कलस्सी 1:28 - जिरेल28 ख्रीष्ट दोक खाला ज्येन ज्येन जातकी मि सेमगी नाङ देत्क्यो सिन ङ्योकोन मि गाङेला लोप्क्यो। च्यि सासीन ख्रीष्टताङ जीउज्यीकराङ ओङाते मिओन काम बात जे कुरोलाङ पाको गालाते मि ओङला परमेश्वर दोन्दु देता थुप्स्यीत सिन ङ्योकोनगी लोप्च्येते बात लेमु खाला ङेन सिन मि गाङेला दि बात परमेश्वरगी बिन्दाते बुद्धिकी लेमु खाला लोप्क्यो। အခန်းကိုကြည့်ပါ။ |
कलस्सी 1:28
54 ပူးပေါင်းရင်းမြစ်များ
फरिसी पाटीताङ सदुकी पाटी मिङ काल्बेई थे ओत्सादु वाबा ओतान। थेबेकीङ खोपरोङला छ्युला लुक्ला बप्तिस्मा नाङ सिरजीन यूहन्नेकी थेबाला “छ्यि ख्योकोन ङोचा क्ये मेतातेबा, छ्युला स्यूला बप्तिस्मा लालाकामा परमेश्वरगी था तिरी स्येदाङगी चूर गाल्ला तेरच्येते सजायदुकी थारग्यो सिन खेल्ला सुई सिका? थोक सजिलो खाला थे सजायदुकी माथारो।
थे मि रूक्सादु इपिक्युरीताङ स्तोइकी सिरातेन्दे पाटी गुरूओनोङ ओतान। पावलगी लापाते येशू बात थेमे स्यिनामेकी याङराङ सोम्बो लोइओ सिरच्येते बात थोजीन थेत्ताङ छलफल खिन थेबे नाङ लालेकी “दि फतफते बादोङ च्यि ङेन्च्ये?” सिन सासुङ। लालेकीचेन “दिकी ज्येन लुङबे ल्हे बात खित्च्या ईन्दा च्यिन्दा,” सिन सासुङ।
थेमे परमेश्वरगीराङ ख्योकोनला शक्ति तेरच्येते ईन्देकी ख्योकोनगी येशू ख्रीष्टला विश्वास खिन देता थुप्क्यो। परमेश्वरगी खित्सादु दोक खिन देता थुप्क्यो सिन येशू ख्रीष्ट सु ईन्दे, चुक्ते ईन्दे सिन ङे लोप्कीन ओताते गा लाङच्येते बातला साबा ओत। दि जुग शुरू ओङा भन्दा गोमामेईराङ परमेश्वरगी सुङलाङ छ्या स्ये च्युता मेताते दि गा लाङच्येते बात
परमेश्वरगी खित्सादुकामा ख्योकोन येशू ख्रीष्टताङ जीउज्यीकराङ ओङाते ईन। येशू ख्रीष्टला ताला परमेश्वर चुक बुद्धि पुरे खाला काम खित्कान्ते ईन्दे सिन छ्या स्येक्यो। च्यि सासीन ख्रीष्टकी खित्सादु परमेश्वरगी ङुरूङला दोषी मेन सिओ, थेकी ङुरूङ सेम खुदुक जोबा ओत थेमे ङुरूङला पापकी सजायदुकी टाला ओत।
ख्योकोनला लेमु ओङस्यीत सिन परमेश्वरगी सधैँ तेइन देता च्योकराङ ङाङ ख्योकोनला चुक खासीन लेमु ओङगीका सिरच्ये छ्य्वापाकामा सेम खिओ। चुक सासीन थे मोरोङगी ङा खोत्ताङ फाङमा खिओ सिन साबाते मित्ताङ फाङमा खिता छोमुसाक थे फेम्मे फिजा कर्ने देताच्योक खाला ख्योकोनोङ ख्रीष्टताङकामा डिक्ला देत्स्यीत सिरच्येते ङेते आउदी सेम ओत।
ख्योकोन गोमा थोक ओता ईन्सीनोङ ख्रीष्ट मि जुनी लाकीन स्याप्की खित्सादु थाचेन परमेश्वरगी ख्योकोनला थे खोरोङताङ डिक च्युता ओत। ख्योकोन थे खोरोङ दोन्दु सेम खुदुक गालाते, छ्याःङ गल्ती मेताते थेमे सुङगीङ दिबा दोक दोक गल्ती खित्कान्ते मि ईन सिरा मुथुप्च्या गालाते मि ओङस्यीत सिन थेकी ख्योकोनला दोक खाईन थे खोरोङताङ डिक च्युता ओत।
