शक्ति काम 9:34 - जिरेल34 थेमे पत्रुसकी थेला ठेत्कीन “एनियास, खोल्ला येशू ख्रीष्टकी ठाक्पा खिओ। लो ल्वा थेमे खोरोङ मालज्याम मिले खि,” सिन सिदुक। थोक सिराईताङ थे दाक लाकीन ख्याम्सुङ। အခန်းကိုကြည့်ပါ။ |
शक्ति काम 9:34
11 ပူးပေါင်းရင်းမြစ်များ
थे बातकामा खिन थे काल्बेई दिनसाक ङ्योकोन तिङ ङ्योइनराङ देत्सुङ। जहिलेङ थे थोककामा खिन ख्याम्जीन ङीमाई पावलगी स्येदाङ लाकीन ख्युर ग्युरगीन थे फेम्मे फिजाला खोबाते ल्हन्डीकला “ङा येशू ख्रीष्ट मिन लाला खोल्ला दि फिजादुकी थेन्ला ग्युक सिओ,” सिन सिदुक। थोक सिरासात्तु थे ल्हन्डीक दाक थे फेम्मे फिजाला ताङगीन गाल्सुङ।
थोक खाईन खोपरोङ फेरो खाङ जम्मा ओङाते मिओनला बात खिन पत्रुसकी “ए इस्राएलीवे, दि कुज्ये ख्याम्बा थुप्च्या गाला थोङजीन ख्योकोन च्यिला दोक खाला छक्क परे खिते? ख्योकोन च्यिला ख्याराच्योक खाला ङ्योकोनला तालाराङ देत्कीते? च्यि ख्योकोनगी दि मिला ङ्योकोनगी ङेराङ शक्तिकी ख्याम्बा थुप्च्या जोबाते ईन्दासीन साबाप? ना ङेत परमेश्वरला आउदी खाला माने खित्कान्ते मि ईन्देकी थोक खिता थुपासीन साबे?
थेमे होदि कुज्येला येशूकी थे खोरोङ शक्तिकी ख्याम्बा थुप्च्या जोबाते ईन। थेकी दोक खिओ सिन ङ्योकोनगी थेला विश्वास खाबेकी दि मि ख्याम्बा थुप्च्या गालाते ईन। दि दोक गालाते येशूकी दि खोरोङला ठाक्पा खिता थुप्क्यो सिन दिकी थेला विश्वास खाबेकीराङ ईन। दि मि गोमा ख्याम्बा मुथुप्च्या ओतान सिन ख्योकोन गाङेला लेमु खाला छ्याराङ ओत।
लो थोक ईन्सीन ङ्योकोनगी नासरतपे येशू ख्रीष्ट मिन लाकीन दि मि ख्याम्बा थुप्स्यीत सानामेई थेकीराङ दिला ख्याम्बा थुप्च्या जोबाते ईन। दि बात था ख्योकोनगीकामा मेन, इस्राएली गाङेकी छ्या स्येबा खि। थोक खित्कान्ते येशू ख्रीष्टला ख्योकोनगीचेन स्यिङगी थामला टाँए खाईन सेत च्युत्सुङ। ख्योकोनगी थोक खासीनोङ परमेश्वरगी थेला स्यिसादुकी सोम्बो लोक च्युता ओत।
ကြော်ငြာတွေ