एफिसी 5:26 - जिरेल26 थेकी थोक खाबातेचेन थेबा परमेश्वरला मन परे खित्च्येते मि ओङस्यीत सिनराङ ईन। दोक ओङाला छ्युला लुक्ला बप्तिस्मा तेरजीन थेमे थेजीन लापाते परमेश्वर बातकी छ्य्वापेई थेकी थेबाला पापदुकी टाल्गीन बिन्सुङ। အခန်းကိုကြည့်ပါ။ |
एफिसी 5:26
35 ပူးပေါင်းရင်းမြစ်များ
थेबा पापताङ लोभदुकी ठाल्ला परमेश्वर नाम्दाकला देता ङेत्स्यीत, दोक खाला शैतान लाःक्तुकी ठोल्ला परमेश्वर छ्य्वापा लै खित्स्यीत सिन खुई थेबाला ङे बात छ्या स्येबा खाला तेरा फाप्क्यो। थेमे थेबेकी ङाला विश्वास खानामेई परमेश्वरगी थेबे पाप गाङे माफ तेरग्यो। थेमे परमेश्वरगी सेम खुदुक जोबाते मि ज्येनतेबेकी ङेत्च्येते जति गाङे थेबेकीङ ङेत्क्यो,’ सिन सिरा थोसुङ।
ख्योकोनला लेमु ओङस्यीत सिन परमेश्वरगी सधैँ तेइन देता च्योकराङ ङाङ ख्योकोनला चुक खासीन लेमु ओङगीका सिरच्ये छ्य्वापाकामा सेम खिओ। चुक सासीन थे मोरोङगी ङा खोत्ताङ फाङमा खिओ सिन साबाते मित्ताङ फाङमा खिता छोमुसाक थे फेम्मे फिजा कर्ने देताच्योक खाला ख्योकोनोङ ख्रीष्टताङकामा डिक्ला देत्स्यीत सिरच्येते ङेते आउदी सेम ओत।
थेमे खेराङगी ख्रीष्टकी बात झन झन लेमु खाला छ्या स्येबा थुप्स्यीत सिन थे बात ख्योकोनगी सेमगी नाङ गुने खिनराङ देत। चुक सासीन परमेश्वरगी बिन्दाते बुद्धिकी ख्योकोनगी थे बात खेराङ नाङ लोप्कीन देत, थेरू साबा च्योकराङ खिन देता फाप्क्यो सिन दोक्पोईकी ज्येनज्यीकला सिनराङ देत। थेमे परमेश्वरगी खेराङला चुक दया खासुङा सिन गा खिन थेला धन्यवाद सिनकामा खेराङ नाङ भजन लिन्च्येते, परमेश्वरला छ्ये जोच्येते लु लिन्च्येते थेमे परमेश्वर आत्मेकी लिन च्युताते ज्येनोङ लु लिन्च्येते खि।
बात दोक दोक ईन्देकी छ्याःङ शंका मिक्किता खाला परमेश्वरला विश्वास खिन सेमदु पाप सिराते छ्याःङ मोज्योबा खाला ङुरूङ थे दोन्दु ड्वा फाप्क्यो। च्यिला सासीन येशू ख्रीष्टकी खाबाते कामगी खित्सादु ङुरूङ पाप गाङे माफ ओङेकी था ईन्सीन ङे पाप पूरो खाईन माफ ओङसुङ सिन ङुरूङ ढुक्क खाला देता थुप्च्या ओङा ओत। थेमे चङगेते छ्युईकी ठु खाईन चोके खाबाते मि ओङा ओत।
होथोक्ते मिकीनी थोक ज्यीबा लाङच्याई सजाय ङेत्क्यो सासीन परमेश्वर फुज्युङला काम्बे पुज्या छेदोङ गने मिक्किकान्ते, दाक्पोन सेम खुदुक जोच्येते जमान पूरो खित्कान्ते परमेश्वर फुज्युङ ठाकला छ्याःङ काम लै मिक्किच्येते च्योक ठाने खित्कान्ते थेमे मिओनला दया खित्कान्ते परमेश्वर आत्मे विरोध खित्कान्ते मिकी झन चुक ज्यीबा लाङच्याई सजाय ङेदोङा सिन ख्योकोन खेराङराङ विचार खि।
