एफिसी 5:14 - जिरेल

¹⁴ नाम्‍दाककी खित्‍सादुराङ थोक खाला थेबाङ मुन्‍दाकदुकी ठाल्‍ला नाम्‍दाकला देता ङेत्‍क्‍यो। थोगीराङ “ङ्याला ओतातेबा ङिक छेत्‍ला स्‍याप छेतराङ गाल्‍सादुकी ल्‍वा थेमे ख्रीष्‍टकी ख्‍योकोनला नाम्‍दाकला देत ज्‍युत्‍क्‍यो,” सिन सिरच्‍येते ईन।

एफिसी 5:14 ပူးပေါင်းရင်းမြစ်များ

लूका 1:78

परमेश्‍वर साँच्‍चीराङ आउदी दया खित्‍कान्‍ते ईन। था थेकी मुन्‍दाकदुकी डेल्‍कान्‍तेला स्‍वर्गनेकी ङुरूङ ओत्‍सामा तोङगो। थे देमा वानामेईचेन ङीमा स्‍यारा च्‍योकराङ ओङगो।

लूका 15:24

च्‍यिला सासीन दि दुरूई गाल्‍गीन तोरनामेई थोरूमसाक सोम्‍बो मेतासीन साबाप। तर दि थरिङ सोम्‍बोराङ ग्‍युरगीन वादुक,’ सिन साकीन भोज लै खिताला जेसुकै ठीक खित च्‍युत्‍तुक्‍लो। थोक खाईन थेरू छ्येज्‍यीक भोज लै खादुक्‍लो।

यूहन्‍ना 8:12

येशूकी लोईन मिओनताङ बात खिन “दि सा लुङबे मिओनला नाम्‍दाक तेरकान्‍ते स्‍वर्गे नाम्‍दाक ङाराङ ईन। ङे बात ङेन्‍ला ङे साबाच्‍योक खित्‍कान्‍ते सुङ नोमुङ मुन्‍दाकला ख्‍याम्‍बा माफाबो। थेकीचेन ङे छ्य्‌वापेकी जुनी ङेत्‍च्‍येते नाम्‍दाक ङेत्‍क्‍यो,” सिन सिदुक।

यूहन्‍ना 9:5

दि सा लुङबादु देत देतसाक दि सा लुङबे मिओनला नाम्‍दाक तेरकान्‍ते स्‍वर्गे नाम्‍दाक ङाराङ ईन,” सिन सिदुक।

शक्ति काम 13:47

ङ्योकोनला दोक खि सिन प्रभु येशू थे खोरोङगीराङ कोता ओत। चुक सासीन ‘लुङबा लुङबाला देता ओताते ज्‍येन ज्‍येन जातकी मि ओत्‍साला गाल्‍ला थेबाला ठीक लाम तेन्‍ला तेराला ङे खोल्‍ला छाने खाबा ओत। थोगी गाल्‍ला परमेश्‍वरगी थेबालाङ पापकी सजायदुकी टाल्‍ला लेमु खिओ सिन थेबाला लोप,’ सिन साबा ओत,” सिन सिदुक।

रोमी 6:13

च्‍यि सासीन गोमाबा ख्‍योकोनगी खेराङ लाक्‍पाताङ खेकी खित्‍सादु, मिगी तासादु, खेराङ सेमगी खित्‍सादु मेलेबाते कामताङ बात खिन ओतान। थोक खाला ख्‍योकोनगी परमेश्‍वरगी साबाते मेङेन्‍गीन ओतान। था थोक खिता थोङ। बरू खेराङ स्‍यिसादुकी सोम्‍बो लोगीन साम्‍बाते जुनी ङेताते मिओन ईन्‍देकी परमेश्‍वरगी खि साबाते ङेन्‍ग्‍यो सिन खेराङ जुनी थे लाःक्‍तुराङ सोम्‍पे खि। थोक खासीन खेराङ लाक्‍पाताङ खेकी खित्‍सादु, मिगी तासादु पाप खिता माफाबो। परमेश्‍वरगी खि साबा च्‍योकराङ लेमु काम खिता थुप्‍क्‍यो।

