कलस्सी 2:19 - जिरेल19 थोक्ते मिचेन ख्रीष्टताङ ठाल्गीन सिन्दाते मि ईन। मि जीउकी गोः च्योकराङ थे खोरोङ मिओनते छ्येते ख्रीष्टराङ ईन। मि जीउचेन चाताङ छिकी जोरे खाबा ओङगो। थेमे गोः ओत्सीनकामा मि जीउ छारग्यो। थोकराङ खाला ख्रीष्टकीकामा थे खोरोङ मि गाङेला डिक च्युत्ला परमेश्वरगी चुक ओङा फाप्क्यो सिन साबाते ईन्दे पूरो खाला थोकराङ ओङ ज्युत्क्यो। အခန်းကိုကြည့်ပါ။ |
कलस्सी 2:19
33 ပူးပေါင်းရင်းမြစ်များ
तर परमेश्वरगी लेमुते जैतुन दोङबो हाँगे नाङ जैतुन मोगोन्च्येते हाँगाओनचेन दुम्गीन क्युरसुङ। थेमे दुम्गीन क्युराते ठाउँदुचेन छ्याङमे नाङला थाराङ केबाते जैतुन दोङबो हाँगा खुलाकीन जोरे खासुङ। थे खोरोङगी साबाते मेङेन्कान्ते इस्राएलीओनला ताङगीन थेबे साटोला परमेश्वरगी ख्योकोन ज्येन ज्येन जातकी मिला थे खोरोङ मि ईन साबाते ईन सिराला ङे दि दोङबो बात खाबाते ईन। थोक खाईन जोरे खाबाते हाँगाओनगी गोच्येते जेसुकै चाप्रेनमेकी ङेता च्योकराङ खाईन परमेश्वरगी थेबे ज्युज्यु पुर्खाला बिन्दाते आशी ख्योकोनलाङ तेरगीन ओत।
था जे ओङसीनोङ ख्रीष्टते गा लाङच्येते बात ङेन्कान्ते मिओनगी चुक चुक खिता फाप्च्येते ईन्दे ख्योकोनगी होथोकराङ खि। च्यि सासीन ख्योकोन गाङेराङ सेमज्यीकराङ खाला डिक्ला देत। ज्येनगी जे सासीनोङ जति दुक्पा बिन्सीनोङ ख्योकोन गाङेराङ डिक्ला खेराङगी ङेन्दाते गा लाङच्येते बात ङेन्गीनराङ देत। ङा थेपा वासीन ख्योकोनगी थोक खिन ओताते ङाराङगीराङ थोङगो, मासुङ सासीनोङ ख्योकोनगी थोक खिन दुक्लो सिन ङे थोबा ङेत्स्यीत।
प्रभु येशू मिकी चुक खिता फाप्कीते सिन छ्या स्येला ख्योकोनगी थोकराङ खित्स्यीत, काम बात जे खासीनोङ थेला मन परे मिक्किच्येते सिराते छ्याःङ मिक्किस्यीत बरू झन झन लेमुते कामकामा खित्स्यीत थेमे परमेश्वर सु ईन्दे, चुक्ते ईन्दे सिन झन लेमु खाला छ्या स्येस्यीत सिन ङ्योकोन दोक खाला प्रार्थना खिओ।
दोस्यिककामा मेन, मि जीउकी गोः च्योकराङ थे खोरोङ मिओनते छ्येतेचेन ख्रीष्टराङ ईन। येशू ख्रीष्ट मिओनचेन थे जीउ च्योक ईन। थेचेन थे जीउकीते गोः च्योक ईन। मिओनला थे खोरोङ मि जोकान्ते थेमे स्याप्ते मिओन नाङ गाङे भन्दा गोमा नोमुङ मिस्यिच्या खाला सोम्बो लोक्कान्ते थेराङ ईन। सा नाम खाङ ओताते जोबाते जति जो ईन्स्यीत जे ईन्स्यीत, थे खोरोङ मि ईन्स्यीत होदिबा गाङेते जहिलेङ जे कुरोलाङ ख्रीष्टकामा छ्येते ओङा फाप्क्यो सिन परमेश्वरगी होदोक दोक ओङ च्युताते ईन।
ख्योकोन थेमे होथेबा ज्येन गाङेकी आँट ङेत्ला दोक्पोईकी ज्येनज्यीकला ङिङज्ये खिन गाङेराङ सेमज्यीकराङ खाला डिक्ला देत्स्यीत थेमे परमेश्वरगी गोमा सुङलाङ छ्या स्ये च्युता मेताते बात च्यि ईन्दाका सिन ख्योकोन गाङेकी लेमु खाला छ्या स्येला पूरो खाला खोबा थुप्स्यीत सिनराङ ङा दोक दुक्पा खाला खाला काम खिन ओत। होथे बात लेमु खाला छ्या स्येच्या साबातेचेन ख्रीष्टला छ्या स्येच्येतेराङ ईन।
ကြော်ငြာတွေ