कलस्सी 1:27 - जिरेल27 ज्येन ज्येन जातकी मिला चुक अचम्ब खाला आशी बिन्ला लेमु खिते सिरच्येते बात थे खोरोङ सन्तानओनगी छ्या स्येबा फाप्क्यो सिन परमेश्वरगी थेबाला छ्या स्ये च्युत्कीन बिन्सुङ। परमेश्वरगी गोमा छ्या स्ये च्युता मेताते होथे बात च्यि ईन्दे सासीन ख्रीष्टचेन ख्योकोन ज्येन ज्येन जातकी मि सेमगी नाङ देत्क्यो। थे थोक खाईन ख्योकोन सेमगी नाङ देत्नामेई परमेश्वरगी तिरी ख्योकोनला मान बिन्ला थे खोरोङगी ज्वा चाला च्योकराङ लेमु जोइओ सिरच्येते बात पक्काराङ दुका सिन आश खाला गुला देता थुप्क्यो। အခန်းကိုကြည့်ပါ။ |
कलस्सी 1:27
39 ပူးပေါင်းရင်းမြစ်များ
थेचेन परमेश्वर आत्मा ईन। थेकी ख्योकोनला सत्यते परमेश्वर छ्या स्ये ज्युत्क्यो। दि सा लुङबे मिओनगी दिङ सु ईन्देरो सिराच्योक खाला थेला छ्याःङ वास्ता मिक्किओ। च्यिला सासीन थेबेकी थे सु ईन्दे सिन छ्याङ मेस्येओ, थेला थोङाङ मुथुबो। तर ख्योकोनगीचेन थेला छ्या स्येक्यो। थे ख्योकोनताङ नोमुङ माठाला खाला ख्योकोन सेमगी नाङराङ देत्क्यो।
थेकी खित्सादुराङ परमेश्वरगी थे खोरोङला विश्वास खित्कान ङुरूङला दया खाईन थे खोरोङताङ डिक च्युताते ईन। था थेकी ङुरूङला दया खिता नोमुङ मोतोङो। दोक ईन्देकी थाचेन परमेश्वरगी ङुरूङला मान बिन्ला थे खोरोङगी ज्वा चाला च्योकराङ लेमु जोइओ साबाते बात ङुरूङगी आश खाईन गुकीन देता च्योकराङ खिओ सिन गा खिन देता थुप्क्यो।
थेमे परमेश्वरला ङ्योकोन धन्यवाद तेरग्यो। ख्रीष्टताङ जीउज्यीकराङ ओङा ओतेकी ङेराङ जहाँदु गाल्सीनोङ परमेश्वरगी सधैँ ङ्योकोनला ख्रीष्ट च्योकराङ शत्रुला ग्याल्कान्ते ईन सिन तेन्ला तेरगीदुक। थेमे धूप पारनामेकी थे बास्ना फैले खाबा च्योकराङ खाला ङ्योकोन छ्य्वापेकी ख्रीष्ट सु ईन्दे, थेकी च्यि खिते सिरच्येते बात गाङेपा फैले खित ज्युत्कीदुक।
थरिङोला टिक्पी दिन दोक्ते दुक्पा भोगे खिता फाप्सीनोङ दोक खाईन सिन्नामेईनी परमेश्वरगी ङेराङला सधैँभरि लाईदु मान बिन्ला थे खोरोङगी ज्वा चाला च्योकराङ लेमुका जोइओ। होथे बात सम्झे खित्जीन ङ्योकोनलानी थरिङोला टिक्पी दिन ङेराङगी भोगे खिन ओताते होदोक्ते पीरताङ दुक्पा छ्याःङ मेन सिराच्योक लाङगीदुक।
परमेश्वरगी सा नाम जोजीन “मुन्दाकते ठाउँदु नाम्दाक ओङस्यीत,” सिन साबा ओतान। होथोक सिरकान्ते परमेश्वरगीराङ मुन्दाकते ठाउँदु नाम्दाक ओङ च्युताच्योक खाईन थे खोरोङ सु ईन्दे थेमे थेत्ताङ चुक छ्येज्यीक शक्ति ओते सिन ङुरूङला छ्या स्ये च्युत्सुङ। दि बात ङुरूङगी ख्रीष्टला ताकीन छ्या स्येबाते ईन।
चुक खाईन सासीन ख्रीष्टला स्यिङगी थामला टाँए खाला सेत्जीन ङाङ थेत्ताङराङ थे थामला टाँए खाईन स्याप्ते ईन। ङा थोक खाईन स्याप ईन्सीनोङ थोरूमसाक सोम्बोराङ ओत। ङाराङ सोम्बो ओत्सीनोङ थरिङोला ङे जे खिदुक थे ङे खित्च्येते मेन, ख्रीष्ट ङे सेमगी नाङ ओतेकी ङे च्यि च्यि खिका गाङे थेकीराङ खित ज्युत्च्येते ईन। मास्यिथुप था ङा परमेश्वर फुज्युङला विश्वास खिन देत्ला थेकी खित ज्युता चाला च्योककामा खिन देत्क्यो। थेकी ङाला ङिङज्ये खाईन ङे लाईदु थे खोरोङ ज्यानराङ बिन्गीन स्या ओतान।
परमेश्वरगी था तिरी खेराङला स्वर्गने तेरग्यो सिन साबातेबा ङेत्क्यो सिन खेराङगी आश खाईन देताते पक्काराङ ङेत्क्यो सिन छ्या स्येबेकीराङ ख्योकोनगी थोक लेमु खिन ओताते ईन। परमेश्वरगी खेराङला तेरग्यो साबाते ङेत्क्यो सिनचेन ख्योकोनगी सत्यते बात थोनामेई छ्या स्येबा ओत। सत्यते बातचेन गा लाङच्येते बात ईन।
थेकी दोक लेमु खिन ओताते मि नाङ ग्रीक ईन्स्यीत कि यहूदी ईन्स्यीत, जीउला खतकी चिनु जोबाते मि ईन्स्यीत कि थे चिनु माजोबाते मि ईन्स्यीत, ज्येन ज्येन लुङबे मि ईन्स्यीत कि सिथिया सिराते मिओन ईन्स्यीत, योक्पो योङमु ईन्स्यीत कि ज्येन ईन्स्यीत गाङे थोजोराङ ईन। सु च्यि जातकीते ईन्दे, सु छ्ये टेक्टे ईन्दे सिरच्येते बात ओङा मेङगो। ख्रीष्टकामा छ्ये ईन। थे खोरोङ मि गाङे सेमगी नाङ थेराङ देत्क्यो।
दाक्पोनगी आश खाईन देताच्योक पक्काराङ ओङगो सिन छ्या ओतेकी दोक ओङगीता मेङता सिन ङुरूङ नोमुङ छ्याःङ ज्यीबा मिक्किता खाला देता थुप्क्यो। ङुरूङगी आश खाईन देता च्योकराङ खाला ङुरूङला परमेश्वर दोन्दु खेराला येशू गाङे भन्दा छ्येते पूजारी ओङगीन ङुरूङ भन्दा गोमाका पर्दे ल्हाकनापा परमेश्वर दोन्दु गाङे भन्दा छ्येते पूजारीकामा ड्वा ङेत्च्येते ठाउँदु गाल्गीन देता ओत। येशू मल्कीसेदेक च्योकराङ गाङे भन्दा छ्येते पूजारी ओङा ओत। थे सधैँभरि गाङे भन्दा छ्येते पूजारी ओङला देत्क्यो।
ကြော်ငြာတွေ