18 थेमे फेम्मे मिवे, दाक्पोन ख्योबो अधीनला देत। ख्योकोन प्रभु येशूताङ जीउज्यीकराङ ओङा ओताते मिकी दोक खिता लेमु ईन।
थेकी थोक सिरजीन पत्रुसबा गाङेकी “ङ्योकोनगीनी परमेश्वरगी खि साबाते ताङला मि बात ङेन्दा मेङगो।
था ङा ख्योकोनला बातज्यीक बात ङि सिरामीन। च्यि सासीन ख्योओ मि भन्दा ख्रीष्ट छ्ये ईन। थेमे फेम्मे मि भन्दा ख्योओ मि छ्ये ईन। थोकराङ खाला ख्रीष्ट भन्दा परमेश्वर छ्ये ईन।
येशू ख्रीष्ट मिओन ख्योकोन जम्मा ओङा ओते बेलाला फेम्मे मि सुङगीङ बात खिता मेङगो। परमेश्वर नियमला साबा च्योकराङ खाला थेबाचेन खोपरोङ ख्योबो अधीनला देत्ला खाराक्पाराङ देता फाप्क्यो।
थेमे फेम्मे मिवे, प्रभु ख्रीष्टला मान खिन थेकी साबाते ङेन्दा च्योकराङ खाला ख्योकोनगी दाक्पोन ख्योबोलाङ मान खिन थेबे अधीनला देत।
रन्डीबाजीताङ होदि च्योक्ते खिता मेङच्येते ङोचा लाङच्येते काम थेमे लोभ खित्च्येतेनी बातराङ थोङ, होदोक्ते कामगी बात समेदोङ ख्योकोनगी खिता मेङगो। परमेश्वर सन्तानगी होदोक्ते बात खिताराङ सोई मिक्किओ।
चुक सासीन नाम्दाकला देत्कान्ते मिकीचेन लेमुते कामताङ बात खिओ, परमेश्वरगी खि साबा साबाच्योक खिओ थेमे साँचोते बातकामा खिओ।
ङाचेन फेम्मे मिओनगी ख्योओ मिओनला लोपा मेङगो थेमे थेबाला कोत्च्येते अधिकार ओताच्योक खाला कोता ओङराङ मेङगो सिन सिओ। थेबाचेन ख्योओ मिओनगी लोप्जीन बात काल्बा मिक्किता खाला देता फाप्क्यो।