थेमे दि मि परमेश्वर बात खित्कान्ते दुका सिन छ्या स्येला थेला लेमु खित्कान्ते मिला परमेश्वरगी थे खोरोङ बात खित्कान्ते मिला जे तेरगीदुक थेलाङ थेराङ तेरग्यो। थोकराङ खाला परमेश्वरगी खि साबा साबाच्योक खित्कान्ते मिला लेमु खित्कान्ते मिकीङ परमेश्वरगी खि साबा साबाच्योक खित्कान्ते मिकी च्यि ङेत्कीका थेराङ ङेत्क्यो।
कलस्सी 3:24 - जिरेल24 थेकी तिरी थे खोरोङ मिओनला इनाम सिन तेरग्यो साबाते जति ख्योकोनगीङ ङेत्क्यो सिन ख्योकोनला छ्याराङ ओत। ख्योकोनगी खिन ओताते काम खेराङ मालिक प्रभु ख्रीष्ट लाईदु ईन सिन टोक माज्येत। အခန်းကိုကြည့်ပါ။ |
कलस्सी 3:24
31 ပူးပေါင်းရင်းမြစ်များ
थेमे बर्त देत्जीन ख्योकोनगीचेन ज्येनगी खोपरोङला धर्मतीते मि दुका साला मान खित्स्यीत सिराच्योक खित्कान्ते मिओनगी च्योक माकेत। होथोक्ते मिओनगीचेन खोपरोङ बर्त देता ओताक्वा सिन ज्येनगी छ्या स्येस्यीत सिन छ्येत सेत्ला देत्क्यो। दि बात ङेन। थोक खित्कान्ते मिओनला ज्येनगीचेन मान खिओ। तर परमेश्वरगी तेरच्येते इनामचेन थेबेकी छ्याःङ मेङेदो।
प्रार्थना खित्जीन ख्योकोनगीचेन ज्येनगी खोपरोङला धर्मतीते मि दुका साला मान खित्स्यीत सिराच्योक खित्कान्ते मिओनगी च्योक माकेत। होथोक्ते मिओनगी चुक खिते सासीन परमेश्वरला आउदी खाला माने खित्कान्ते ईन सिन तेन्दाला मिटिङ खित्च्येते खाम्बे नाङला थेमे मि छ्वासा रूसाला गाङेकी थोङस्यीत सिन आउदी खाला प्रार्थना खिओ। दि बात ङेन। मिओनगी थेबाला मान खिओ। तर परमेश्वरगीनी थेबे प्रार्थना ङेनराङ मेङेनो।
ख्योकोनगीचेन खेराङ शत्रुओनलाङ ङिङज्ये खि, थेबाला लेमु खि। सुइँदाला खइँदा किन्जीन किम्बाराङ लिन्दाप सिन मातेर। ङे खि साबा च्योकराङ खासीन गाङे भन्दा छ्येते परमेश्वरगी ख्योकोनला तिरी छ्येज्यीक मान तेरग्यो। थेमे ख्योकोनला थे फुज्युङ फुमु ईन सिरा सोई खिओ। च्यिला सासीन परमेश्वरगी बैगुनीताङ मेलेबा काम खित्कान्ते मिओनलाङ ङिङज्ये खिओ।
था ङा ख्योकोन गाङेला परमेश्वर लाःक्तुराङ सोम्पे खिओ। थेमे थेकी दया खिओ सिन छ्या स्येच्येते गा लाङच्येते बात ङेन्गीन देत सिनोङ सिओ। दोक खिन देत्सीन ख्योकोनगी प्रभु येशूला झन लेमु खाला विश्वास खिता थुप्क्यो। थेमे परमेश्वरगी सेम खुदुक जोबाते मि गाङेला तिरी तेरग्यो साबाते जति गाङे ख्योकोनलाङ तेरग्यो।
बात चुक ईन्दे सासीन सुइँदा मि योक्पो योङमु ईन्सीनोङ प्रभु परमेश्वरगी थेला थे खोरोङ दोन्दु स्योक सिन काताङनामेकी थोक्ते मि योक्पो योङमु मेन्देकी प्रभु येशू मि ईन। थोकराङ खाला सुइँदा मि योक्पो योङमु मेन्सीनोङ प्रभु परमेश्वरगी थे खोरोङ दोन्दु स्योक सिन काताङनामेकी थोक्ते मिओनचेन ख्रीष्टकी योक्पो योङमु ईन।
ङे दोक सिन सिनोङ थोरूमोङ च्यि परमेश्वरला मेन्देकी मिओनला खुशी ज्वाप्लाका ङे दि बातओन साबाते ईन्दासीन सिराच्योक लाङगीदुक? ना मिओनगी ङाराङला लेमु मि सिरस्यीत सिन ङे दोक साबाते ईन सिराच्योक लाङगीका? ङा थोक खाला मि मान छोल्कान्ते ईन्सीन ङा ख्रीष्टकी काम खित्कान्ते ईन सिन ङे चुक खाला सिरा थुप्च्या ओतानेरो?
