कलस्सी 3:17 - जिरेल17 ख्योकोनगी काम बात जे खासीनोङ प्रभु येशू मिओनगी खिता फापा च्योकराङ खाला खि। थेमे प्रभु येशू छ्य्वापेई आबा परमेश्वरला धन्यवाद तेरगीन देत। အခန်းကိုကြည့်ပါ။ |
कलस्सी 3:17
29 ပူးပေါင်းရင်းမြစ်များ
च्यि सासीन येशू ख्रीष्ट सु ईन्दे, चुक्ते ईन्दे सिन खेराङगी छ्या स्येबाते बात ङेन्दा नोमुङ मातोङ, झन झन लेमु खाला थे बातला खि साबा च्योकराङ खिन येशू ख्रीष्टला विश्वास खिन देत, ज्येनगी जे सासीनोङ खेराङला लाप्कीन बिन्दाते येशू ख्रीष्ट बातला छ्याःङ शंका माकेत थेमे परमेश्वरगी खेराङला चुक लेमु खासुङा सिन थेला धन्यवाद सिरा नोमुङ मातोङ।
ख्रीष्टकी ख्योकोनला सेम ढुक्क खाला देत ज्युत्च्येते ईन्देकी ख्योकोन सेमज्यीकराङ खाला डिक्ला थुन्ला देत। ख्योकोन जीउज्यीकराङ ओङाते गाङेराङ डिक्ला थुन्ला देत्स्यीत सिनराङ परमेश्वरगी ख्योकोनला थे खोरोङ दोन्दु स्योक सिन काताङाते ईन। परमेश्वरगी खाबाते गाङे कामगी लाईदु ख्योकोनगी थेला धन्यवाद बिन।
परमेश्वरगी जुनी बिन्दाते ख्योकोनोङ दो च्योक्तेराङ ईन। दोक्ते दोई छ्य्वापेई परमेश्वरगी थे खोरोङ आत्मा देत्च्येते मन्दिर जोच्येते ईन्देकी ख्योकोनगी थेला मेङगो मिसिरा खाला थोक खित छ्युत। दोक ओङनामेई ख्योकोनगी परमेश्वरला मन परे खित्च्येतेबा चढे खित्कान्ते पूजारी ओङला थेला मन परे खित्च्येते काम खिता थुप्क्यो। दोकचेन ख्योकोनगी येशू ख्रीष्टकी खाबाते कामगी खित्सादु खिता थुप्क्यो।
बात दोक ईन्सीनोङ ख्योकोनलाचेन परमेश्वरगी थे खोरोङ मि ईन सिन छाने खाबा ओत। ख्योकोनचेन परमेश्वर पूजारी ईन, थेचेन गेल्बो ईन। ख्योकोन परमेश्वरला माने खित्कान्ते मि ईन। ख्योकोन परमेश्वर मिराङ ईन। थेकी ख्योकोनला पापताङ लोभदुकी टाल्ला थे खोरोङ नाम्दाकला देताला थे खोरोङ दोन्दु स्योक सिन काताङा ओत। थेकी खाबाते अचम्ब अचम्बतेन्दे कामगी बात ख्योकोनगी ज्येनलाङ सिरस्यीत सिन थेकी ख्योकोनला दोक खाबाते ईन।
च्यि सासीन ज्येनला परमेश्वर बात लोप्कान्तेकी परमेश्वरगी जे साला दुक थेराङ लोप। थेमे ज्येनला ता फाप्कानगीङ परमेश्वरगी ङाला थोक खित्च्येते शक्ति बिन्दाते ईन सिन थे काम खि। दोक खाला जसकी जे खासीनोङ येशू ख्रीष्ट छ्य्वापेकी परमेश्वरते जय जय खित्च्येते काम खि। परमेश्वरते सधैँभरि जय जय ओङस्यीत। थेकी गाङेपा गाङेला राज्य खिनराङ देत्स्यीत। आमेन।
ကြော်ငြာတွေ