१ कोरिन्‍थी 15:34

थोगी था ख्‍योकोनगी लेमु मेलेबा च्‍यि ईन्‍दे सिन डेला थुप्‍कान्‍ते मि च्‍योक ओङला काम खि। पाप खिन देता थोङ। ख्‍योकोनला ङोचा लोङाप सिनराङ ङा दोक सिन ओत। च्‍यिला सासीन ख्‍योकोन कोईकीनी थोरूमोङ परमेश्‍वर सु ईन्‍दे, थेकी चुक खाला काम खिते सिन छ्याःङ खोबा मिन्‍दुक।

२ कोरिन्‍थी 4:6

परमेश्‍वरगी सा नाम जोजीन “मुन्‍दाकते ठाउँदु नाम्‍दाक ओङस्‍यीत,” सिन साबा ओतान। होथोक सिरकान्‍ते परमेश्‍वरगीराङ मुन्‍दाकते ठाउँदु नाम्‍दाक ओङ च्‍युताच्‍योक खाईन थे खोरोङ सु ईन्‍दे थेमे थेत्ताङ चुक छ्येज्‍यीक शक्ति ओते सिन ङुरूङला छ्या स्‍ये च्‍युत्‍सुङ। दि बात ङुरूङगी ख्रीष्‍टला ताकीन छ्या स्‍येबाते ईन।

एफिसी 2:1

थेमे गोमाबा ख्‍योकोन खिता मेङच्‍येते कामकामा खिन पाप खिन ओतेकी परमेश्‍वर लाईदु स्‍याप छेतराङ गाला ओतान।

एफिसी 2:5

खिता मेङच्‍येते कामकामा खिन पाप खिन थे लाईदु स्‍याप छेतराङ गालाते ङुरूङला ख्रीष्‍टताङराङ सोम्‍बो लोगीन थेला बिन्‍दा च्‍योक्‍ते जुनी बिन्‍सुङ। थे खोरोङ दयेकी खित्‍सादुकामा परमेश्‍वरगी ख्‍योकोनला दोक खाईन पापकी सजायदुकी टाल्‍गीन बिन्‍दाते ईन सिन टोक माज्‍येत।

कलस्‍सी 3:1

परमेश्‍वरगी ख्‍योकोनला ख्रीष्‍टताङराङ सोम्‍बो लोगीन साम्‍बाते जुनी बिन्‍दा ओत। थोगी था ख्‍योकोनगी स्‍वर्गने सु ओते, चुक चुक ओङगीते सिन थेने बात विचार खि। स्‍वर्गनेचेन ख्रीष्‍ट ओत, थे थेने परमेश्‍वर सामे छ्य्‌वापा देता ओत सिन टोक माज्‍येत।

१ थिस्‍सलोनिकी 5:6

थोगी ङुरूङगी होथे ज्‍येनगी खिन ओताच्‍योक खिता मेङगो। ङिगी जाप्‍ते मि च्‍योक गाला ओतेकी थेबेकीचेन तिरी बात छ्याःङ विचार मिक्‍किओ। ङुरूङचेन तिरी बातकी विचार खाला च्‍याङबो खाला देता फाप्‍क्‍यो, छ्याङ रक्‍सी थुकीन होस तोराते मिकी खिताच्‍योक खिता मेङगो।

२ तिमोथी 1:10

ङुरूङला पापदुकी डेल्‍कान्‍ते येशू ख्रीष्‍ट देमा वाबेकी थे खोरोङगी ङुरूङला दया खिओ सिन साबाते बात परमेश्‍वरगी छ्या स्‍ये च्‍युत्‍सुङ। थेमे येशू ख्रीष्‍टकी दुरू वाकीन स्‍यिच्‍येते कालला ग्‍यालेकी थेकी मिओनला नोमुङ मिसिन्‍च्‍येते जुनी तेरग्‍यो थेमे थोक्‍ते मि नोमुङ मिस्‍यिओ। दि बातचेन गा लाङच्‍येते बातलाराङ साबा ओत।

२ तिमोथी 2:26

थेबेकी दि मौका ङेत्‍सीन खोपरोङगी चुक खिन ओता ईन्‍दाका सिन छ्या स्‍येला तोर्बाकला थेप्‍सादुकी स्‍योरा च्‍योकराङ खाला खोपरोङला होथोक्‍ते मेलेबा काम खित ज्‍युत्‍कान्‍ते शैतान लाःक्‍तुकी स्‍योरा थुप्‍क्‍यो।