कलस्सी 1:18 - जिरेल18 दोस्यिककामा मेन, मि जीउकी गोः च्योकराङ थे खोरोङ मिओनते छ्येतेचेन ख्रीष्टराङ ईन। येशू ख्रीष्ट मिओनचेन थे जीउ च्योक ईन। थेचेन थे जीउकीते गोः च्योक ईन। मिओनला थे खोरोङ मि जोकान्ते थेमे स्याप्ते मिओन नाङ गाङे भन्दा गोमा नोमुङ मिस्यिच्या खाला सोम्बो लोक्कान्ते थेराङ ईन। सा नाम खाङ ओताते जोबाते जति जो ईन्स्यीत जे ईन्स्यीत, थे खोरोङ मि ईन्स्यीत होदिबा गाङेते जहिलेङ जे कुरोलाङ ख्रीष्टकामा छ्येते ओङा फाप्क्यो सिन परमेश्वरगी होदोक दोक ओङ च्युताते ईन। အခန်းကိုကြည့်ပါ။ |
थेबेकीचेन ख्रीष्टकी विषयला बात खिन ख्रीष्टकी दुरू वाला आउदी दुक्पा भोगे खिता फाप्क्यो थेमे स्याङ फाप्क्यो। थेमे स्याप्तेबा गाङे नाङ थे गोमा सोम्बो लोक्ला था परमेश्वरगी मिओनला पापताङ दुक्पादुकी डेल्ग्यो सिन खोपरोङ यहूदी थेमे ज्येन ज्येन जातकी मि गाङेला छ्या स्ये ज्युत्क्यो सिन साबा ओतान,” सिन सिदुक।
थे खोरोङगी तोके खाबाते ठीक समय छाङनामेईचेन गोमामेईराङ येशू ख्रीष्ट छ्य्वापेकी खिओ सिन थे खोरोङगी खिता चालाते काम थेकी खासुङ। दि काम च्यि ईन्दे सासीन स्वर्गने ओताते ईन्स्यीत, पृथ्वीदु ओताते ईन्स्यीत, जो ईन्सीनोङ जे ईन्सीनोङ गाङेला येशू ख्रीष्ट छ्य्वापेकी डिक्पा खाला थे अधीनलाराङ ज्य्वाच्येते ईन।
ख्योकोन लाईदु दुक्पा भोगे खित्च्येतेनी ङाला गा लाङच्येते बातका ईन। ख्रीष्टकी खिता चालाते काम पूरो ओङस्यीत सिन ङाङ ङाराङला ङे जीउकी थोई दुक्पा भोगे खिता फाप्क्यो सिन ओताने थोस्यिकराङ दुक्पा भोगे खिन ओत। दि दुक्पाचेन ङे येशू ख्रीष्ट थे खोरोङ जीउ ईन्दाते मिओनला लेमु ओङाला भोगे खिता फाप्क्यो।
थोक्ते मिचेन ख्रीष्टताङ ठाल्गीन सिन्दाते मि ईन। मि जीउकी गोः च्योकराङ थे खोरोङ मिओनते छ्येते ख्रीष्टराङ ईन। मि जीउचेन चाताङ छिकी जोरे खाबा ओङगो। थेमे गोः ओत्सीनकामा मि जीउ छारग्यो। थोकराङ खाला ख्रीष्टकीकामा थे खोरोङ मि गाङेला डिक च्युत्ला परमेश्वरगी चुक ओङा फाप्क्यो सिन साबाते ईन्दे पूरो खाला थोकराङ ओङ ज्युत्क्यो।
लाओडिसिया सारदु जम्मा ओङकान्ते येशू ख्रीष्ट मिओनला ताकोरा खित्कान्ते परमेश्वर दूतला दोक सिन टि। दि बातचेन साँचोते बातकामा खित्कान्ते थेमे परमेश्वर सु ईन्दे सिन थेमे थेकी खित्च्येते कामगी बात लेमु खाला लाप्ला तेरकान्ते आमेन सिराते ङा सिन ओत। परमेश्वरगी सा नाम थेमे ओताते जति गाङे ङे छ्य्वापेकीराङ जोबाते ईन।