थेमे ख्रीष्टकी खित्सादुराङ ख्योकोनगी परमेश्वरगी तेरच्येते साम्बाते जुनी ङेत्कीन खेराङला गोच्येते जति गाङे ङेता ओत। सा नाम खाङ ओताते परमेश्वर दूतओन ईन्स्यीत, ल्हा ल्हन्डीक ईन्स्यीत, छ्ये टेक्टे जो ईन्सीनोङ जे ईन्सीनोङ होदिबा गाङे ख्रीष्टकी अधीनला ओत। होदिबा गाङे भन्दा छ्येतेचेन थेराङ ईन।
थेमे खेराङगी ख्रीष्टकी बात झन झन लेमु खाला छ्या स्येबा थुप्स्यीत सिन थे बात ख्योकोनगी सेमगी नाङ गुने खिनराङ देत। चुक सासीन परमेश्वरगी बिन्दाते बुद्धिकी ख्योकोनगी थे बात खेराङ नाङ लोप्कीन देत, थेरू साबा च्योकराङ खिन देता फाप्क्यो सिन दोक्पोईकी ज्येनज्यीकला सिनराङ देत। थेमे परमेश्वरगी खेराङला चुक दया खासुङा सिन गा खिन थेला धन्यवाद सिनकामा खेराङ नाङ भजन लिन्च्येते, परमेश्वरला छ्ये जोच्येते लु लिन्च्येते थेमे परमेश्वर आत्मेकी लिन च्युताते ज्येनोङ लु लिन्च्येते खि।
थोकराङ खाला खेराङ युलगी मि इपाफ्रासतेङ ख्योकोनला नमस्ते ओत्लो। थेङ येशू ख्रीष्ट काम खित्कान्ते मिराङ ईन सिन ख्योकोनला छ्याराङ ओत। ख्योकोन काम बात जे कुरोलाङ पाको गालाते मि ओङस्यीत थेमे परमेश्वरगी खेराङला च्यि खि सिका सिन लेमु खाला छ्या स्येला खि साबा च्योकराङ खित्स्यीत सिन दिकी ख्योकोन लाईदु परमेश्वरताङ आउदी खाला प्रार्थना खिदुक।
थेमे ख्योकोन सुङगीङ येशूला विश्वास खित्कान्ते ज्येन मि फेम्मेताङ खिता मेङच्येते काम खाला थे ख्योबोला सोम्बोलाराङ सबी चावादु लुच्येते काम माकेत। होथोक्ते मेलेबाते काम जे खासीनोङ थोक खित्कान्तेबाला प्रभु येशूकी सजाय तेरग्यो। थोगी ख्योकोन च्याङबो खि सिन ङ्योकोनगी ख्योकोनला गोमाकाराङ लाःपा ओत।
परमेश्वरगी गोमा सुङलाङ छ्या स्ये च्युता मेताते थे खोरोङला चुक खाला माने खिता फाप्कीते सिरच्येते बात आउदी अचम्ब लाङच्याज्यीक दुक। दि बात मेन सिन सुङगीङ सिरा मुथुबो। दि बात च्यि ईन्दे सासीन ख्रीष्टचेन मि जुनी लाकीन पृथ्वीदु केसुङ। थे छ्याःङ गल्ती मेताते ईन सिन परमेश्वर आत्मेकी छ्या स्ये च्युता ओत। थेला परमेश्वर दूतओनगी थोङा ओत। जात जातकी मिला थे बात लाप्कीन बिन्दा ओत। सा लुङबा खाङ मिओनगी थेला विश्वास खाबा ओत। थेला परमेश्वरगी छ्येज्यीक मान बिन्गीन स्वर्गने खेरा ओत।
थोक्ते मिचेन सुङगीङ दिकी दि दि गल्ती खाबा ओत सिन साबा मेताज्यीक ओङा फाप्क्यो। थेते फेम्मेज्यीककामा ओङा फाप्क्यो। थेचेन जहिलेङ च्याङबो खाला देत्कानज्यीक, दाक्पोन सेम काबूला ज्य्वाबा थुप्कानज्यीक ओङा फाप्क्यो। थे बानी लेमु ओताज्यीक, डोम्बोओनताङ फार छुर ख्याम्कान मिओनला लेमु खित्कानज्यीक थेमे मिओनला परमेश्वर बात लेमु खाला लोपा थुप्कानज्यीक ओङा फाप्क्यो।
ကြော်ငြာတွေ