कलस्सी 2:13 - जिरेल13 खेराङ सेम मेलेबा ओत्कीन गोमाबा ख्योकोन खेराङला चुक खिता सेम लाङगीका थोकराङ खिन पाप खिन देतेकी परमेश्वर लाईदु स्याप छेतराङ गाला ओतान। ख्योकोन थोक्ते मि ओता ईन्सीनोङ परमेश्वरगी ख्योकोनला ख्रीष्टताङराङ सोम्बो लोगीन थेला बिन्दा च्योक्ते साम्बाते जुनी बिन्सुङ। थेकी ङुरूङगी खाबाते पाप गाङे माफ बिन्दा ओत। အခန်းကိုကြည့်ပါ။ |
कलस्सी 2:13
36 ပူးပေါင်းရင်းမြစ်များ
दि बात परमेश्वर बातला दोक सिन टिबा ओत। च्यि सासीन अब्राहाम थे खोरोङ दोन्दु ओत्जीन परमेश्वरगी थेला “खोचेन जात जातकी मि ज्युज्यु ओङगो,” सिन साबा ओतान। परमेश्वरगी स्याप्ते मिओनला सोम्बो लोइओ थेमे थोङला ओतराङ मेतातेङ थेकी ओङस्यीत सानामेई दाक ओङगो। होदोक खिता थुप्कान्ते परमेश्वरला अब्राहामगी विश्वास खाबाते ईन।
च्यि सासीन गोमाबा ख्योकोनगी खेराङ लाक्पाताङ खेकी खित्सादु, मिगी तासादु, खेराङ सेमगी खित्सादु मेलेबाते कामताङ बात खिन ओतान। थोक खाला ख्योकोनगी परमेश्वरगी साबाते मेङेन्गीन ओतान। था थोक खिता थोङ। बरू खेराङ स्यिसादुकी सोम्बो लोगीन साम्बाते जुनी ङेताते मिओन ईन्देकी परमेश्वरगी खि साबाते ङेन्ग्यो सिन खेराङ जुनी थे लाःक्तुराङ सोम्पे खि। थोक खासीन खेराङ लाक्पाताङ खेकी खित्सादु, मिगी तासादु पाप खिता माफाबो। परमेश्वरगी खि साबा च्योकराङ लेमु काम खिता थुप्क्यो।
थेकीराङ ङ्योकोनला थे खोरोङगी मिओनताङ तिरी खिओ सिन साबाते जमान बात ज्येनला लोप सिन जिम्मा बिन्सुङ। ङ्योकोनगी लोप्च्येते होदि जमान बातचेन थाङबो मोशे पालोला दोई पाटीला टिबाते परमेश्वर नियम च्योक्ते मेन, परमेश्वर आत्मे बात ईन। होथे दोई पाटीला टिबाते नियमला खि साबाच्योक मिक्किकान्ते मिओनचेन पापकी सजाय ङेत्ला स्यिइओ। परमेश्वर आत्मेकीचेन मिओनला नोमुङ मिसिन्च्येते जुनी तेरग्यो।
च्यि सासीन ख्रीष्टकी खाबाते कामगी खित्सादु परमेश्वरगी दि सा लुङबे मिओनला थेबेकी खाबाते मेलेबाते कामताङ बातकीते छ्याःङ हर हिसाब मिलिन्दा खाईन थे खोरोङताङ डिक्पा खित्च्येते काम खासुङ। थेमे मिओनला थे खोरोङताङ डिक ज्युत्क्यो सिरच्येते बात ज्येनला लोप्च्येते कामगी जिम्मा थेकी ङ्योकोनला बिन्सुङ।
बात दोक दोक ईन्देकी ख्योकोन ज्येन ज्येन जातकी मिकी खेराङ गोमा चुक ओताने सिन टोक माज्येत। खोपरोङचेन परमेश्वरगी छाने खाबाते मि ईन सिन जीउला खतकी चिनु जोकान्ते इस्राएलीओनगी ख्योकोनला खोपरोङ च्योक खतकी चिनु मोजोकान्ते मि ईन सिन सिओ। ईन्दानी जीउला जोच्येते थे खतकी चिनु मि खोपरोङगीराङ जोच्येते ईन।
चुक सासीन ख्योकोनला बप्तिस्मा तेरजीन ख्योकोन छ्युई नाङ नुप्जीन ख्रीष्टताङराङ स्यिइन थेत्ताङ दिबाते ईन। थेमे छ्युदुई थेन्जीन परमेश्वरगी ख्योकोनला ख्रीष्टताङराङ सोम्बो लोक्पाते ईन। ख्रीष्टला स्यिसादुकी सोम्बो लोक्कान्ते परमेश्वरताङ छ्येज्यीक शक्ति ओत सिन थेला विश्वास खाबेकी थेकी ख्योकोनला थोक खाबाते ईन।
बात दोक ईन्देकी था ङुरूङगी ख्रीष्ट सु ईन्दे, थेकी च्यि खासुङा सिन शुरू शुरूला लोपा फाप्च्येते बातओनकामा लोप्कीन मेदेता खाला होदोक्ते बात लेमु खाला खोबा थुप्कान्ते पाकोते मि च्योक ओङा फाप्क्यो। च्यि सासीन थाचेन ङुरूङगी नरककुण्डमा स्यूक्च्येते काम खिता ताङला परमेश्वर छ्य्वापा लै खाला थेला विश्वास खित्च्येते,
थोक खानामेईनी बिटुले खाबाते मि चोके खिओ सासीन ख्रीष्ट स्यिजीन थे जीउदुकी थेन्दाते ठागी खित्सादु था ईन्सीन मेलेबाते कामगी सजाय ङेत्ला ङा नरककुण्डमा स्यूक्पा माफाबो सिन ख्योकोन ढुक्क खाला देता थुप्क्यो। दोक ओङला ख्योकोनगी सोम्बोते परमेश्वरगी खि साबा साबाते खिन थेला माने खिता थुप्क्यो। च्यिला सासीन छ्याःङ गल्ती खाबा मेताते ख्रीष्ट परमेश्वर आत्मे शक्ति ङेत्कीन परमेश्वरला थे खोरोङ ज्यानराङ बिन्गीन स्या ओत।
ကြော်ငြာတွေ