कलस्‍सी 4:15 - जिरेल

¹⁵ लाओडिसियादु ओताते आज्‍यो न्‍वाओनलाङ ङेते नमस्‍ते ओत्‍लो सि। थोकराङ खाला निम्‍फसला थेमे थे खाम्‍बादु जम्‍मा ओङकान्‍ते येशू ख्रीष्‍ट मिओनलाङ नमस्‍ते ओत्‍लो सि।

कलस्‍सी 4:15 ပူးပေါင်းရင်းမြစ်များ

रोमी 16:5

थेबे खाम्‍बादु जम्‍मा ओङकान्‍ते येशू ख्रीष्‍ट मिओनलाङ ङेते नमस्‍ते ओत सि। थेमे ङे ङिङज्‍येते र्‍वा इपेनितसलाङ नमस्‍ते ओत सि। एशिये लुङबादु येशू ख्रीष्‍टला विश्‍वास खित्‍कान्‍ते मिओन नाङ गाङे भन्‍दा गोमा थेला विश्‍वास खित्‍कान्‍ते मि थेराङ ईन।

१ कोरिन्‍थी 16:9

ङे खित्‍च्‍येते काम रोके खिता छोल्‍कानताङ ङे विरोध खित्‍कान दुरू काल्‍बेई ओत्‍सीनोङ ङाराङगी खिन ओताते काम खित्‍च्‍येते छ्येज्‍यीक मौका ङेत्‍कीन थे काम ङे आउदी लेमु खाईन खिता थुपा ओत।

कलस्‍सी 2:1

ङा ख्‍योकोन लाईदु दोक खाला स्‍याप स्‍याप खाला काम खिन ओताते बात ख्‍योकोनगी छ्या स्‍येबा फाप्‍क्‍यो। ईन्‍दाका ख्‍योकोन लाईदुकामा मेन, लाओडिसिये सारदु ओताते थेमे थातासाक नोमुङ माठेताते ज्‍येनोङ येशू ख्रीष्‍ट मि गाङे लाईदु ङा दोक खाला दुक्‍पा खिन ओत।

कलस्‍सी 4:13

ख्‍योकोन लाईदुकामा मेन, दिकी लाओडिसियाताङ हिरापोलिस सारदु ओताते येशू ख्रीष्‍ट मिओन लाईदुङ नोमुङ टोक मेज्‍येता खाला आउदी खाला प्रार्थना खिदुक। दि ङेराङ थोङाते ईन।

कलस्‍सी 4:16

थेमे खेराङ गाङेकी थोच्‍या खाईन पढे खाईन सिन्‍नामेकी दि चिट्ठी ख्‍योकोनगी लाओडिसियापा थोङ। ख्‍योकोनगी च्‍योकराङ खाला दि चिट्ठी थेरू जम्‍मा ओङकान्‍ते येशू ख्रीष्‍ट मि गाङेकी थोच्‍या खाला पढे खिता फाप्‍क्‍यो। थोकराङ खाला ङे थेबाला ताङाते चिट्ठीचेन ख्‍योकोन ओत्‍सापा थोङ साला गाङेकी पढे खि।

फिलेमोन 1:2

खोल्‍लाकामा मेन, ङ्योकोन नुमु अप्‍फिया, ङेराङ च्‍योकराङ दुक्‍पा खाला येशू ख्रीष्‍टकी खि साबाते काम खित्‍कान्‍ते अर्खिप्‍पस थेमे खुई खाम्‍बादु जम्‍मा ओङकान्‍ते येशू ख्रीष्‍ट मिओनला ङ्योकोन दि चिट्ठी टिगीन ओत।