कलस्‍सी 2:14 - जिरेल

¹⁴ चुक सासीन ङुरूङगी खाबाते पापबरी थेकी गाङे टिकीन ज्‍याक्‍पा ओतान। थोक खाईन टिबाते स्‍यिउला ङुरूङ दोषी ईन, सजाय तेरा फाप्‍क्‍यो सिनोङ टिबा ओतान। थेकी थे स्‍यिउ स्‍यिङगी थामला काँटी ग्‍याप्‍कीन टाँए खाईन ङुरूङ पापी ईन, ङुरूङगी सजाय ङेता फाप्‍क्‍यो सिन थेरू टिबा ओताते बातबरी गाङे मेटे खासुङ।

कलस्‍सी 2:14 ပူးပေါင်းရင်းမြစ်များ

लूका 1:6

थेबा जाप्राङ ङिकाराङ प्रभु परमेश्‍वर नियम गाङे लेमु खाला ङेन्‍गीन ओतान। दोक खाला थेबा ङिबोचेन परमेश्‍वरला मन परे खित्‍च्‍येते काम खिन ओतान।

शक्ति काम 3:19

थाचेन ङा ख्‍योकोनला च्‍यि सिते सासीन ख्‍योकोनगी खेराङ पापी दुका सिन छ्या स्‍येला परमेश्‍वर छ्य्‌वापा लै खि। थोक खासीन प्रभु परमेश्‍वरगी ख्‍योकोन पाप माफ तेरग्‍यो। थेमे थेकी ख्‍योकोनला आशी बिन्‍ला ढुक्‍क खाला देत ज्‍युत्‍क्‍यो।

कलस्‍सी 2:20

ख्‍योकोन ख्रीष्‍टताङ स्‍याप्‍ते मि ईन, मेनरो? थोक ईन्‍सीनोङ ख्‍योकोन च्‍यिला दि सा लुङबा खाङ मिओनगी खोपरोङ ज्‍युज्‍यु पुर्खे पालोमेई माने खिन वाबाते रीतिथिति माने खिता फाप्‍क्‍यो सिराच्‍योक खिते? दोक्‍ते रीतिथिति था छ्याःङ माने खिता माफाबो।

२ थिस्‍सलोनिकी 2:7

थे वाबा मेत्‍सीनोङ थेत्ताङ डिक्‍कान्‍तेबेकी मिओनला परमेश्‍वरगी साबाते ङेन माच्‍युत्‍ला पाप खित ज्‍युत्‍कीन ओत। थे लाम किल्‍ला ज्‍य्‌वाकान्‍तेला परमेश्‍वरगी लो था थेला थोङ सानामेईचेन थे ओङा थुप्‍क्‍यो।

हिब्रू 7:18

थोगी दोक दोक खि सिन गोमा परमेश्‍वरगी बिन्‍दाते नियम छ्य्‌वापेई मिओनला छ्याःङ लेमु मायाङेकी दि नियम काम लै माक्‍यासुङ।

हिब्रू 8:13

दोक खाईन परमेश्‍वरगी ज्‍येनज्‍यीक जमान खिओ सिन साकीन गोमे जमान छ्याःङ काम लै मिक्‍किच्‍या जोसुङ। ङिङबा गाल्‍गीन काम लै मिक्‍किच्‍या गालाते जे कुरोङ ङीमाई दाक तोरला डुइओ।

१ पत्रुस 2:24

ङुरूङ पापदुकी ठाल्‍ला परमेश्‍वरगी खि साबा साबाच्‍योक खित्‍कान ओङस्‍यीत सिन थे ङुरूङ पापकी सजाय भोगे खाईन स्‍यिङगी थामला टाँए खाईन स्‍यिसुङ। थेकी थोक खाईन दुक्‍पा भोगे खाबेकी खित्‍सादु था ख्‍योकोनगी पापकी सजाय भोगे खिता माफाबो।