुङ मेन?

रोमी 4:16

थोगी बात चुक ईन्‍दे सासीन अब्राहामगी परमेश्‍वरला विश्‍वास खाबेकीकामा थेकी थेत्ताङ जमान खाबाते ईन। परमेश्‍वरगीनी थे खोरोङ दयेकीकामा दोक खाला जमान खित्‍च्‍येते ईन। थोगी थेकी थोक खाईन अब्राहामताङ खाबाते जमान थे लाईदुकामा मेन्‍देकी थे सन्‍तानओन लाईदुङ ईन। अब्राहाम सन्‍तान साबातेचेन परमेश्‍वर नियम ङेताते यहूदीओनकामा मेन, अब्राहामगी च्‍योकराङ खाला परमेश्‍वरला विश्‍वास खित्‍कान्‍ते मि गाङेराङ ईन। परमेश्‍वरला विश्‍वास खित्‍कान्‍ते ङुरूङ गाङेते ज्‍युज्‍युचेन अब्राहामराङ ईन।

गलाती 2:17

दोक खाला येशू ख्रीष्‍टकी खित्‍सादुकामा परमेश्‍वरगी ङुरूङलाङ दोषी मेन सिओ सिन थेकी ङुरूङ यहूदीओनला बिन्‍दाते नियम ङेन्‍दा ताङनामेई थे नियम मेङेन्‍कान्‍ते ज्‍येन ज्‍येन जातकी मि च्‍योकराङ पापी ओङच्‍या ओङसुङ। थोक ईन्‍सीन च्‍यि येशू ख्रीष्‍ट ङुरूङला पाप खित ज्‍युत्‍कान्‍तेका ईन ओना? पक्‍काराङ मेन।

एफिसी 2:3

ईन्‍दाका गोमाबा ङुरूङ गाङेराङ ज्‍येन च्‍योकराङ दाक्‍पोन खुशीला ख्‍याम्‍गीन दाक्‍पोनला च्‍यि च्‍यि खिता सेम लाङगीका थोकराङ खिन खिता मेङच्‍येते कामताङ बात खिन ओतान। थोक खाबेकी ङुरूङगीङ होथेबा ज्‍येनगी च्‍योकराङ खाला परमेश्‍वरगी स्‍येदाङगी चूर गाल्‍ला तेरच्‍येते सजाय ङेता फाप्‍च्‍या ओतान।

फिलिप्‍पी 3:4

सुइँदेकी ङा जीउला खतकी चिनु जोबाते मि ईन थेमे ङे ज्‍येनोङ धर्म कर्म खाबा ओतेकी परमेश्‍वरगी ङाला दोषी मेन सिओ सिन छ्ये खिदुक सासीन ङा झन छ्ये खिता थुप्‍क्‍यो। थोकराङ बात खिइ सासीन

तीतस 3:3

गोमाबा ङुरूङोङ सो साकान पशु च्‍योकराङ ओतान। ङुरूङगी परमेश्‍वरगी साबाते खाङोङ बात माङेन, ङुरूङ ङ्येकीन गाला ओतान। थेजीन ङुरूङ दोक माक्‍याबाला ओङराङ मेङगो सिराच्‍योक खाला दाक्‍पोन सेमला लाबा लाबा खिता ओङच्‍या मेङच्‍या कामओन खिन ओतान। ङुरूङ जहिलेङ मेलेबाकामा खिन थेमे ज्‍येनला डार खिन ओतान। दोक खाला ङुरूङ गाङे नाङ दोक्‍पोईकी ज्‍येनज्‍यीकला मिगी थोङसार्मु खित्‍च्‍येतेकामा खिन ओतान।