शक्ति काम 9:40 - जिरेल

⁴⁰ पत्रुसकी थेरू ओताते मि गाङेला फिनामा तेन्‍गीन ताङगीन खोबुकला देत्‍कीन च्‍याकीन परमेश्‍वरला प्रार्थना खासुङ। थोक खाईन थेकी थे स्‍याप्‍ते रो ज्‍याक्‍सापा ग्‍युरगीन “तबीता, लो ल्‍वा,” सिन सिदुक। थेकी थोक सिरजीन तबीतेकी मिक पेत्‍सुङ। थेमे थेला थोङगीन थेरू लाकीन देत्‍सुङ।

शक्ति काम 9:40 ပူးပေါင်းရင်းမြစ်များ

मत्ती 6:6

प्रार्थना खित्‍जीन ख्‍योकोनगीचेन ज्‍येनगी मोथोङच्‍या खाला च्‍यिकराङ खइँसाला देत्‍ला च्‍याला मि मिगी थोङा मुथुप्‍च्‍येते ख्‍योकोन आबा परमेश्‍वरला प्रार्थना खि। थोक खासीन सुङगीङ मोथोङच्‍या खाईन खाबाते कामोङ थोङकान्‍ते ख्‍योकोन आबा परमेश्‍वरगी ख्‍योकोन प्रार्थना ङेन्‍ला ख्‍योकोनला इनाम तेरग्‍यो।

मत्ती 9:25

होथे मिओनला फिनामा तेन्‍गीन ताङनामेकी येशूकी थे स्‍याप्‍ते फेम्‍मे फिजा ओताते कोठादु गाल्‍गीन थे फिजे लाक्‍पाला जुम्‍सुङ। थेमे थे फेम्‍मे फिजा खोक लासुङ।

मर्कूस 9:25

थेमे मि गाङेराङ छ्य्‌वाकीन वाकीन थेरूराङ ह्रुप रूपा थोङगीन येशूकी थे ल्‍हन्‍डीकला “खुई दि फिजे नामज्‍योक ओन च्‍युत्‍कीन दिला लाटा जोला दुक। खो दि फिजादुकी थेन्‍ला ग्‍युक। थेमे याङराङ नोमुङ दि फिजाला मादो,” सिन कोत्‍सुङ।

लूका 22:41

थेमे थेबाला ठाउँज्‍यीक्‍तु ज्‍यागीन थे खोरोङचेन टिक्‍पी फजेकपा गाल्‍सुङ।

लूका 8:54

थेमे येशूकी थे स्‍याप्‍ते फेम्‍मे फिजे लाक्‍पाला जुम्‍गीन “ए फुमो ल्‍वा,” सिन सिदुक।

शक्ति काम 20:36

दि बाततेबा खाईन सिन्‍नामेई पावलगी एफिससदुकी वाबाते थेबा गाङेताङ खोबुकला देत्‍कीन परमेश्‍वरला प्रार्थना खासुङ।

शक्ति काम 21:5

ईन्‍सीनोङ थेरूकी ख्‍याम्‍बे बेला लेप्‍नामेकी ङ्योकोन सारदुई थेन्‍गीन पानीजहाजला जेक्‍पाला समुन्‍द्रे खानामा गालाप। थेरूई डोजीन थेबा गाङेराङ खोपरोङ फेम्‍मे फिजातेबालाङ टीकीन थेस्‍साक ङ्योकोनला केल लिच्‍युङ। ङ्योकोन गाङेकी थेबाताङराङ थेरू खोबुकला देत्‍कीन परमेश्‍वरला प्रार्थना खाबाप।

शक्ति काम 28:8

थेते आबाते ठास्‍युम लाकीन रगतमासी परे खाईन थला परे खाबा ओताक्‍वा। पावलगी थे ङ्यालाते कोठादु गाल्‍गीन थे लाक्‍तु लाक्‍पा ज्‍यागीन ठाक्‍स्‍यीत सिन परमेश्‍वरला प्रार्थना खासुङ। थोक खाईन थेकी थे मिला ठाक्‍पा खाईन बिन्‍सुङ।

शक्ति काम 7:60

थेमे खोबुकला देत्‍कीन गाङेकी थोच्‍या खाईन “ए प्रभु, दिबेकी दोक मेलेबा पाप खासीनोङ दिबाला माफ बिन,” सिन सिदुक। थोस्‍यिक साकीन च्‍याकीन थे दाक स्‍यिसुङ। स्‍तिफनसलानी सेताराङ फाप्‍च्‍या ओतान सिन शावलोङ आउदी खाईन गा खाबा ओतान।