कलस्‍सी 2:17 - जिरेल

¹⁷ दोक्‍ते साच्‍या थुङच्‍याताङ चाड माने खित्‍च्‍येते बाततेबा गाङे परमेश्‍वरला माने खिताला ख्रीष्‍ट मावाथुप ङेन्‍दा फाप्‍च्‍येते बातकामा ओतान। थोगी दि बाततेबा खालि ख्रीष्‍ट वानामेई चुक चुक खिते सिन थेकी खित्‍च्‍येते कामगी नक्‍कलकामा ओतान। ख्रीष्‍ट वानामेई परमेश्‍वरला चुक खाला माने खिता फाप्‍कीते सिरच्‍येते गाङे बात पूरो ओङा ओत।

कलस्‍सी 2:17 ပူးပေါင်းရင်းမြစ်များ

यूहन्‍ना 1:17

परमेश्‍वरगी थे खोरोङ नियम मिओनला मोशे लाःक्‍तुकी बिन्‍दा ओतान। थे खोरोङ दया खित्‍कान्‍ते थेमे सत्‍यते ईन सिनचेन येशू ख्रीष्‍ट छ्य्‌वापेई तेन्‍गीन बिन्‍सुङ।

हिब्रू 10:1

परमेश्‍वरगी मि नाङ थे खोरोङ नियम छ्य्‌वापेई खिता चालाते कामताङ तिरी थेबाला लेमु खिओ साबाते काम दोक्‍पोईराङ मेतान। थे नियमचेन तिरी थेकी लेमु खिओ साबाते कामगी नक्‍कलकामा ओतान। थोगीराङ थे नियमला साबाच्‍योक खाईन पूजारीओनगी लोई ठाङमा परमेश्‍वरला याङ याङ पशुतेबा भोग तेरगीन देत्‍सीनोङ थेला माने खिताला थे दोन्‍दु डोकान सुङगीङ नोमुङ था ईन्‍सीन ङे पाप गाङे माफ ओङसुङ सिन सिरा थुपा मेतान।

हिब्रू 8:5

दुरू पूजारीओनगी काम खित्‍च्‍येते ठाउँनी स्‍वर्गने ओताते ठाउँकी नक्‍कलकामा ईन। थोगीराङ मोशेकी परमेश्‍वरला देताला सिन पाल जोजीन परमेश्‍वरगी थेला “खुई ङा देत्‍च्‍येते पाल जोजीन गाङे ङे खोल्‍ला सीनै बोमदु तेन्‍गीन बिन्‍दा ओता च्‍योकराङ खाला जो,” सिन साबा ओतान।

हिब्रू 9:9

थे गोमे कोठाताङ थे नाङ खित्‍च्‍येते गाङे कामगी विचार खित्‍जीन ङुरूङगी थरिङोला दि बातज्‍यीक लेमु खाला खोबा थुप्‍कीदुक। च्‍यि सासीन परमेश्‍वरला जे चढे खासीनोङ, भोग बिन्‍सीनोङ सुङ मि था ईन्‍सीन ङे पाप पूरो खाईन पाप ओङसुङ सिराच्‍योक खाईन ढुक्‍क खाईन देता थुपा मेतान।