च्यिला सासीन परमेश्वर बातकी छ्य्वापेई मिओनगी जुनी ङेत्क्यो। दि बातकी छ्य्वापेकी परमेश्वरगी मि नाङ काम खिओ। ठाउँ ङिकारपा धार खाबाते आउदी नोम्बोते तरवारगी मिला रोपे खासीन दोन्नापेई ल्हाकनापासाकराङ फोत तोला थुप्क्यो थेमे रूबाताङ जोर्नीतेबा टाल्ला नाङदु ओताते काङ समेत देन्दा थुप्क्यो। होदोक्ते तरवार भन्दाङ परमेश्वर बातकी छ्य्वापेई परमेश्वरगी खित्च्येते काम खापान खापान छ्ये ईन। दि बातकी छ्य्वापेईराङ सुइँदेकी खाबाते कामताङ बात मिकी दाक्पोनगी खाबाते ईन्दाना परमेश्वर आत्मेकी खित च्युताते ईन्दे सिन डेला थुप्क्यो थेमे सुई च्यि विचार खिन दुका, मि सेमगी नाङ लेमु मेलेबा चुक दुका सिनोङ गाङे लेमु खाला डेला थुप्क्यो।
थोक खानामेईनी बिटुले खाबाते मि चोके खिओ सासीन ख्रीष्ट स्यिजीन थे जीउदुकी थेन्दाते ठागी खित्सादु था ईन्सीन मेलेबाते कामगी सजाय ङेत्ला ङा नरककुण्डमा स्यूक्पा माफाबो सिन ख्योकोन ढुक्क खाला देता थुप्क्यो। दोक ओङला ख्योकोनगी सोम्बोते परमेश्वरगी खि साबा साबाते खिन थेला माने खिता थुप्क्यो। च्यिला सासीन छ्याःङ गल्ती खाबा मेताते ख्रीष्ट परमेश्वर आत्मे शक्ति ङेत्कीन परमेश्वरला थे खोरोङ ज्यानराङ बिन्गीन स्या ओत।
थे खोरोङगी गोमामेई खिता चाला च्योकराङ खाईन आबा परमेश्वरगी ख्योकोनला थे खोरोङ मि सिन छाने खाबा ओत। ख्योकोनगी येशू ख्रीष्टकी खि साबा साबा ङेन्स्यीत सिन परमेश्वर आत्मेकी ख्योकोन सेम खुदुक जोबा ओत। थेमे येशू ख्रीष्ट स्यिजीन थे जीउदुकी थेन्दाते ठागी खित्सादु ख्योकोन पाप माफ ओङा ओत। आबा परमेश्वरताङ प्रभु येशू ख्रीष्टकी ख्योकोनला झन झन दया खाला लेमु खिनराङ देत्स्यीत।
थे भलदुकी थोक खाईन नूहताङ थे मिओन सोन्दाते बातचेन थरिङोला परमेश्वरगी मिला पापदुकी डेल्च्येते बप्तिस्मा तेरच्येते बातताङ डिइओ। चुक खाला सासीन छ्युला लुक्ला बप्तिस्मा तेरच्येते काम ठु खाला जीउकी ङेक्च्युक क्युरच्येते च्योक मेन। बप्तिस्मा लिन्कान्ते मिकीनी परमेश्वरगी ङाला पापदुकी टाल्ला ङे सेम लेमु जोरस्यीत सिन बप्तिस्मा लिन्च्येते ईन। परमेश्वरगी थोक्ते मिला पापदुकी डेल्च्येतेचेन येशू ख्रीष्ट सोम्बो लोक्पा ओतेकीराङ ईन।
येशू ख्रीष्ट स्वर्गनेकी देमा वाकीन छ्युला स्यूला लिन्च्येते बप्तिस्मा लाबा ओतान। थेमे ङुरूङ लाईदु थे खोरोङ ज्यान बिन्गीन स्या ओतान। थेकी छ्युला स्यूकीन बप्तिस्मा लाबातेकामा मेन, थे खोरोङ ज्यानराङ बिन्गीन स्या ओतान। दि बाततेबा परमेश्वर आत्मेकी ईन सिन सिओ। परमेश्वर आत्माचेन साँचोते बात खित्कान्ते ईन।
ကြော်ငြာတွေ