एफिसी 2:17 - जिरेल

¹⁷ येशू ख्रीष्‍टकी देमा वाकीन गोमा परमेश्‍वरला छ्या मास्‍येकीन दि सा लुङबादु खेराङला लेमु खित्‍कान्‍ते सुङ मेताच्‍योक खाईन देता ओताते ख्‍योकोन थेमे परमेश्‍वरगी छाने खाबाते ङ्योकोन इस्राएली ङुरूङ गाङेला थोक खाईन डिक्‍पा खाबाते बात छ्या स्‍ये च्‍युत्‍कीन बिन्‍सुङ।

एफिसी 2:17 ပူးပေါင်းရင်းမြစ်များ

मत्ती 10:13

थेबेकी ख्‍योकोन बात ङेन्‍दा चाल्‍गीन ख्‍योकोनला लेमु खासीन ख्‍योकोनगी साबा च्‍योकराङ थेबाला परमेश्‍वरगी आशी तेरग्‍यो। थेबेकी थोक खिता सेम माक्‍यासीनचेन थेबाला ख्‍योकोनगी बिन्‍दाते आशी लै मिक्‍किओ।

लूका 15:8

थेमे सुइँदा फेम्‍मे मिते चाँदी डबल च्‍युताम्‍बे नाङ दोक्‍पोई तोरसीन थेकी च्‍यि खिते सिन ख्‍योकोनला छ्या ओत मेन? बत्ती पारला खाम्‍बे नाङ गाङेपा जेक च्‍याला माङेतथुप थेकी थे छोल्‍गीनराङ देत्‍क्‍यो।

लूका 2:14

थेमे थे दूतओनगी “स्‍वर्गने देत्‍कान्‍ते परमेश्‍वरते जय जय ओङस्‍यीत। दि सा लुङबे मिओन नाङ थे खोरोङगी दया खाबाते मिओनला था थेकी लेमु खिओ,” सिन परमेश्‍वरते जय जय खासुङ।

शक्ति काम 10:36

बात चुक सासीन गाङेपा गाङेला राज्‍य खित्‍कान्‍ते येशू ख्रीष्‍टकी खाबाते कामगी खित्‍सादु परमेश्‍वरगी मिओनला थे खोरोङताङ डिक ज्‍युत्‍क्‍यो सिरच्‍येते बात ङ्योकोन इस्राएलीओनला छ्या स्‍ये च्‍युत्‍कीन बिन्‍दा ओत। दि बात ङ्योकोनगी ख्‍योकोनला सिरा माफाप्‍तासीन।

शक्ति काम 2:39

ङुरूङ प्रभु परमेश्‍वरगी मिओनला तेरग्‍यो सिन साबाते परमेश्‍वर आत्‍मा थेकी ख्‍योकोनला, ख्‍योकोन सन्‍तानला थेमे ज्‍येन ज्‍येन लुङबाला देत्‍कान्‍तेबा गाङेला तेरग्‍यो। प्रभु परमेश्‍वरगी सु सुला थे खोरोङ दोन्‍दु स्‍योक सिन कातोङगीका थेबा गाङेला थे खोरोङ आत्‍मा तेरग्‍यो,” सिन सिदुक।

रोमी 10:14

थोक ईन्‍सीनोङ प्रभु येशू ख्रीष्‍टला विश्‍वासराङ माक्‍याबाला सुङगीङ थे छ्य्‌वापा लै खाला थेत्ताङ मद्धत नाङ सिरा मुथुबो। थोकराङ खाला थे सु ईन्‍दे, चुक्‍ते ईन्‍दे सिन थे बात थोराङ माथोबाला सुङगीङ थेला विश्‍वास खिताराङ मुथुबो। थोगी थे बात थोबाला सुइँदा लाप्‍ला तेरकान्‍ते मि गोसुङ मेन?

रोमी 5:1

थोक खाईन थे खोरोङला विश्‍वास खित्‍कान ङुरूङला परमेश्‍वरगी दोषी मेन साबा ओतेकी ङुरूङ थेत्ताङ डिक्‍पा ओत। ङुरूङ प्रभु येशू ख्रीष्‍टकी ङुरूङला थेत्ताङ डिक्‍पा खाईन बिन्‍दाते ईन।

२ कोरिन्‍थी 5:20

थोगी ङेराङला जिम्‍मा बिन्‍दाते काम खिताला ङ्योकोन ख्रीष्‍टकी ताङाते मि ईन। मिओनला परमेश्‍वरताङ डिक्‍च्‍येते सेम खि सिन बात खित्‍कान्‍ते ङ्योकोन ईन्‍सीनोङ परमेश्‍वर थे खोरोङगीराङ ङ्योकोन छ्य्‌वापेकी मि गाङेताङ दि बात खित्‍च्‍येते ईन। ख्रीष्‍टकी छ्य्‌वापेई ङ्योकोन ख्‍योकोनला परमेश्‍वरताङ डिक्‍च्‍येते सेम खि सिन सिओ।

एफिसी 4:21

ख्रीष्‍ट सु ईन्‍दे सिन लापाते बात ख्‍योकोनगी थोबा ओत मेन? थे बात लोप्‍जीन येशूकी खाबातेताङ साबाते सत्‍यते बात ख्‍योकोनला लापा ओतान।