गलाती 2:11 - जिरेल

¹¹ थेमे तिरी पत्रुस एन्‍टिओखियापा वाबा ओतान। थेकी गल्‍ती खाबेकी ङीमाई ङे थेला आउदी खाईन थापाप।

गलाती 2:11 ပူးပေါင်းရင်းမြစ်များ

मत्ती 16:23

थोक खित्‍जीन ख्‍युर ग्‍युरगीन थेकी थेला “शैतान, खो दुरू ङे मिगी दोन्‍दु मादेत। खो ङे काम ङ्ये ज्‍युता छोल्‍गीदुक। परमेश्‍वरगी दोक खाला काम मिक्‍किओ। खुई साबाते दि बातनी परमेश्‍वरगी खित्‍च्‍येते कामताङ डिकराङ मिडिक्‍च्‍येते ईन,” सिन ङारसुङ।

यूहन्‍ना 1:42

थेमे थेकी न्‍वातेलाङ येशू ओत्‍सादु टीकीन खेरसुङ। थेबा थेपा लेप्‍नामेई येशूकी शिमोनताङ बात खिन “खोचेन योआनेस फुज्‍युङ शिमोन ईन। थरिङमेई खुई मिन केफास ईन,” सिन सिदुक। केफास साबाते पत्रुस साबाते ईन। पत्रुस अर्थचेन दो ईन।

शक्ति काम 11:19

स्‍तिफनसला सेत्‍नामेकी येशूला विश्‍वास खित्‍कान्‍तेबाला छ्ये छ्ये मिकी आउदी खाईन दुक्‍पा तेराला स्‍यूनामेकी यरूशलेमदुकी फ्रोकीन छरपुट्ट गालाते मिओन थारी थारीला ख्‍योला ओतान। थेबा लाला फोनिसिये नाङपा, लालाचेन साइप्रस लुङबे नाङपा लेपा ओतान। थोकराङ खाईन लाला लालाचेन एन्‍टिओखिये सारगी नाङपा गाला ओतान। थोक खाईन गाङेपा गालाते मि काल्‍बा च्‍योक्‍तेकी खालि खोपरोङ यहूदीओनलाकामा येशू बात लोपाला स्‍यूसुङ।

शक्ति काम 11:20

थोक ईन्‍सीनोङ कोई कोईकीचेन एन्‍टिओखियापा गाल्‍गीन ग्रीकओनलाङ प्रभु येशू बात लाप्‍सुङ। थोक खित्‍कान्‍तेबाचेन साइप्रस लुङबाताङ साइरेनी सारगी मिओन ओतान।

शक्ति काम 11:22

थेमे एन्‍टिओखियादु थोक खाईन ज्‍येन ज्‍येन जातकी मिकीङ येशूला विश्‍वास खिताला स्‍यूदुक्‍लो सिन यरूशलेमदु जम्‍मा ओङकान्‍ते येशू ख्रीष्‍ट मिओनगी थोसुङ। थेमे थेबेकी बारनाबासला थेपा चुक दुका सिन तार ताङसुङ।

शक्ति काम 11:27

थे बेले नाङलाराङ परमेश्‍वर बात खित्‍कान्‍ते कोई कोई मि यरूशलेमदुकी एन्‍टिओखियापा लिच्‍युङ।

शक्ति काम 15:1

थेमे यहूदिये अञ्‍चलपेकी कोई कोई मि एन्‍टिओखियादु लेप्‍सुङ। थेरू लेप्‍कीन थेबेकी थेरू आज्‍यो न्‍वाओनला “ख्‍योकोनगीङ मोशेकी ङ्योकोन यहूदीओनला जीउला जो साबाते खतकी चिनु ज्‍वा फाप्‍क्‍यो। थे चिनु माजोसीनचेन परमेश्‍वरगी ख्‍योकोनला पापदुकी मेडेलो,” सिन लोपाला स्‍यूसुङ।

शक्ति काम 15:5

थेबेकी थे बाततेबा सानामेकी थेरू येशूला विश्‍वास खित्‍कान्‍ते फरिसी पाटी मि कोई कोईकीचेन “ज्‍येन ज्‍येन जातकी मिकीङ ङुरूङगी च्‍योक खाला खतकी चिनु ज्‍वा फाप्‍क्‍यो, मोशेकी टिबाते परमेश्‍वर नियमोङ ङेन्‍दाराङ फाप्‍क्‍यो,” सिन सासुङ।

२ कोरिन्‍थी 11:5

ख्‍योकोनला होथोक्‍ते बात लोप्‍कान्‍ते खेराङगी येशू ख्रीष्‍टकी खटे खाबाते मि नाङ खापान खापान छ्ये ईन सिराच्‍योक ठाने खाबाते मिओन भन्‍दा ङा छ्याःङ कुरोलाङ कम्‍ती मेत।

२ कोरिन्‍थी 12:11

ङे छ्याःङ बुद्धि मेताते लेम्‍बाते मिकी च्‍योक खाईन ङा दोक्‍ते मि ईन, ङे दोक खिता थुप्‍क्‍यो सिन छ्ये खिन बात खाबाप। ङाला दोक खित ज्‍युत्‍कान्‍ते ख्‍योकोनराङ ईन। ख्‍योकोनगीका थे दोक्‍ते मि ईन, थेकी दोक दोक खिओ सिन ङे बात खिता फाप्‍च्‍येते ईन। ईन्‍दाका ङाला छ्ये ज्‍वा फाप्‍च्‍येते ङा सुङ मेन। ईन्‍सीनोङ खेराङगी येशू ख्रीष्‍टकी खटे खाबाते मि नाङ खापान खापान छ्ये ईन सिराच्‍योक ठाने खाबाते मिओन भन्‍दा ङा छ्याःङ कुरोलाङ कम्‍ती मेत।

