थे बेलालाराङ परमेश्वर आत्मे छ्य्वापेई आउदी गा खिन येशूकी “आबा, खो दि स्वर्गताङ पृथ्वीते मालिक ईन। ङा खुईते जय जय खिओ। च्यिला सासीन परमेश्वर राज्य बात खुई पढे माक्याबाते थेमे काल्बा बात छ्या मेस्येकान्ते मिओनला लेमु खाईन खो च्युत्सुङ। दि बातनी खुई आउदी बुद्धि ओतातेताङ काल्बेई पढे खाबाते छ्ये छ्ये मिलाङ खो च्युता मेतान। आबा खोल्ला दोक खिताराङ लेमु लासुङ। दोक खाईन खुई खिता चालाते च्योकराङ ओङसुङ,” सिन सासुङ।
कलस्सी 1:19 - जिरेल19 च्यिला सासीन थे खोरोङ जस्तो ईन फुज्युङोङ होथोकराङ ओङाते थेला लेमु लाबा ओतान। थे खोरोङगी दोक खिता चालेकीराङ थोक ओङाते ईन। အခန်းကိုကြည့်ပါ။ |
कलस्सी 1:19
12 ပူးပေါင်းရင်းမြစ်များ
दोक खाईन आउदी बुद्धि पुरे खाला काम खित्कान्ते परमेश्वरगी दि सा लुङबे मिओनगी जति बुद्धि खिये खासीनोङ खोपरोङ बुद्धिकी थेला छ्या स्येबा मुथुबो सिन तेन्गीन बिन्दा ओत। मिओनगी लेम्बे बात ईन सिरच्येते ङ्योकोनगी लोप्च्येते बातराङ मिओनगी ङेन्स्यीत थेमे दि बात ङेन्ला येशूला विश्वास खित्कान्तेबाला पापकी सजायदुकी डेल्ग्यो सिन परमेश्वरगी टुङ्गो खाईन दोक खिताराङ थेला लेमु लासुङ।
थेकी दोक लेमु खिन ओताते मि नाङ ग्रीक ईन्स्यीत कि यहूदी ईन्स्यीत, जीउला खतकी चिनु जोबाते मि ईन्स्यीत कि थे चिनु माजोबाते मि ईन्स्यीत, ज्येन ज्येन लुङबे मि ईन्स्यीत कि सिथिया सिराते मिओन ईन्स्यीत, योक्पो योङमु ईन्स्यीत कि ज्येन ईन्स्यीत गाङे थोजोराङ ईन। सु च्यि जातकीते ईन्दे, सु छ्ये टेक्टे ईन्दे सिरच्येते बात ओङा मेङगो। ख्रीष्टकामा छ्ये ईन। थे खोरोङ मि गाङे सेमगी नाङ थेराङ देत्क्यो।
ကြော်ငြာတွေ