थेमे परमेश्वरला माने खिताला बर्त देत्च्येतेताङ दुक्पा खाला खाला होदोक्ते काम काल्बेई खिता फाप्क्यो, परमेश्वर दूतओनलाङ माने खिता फाप्क्यो सिन सिरकान्ते मि सुङगीङ बात माङेन। थोक्ते मि बात ङेन्सीन ख्योकोनगी परमेश्वरगी तेरच्येते इनाम मेङेदो। होथोक सिरकान्ते मिओनगीचेन परमेश्वरगी ङ्योकोनला मिलाम खित ज्युताच्योक खासुङ, थेजीन ङ्योकोनगी दोक दोक थोङसुङ सिन सिओ। थेबे सेम लेमु मेतेकी थेबा होदोक्ते बात खिन छ्ये खिन ख्याम्ग्यो।
परमेश्वरला छ्या स्येबा छोल्कान्ते मिकी परमेश्वर पक्काराङ ओत थेमे थे सु ईन्दे, चुक खिते सिन पक्काराङ खाला छ्या स्येबा छोल्कानला थेकी लेमु खिओ सिन थेला विश्वास खिताराङ फाप्क्यो। होदोकराङ खाला थेला विश्वास खित्कान्ते मि थेला मन परे खिओ। होदोक खाला थेला विश्वास मिक्किकान्ते मिचेन थेला मन परे मिक्किओ।
थोक खाईन स्यिइन ख्रीष्टचेन परमेश्वरगी तिरी खाबाते जमान पूरो खाला तेरकान्ते ओङा ओत। थे थोक खित्कान्ते ओङेकी खित्सादु परमेश्वरगी थे खोरोङ दोन्दु स्योक सिन काताङाते मिओनला नोमुङ मोतोरच्या खाला तेरग्यो सिन साबाते जति था थेबेकी गाङे ङेत्च्या ओङा ओत। परमेश्वरगी गोमे जमान खानामेई तिरी जमान खित खितसाक मिओनगी खाबाते गाङे पाप माफ तेराला थेबे पापकी सजाय ख्रीष्टकी भोगे खाईन स्याप्की खित्सादु थेबेकी ङेत्च्येते जति ङेत्च्या ओङाते ईन।
दि चिट्ठी टिक्कान्ते ङा शिमोन पत्रुस ईन। ङा येशू ख्रीष्ट काम खित्कान्ते थेकी खटे खाबाते मि ईन। ङा दि चिट्ठी जे खित्जीनोङ ठीक खाला खित्कान्ते ङुरूङला पापदुकी डेल्कान्ते येशू ख्रीष्टकी खित्सादु ङेराङ च्योकराङ पक्का खाला थेला विश्वास खिता ङेताते मिओनला टिगीन ओत। येशू ख्रीष्टराङ ङुरूङ परमेश्वर ईन।
ကြော်ငြာတွေ