२ कोरिन्‍थी 5:16

दोक ईन्‍देकी था ङ्योकोन ज्‍येन मिकी च्‍योक खाला दाक्‍पोनला सु मि चुक्‍ते ईन सिराच्‍योक लाङगीका थे थोक्‍तेराङ ईन सिराच्‍योक खाला बात मिक्‍किओ। गोमा गोमाबा ङेङ ख्रीष्‍टला थेनी दोक्‍तेताङ थोक्‍तेका ईन सिन साबा ओतान। थाचेन ङा नोमुङ थोक मिक्‍किओ।

गलाती 1:18

लो सुम तिरीकामा ङा पत्रुसला ठेत्‍ला बात खिताप सिन यरूशलेमने गाल्‍गीन हप्‍ता ङि थेत्ताङराङ देताप।

गलाती 2:14

थेबेकी थोक खाबाते काम गा लाङच्‍येते बातताङ डिकराङ मिडिक्‍च्‍येते ईन्‍देकी थेरू गाङे ङोन्‍दुराङ ङे पत्रुसला चुक साबे सासीन “खोरोङ यहूदी ईन्‍सीनोङ परमेश्‍वरगी ङुरूङ यहूदीओनला बिन्‍दाते नियम ङेन्‍दा ताङगीन ज्‍येन ज्‍येन जातकी मित्ताङ डिक्‍पा ओतान सासीन था खो याङराङ चुक खाला ज्‍येन ज्‍येन जातकी मिकीङ होथे नियम ङेन्‍दा फाप्‍क्‍यो सिराच्‍योक खिते?

गलाती 2:5

थेबेकी थोक खिता चाल्‍सीनोङ ङ्योकोनगी थेबे बातला कि फेनजोङ माने माक्‍या। थेबे बात ङेन्‍दा ईन्‍सीन ख्‍योकोनगी ङेन्‍दाते गा लाङच्‍येते बात दाक खुदुक डोच्‍या ओतान।

गलाती 2:7

ङाला दोक दोक खि सिन छ्याःङ मिसिरा खाईन बरू थेबेकी यहूदीओन नाङ गा लाङच्‍येते बात लोप्‍च्‍येते जिम्‍मा पत्रुसला बिन्‍दा ओता च्‍योकराङ ज्‍येन ज्‍येन जातकी मि नाङ दि काम खित्‍च्‍येते जिम्‍माचेन परमेश्‍वरगी ङाला बिन्‍दा ओताक्‍वा सिन छ्या स्‍येसुङ।

गलाती 2:9

परमेश्‍वरगी ङाला दया खाईन दि काम खित्‍च्‍येते जिम्‍मा बिन्‍दाते दुका सिन छ्या स्‍येनामेकी होथे छ्येते मिओन नाङ गाङे भन्‍दा छ्येतेबा ईन सिन साबाते याकूब, पत्रुस थेमे यूहन्‍नेकी ङाङ खोपरोङ छेतराङ ईन साकीन बारनाबासताङ ङाला ङुरूङ गाङेराङ डिक्‍ला काम खिइ सिन सिदुक। दोक खित्‍जीनराङ बारनाबासताङ ङा ज्‍येन ज्‍येन जातकी मिला थेमे थेबाचेन यहूदीओनला गा लाङच्‍येते बात लोप्‍की सिरच्‍येते बातला थेबा डिक्‍सुङ।

१ तिमोथी 5:20

थेबेकी साबाते बात साँचो ईन्‍सीन थे गल्‍ती खित्‍कान्‍ते मिला थोक खिता मेङगो सिन ज्‍येनतेबा गाङे दोन्‍दु थोप। थोक खानामेकी थोक्‍ते काम खिता मेङच्‍याक्‍वा सिन ज्‍येनतेबा गाङे ज्‍यीबा खिओ।

याकूब 3:2

ङुरूङ गाङेकी थोकज्‍यीक मेन्‍सीनोङ थोकज्‍यीक दाक गल्‍ती खिओ। दाक्‍पोन खा थाताला ज्‍याक्‍ला बात खित्‍कान्‍ते मिकीचेन गल्‍ती मिक्‍किओ। थोक्‍ते मिकी दाक्‍पोनला पूरो खाला काबूला ज्‍य्‌वाबा थुप्‍क्‍यो।

यहूदा 1:3

ङिङज्‍येते आज्‍यो न्‍वावे, परमेश्‍वरगी ङुरूङला पापकी सजायदुकी चुक खाईन टाल्‍सुङा सिन ख्‍योकोनला चिट्ठी टिक्‍पाला ङाला आउदी सेम लाबा ओतान। थे बात मेन्‍देकी थाचेन ङाला ख्‍योकोनला दि बात टिक्‍पाराङ फाप्‍क्‍यो सिराच्‍योक लासुङ। च्‍यि सासीन ज्‍येनगी जे सासीनोङ, जति दुक्‍पा बिन्‍सीनोङ येशूला विश्‍वास खाईन ङेन्‍दाते बात ख्‍योकोनगी ङेन्‍दा मातोङ। दि बात परमेश्‍वरगी थे खोरोङ सन्‍तान गाङेला ङेन सिन बिन्‍दाते ईन।