शक्ति काम 9:31 - जिरेल31 थे तिरी यहूदिया, गालील थेमे सामरिये अञ्चल नाङला ठाउँ ठाउँला जम्मा ओङकान्ते येशू ख्रीष्ट मि गाङेला लेमु ओङसुङ। था थेबाला सुङगीङ दुक्पा तेरगीन मेतान। प्रभु येशूला मन परे मिक्किच्येते छ्याःङ खिता मेङगो सिन ज्यीबा खिन थेबेकी झन झन लेमु खाईन थेला विश्वास खिताला स्यूसुङ। परमेश्वर आत्मेकी थेबाला आँट बिन्सुङ। दोक खाईन थेबा झन झन फेल्गीन ड्वाप्ला स्यूसुङ। အခန်းကိုကြည့်ပါ။ |
शक्ति काम 9:31
56 ပူးပေါင်းရင်းမြစ်များ
था ङा ख्योकोन गाङेला परमेश्वर लाःक्तुराङ सोम्पे खिओ। थेमे थेकी दया खिओ सिन छ्या स्येच्येते गा लाङच्येते बात ङेन्गीन देत सिनोङ सिओ। दोक खिन देत्सीन ख्योकोनगी प्रभु येशूला झन लेमु खाला विश्वास खिता थुप्क्यो। थेमे परमेश्वरगी सेम खुदुक जोबाते मि गाङेला तिरी तेरग्यो साबाते जति गाङे ख्योकोनलाङ तेरग्यो।
दि बातओन ङे च्यिला खाबाते ईन्दे सासीन परमेश्वर राज्यदु स्यूबाते मिओन नाङ दि सा थुङा ओङगो, थे सा थुङा मेङगो सिरच्येते बात छ्याःङ छ्येते बात मेन। छ्येते बातचेन परमेश्वर आत्मे छ्य्वापेई परमेश्वरगी खि साबा साबाच्योक खित्च्येते, दाक्पोन नाङ डिक्ला थुन्ला देत्च्येते थेमे गा खिन देत्च्येतेराङ ईन।
थे खोरोङगी साबाच्योक खिओ सिन आश खाला देत ज्युत्कान्ते परमेश्वरराङ ईन। थेला विश्वास खित्कान ईन्देकी थेकी ख्योकोन गाङेला आउदी खाला गा खिन थेमे डिक्ला थुन्ला देत ज्युत्स्यीत सिन ङा प्रार्थना खिओ। थेकी थोक खानामेईचेन परमेश्वर आत्मे शक्ति छ्य्वापेकी ख्योकोन था परमेश्वरगी ङुरूङला खिओ साबाच्योक खिओतराङ सिन छ्याःङ शंका मिक्किता खाला झन आश खाला गुला देता थुप्क्यो।
आज्यो न्वावे, ख्योकोन गाङेराङ जम्मा ओङजीन ख्योकोन कोई परमेश्वरला छ्ये जोच्येते लु लिन्कान्ते, कोई सु सुकी चुक चुक खिता फाप्कीते सिन लोप्कान्ते थेमे कोईचेन परमेश्वरगी खोपरोङला तेन्गीन बिन्दाते तिरी ओङच्येते बात खित्कान्ते मि ओङगो। थोकराङ खाला कोई खोपरोङगी छ्या मास्येबाते खुदुक खुदुकते भाषाला बात खित्कान्ते मि ओङगो सासीन कोईचेन थे भाषाला खाबाते बातकी अर्थ खोले खित्कान ओङगो। ख्योकोनगी जे खासीनोङ येशू ख्रीष्ट मि गाङेला लेमु ओङे लाईदु खि।
ङिङज्येते आज्यो न्वावे, ङे थाल्लासाक खाबाते दि गाङे बात ङेराङ आउदी लेमु मि ईन सिराला खाबासीन सिन सितासीन मेन? ख्रीष्टताङ जीउज्यीकराङ ओङाते मि ईन्देकी ङ्योकोननी परमेश्वर दोन्दुराङ बात खाबाच्योक खाला बात खिओ। ख्योकोन झन लेमु खाला येशू ख्रीष्टकी खि साबा साबा खित्कान ओङस्यीत सिन दि गाङे बात खाबाते ईन।
था ङे थेपा वानामेई ङाराङताङ खजो अधिकार ओते सिराच्योक मिक्किता खाला ख्योकोनताङ खा छ्येत लेमुकी बात खिता ङेत्स्यीत सिन ङे थारीला ओते बेलालाराङ दि बाततेबा टिबाते ईन। च्यिला सासीन प्रभु ख्रीष्टकी ङाला बिन्दाते अधिकार ख्योकोनला ङ्ये ज्युताला मेन, बरू ख्योकोनला लेमु ओङस्यीत सिन लाःप्ला कोत्ला तेराला बिन्दाते ईन।
परमेश्वर सन्तान गाङेकी परमेश्वरगी खाबाते थेमे थेकी च्यि खि सिते सिन छ्या स्येला खोपरोङगी खिता फाप्च्येते काम खिता थुप्स्यीत, दोक खाला ख्रीष्टकी जीउ च्योक ओङाते थेबा गाङेराङ डिक्ला चुक खासीन दाक्पोन नाङ लेमु ओङगीका थोकराङ खित्स्यीत सिनराङ मिओनला खुदुक खुदुक काम खित्च्येते होदोक्ते सीपताङ शक्ति बिन्दाते ईन।
थेमे ख्रीष्टकी थे खोरोङ मि गाङेला डिक च्युत्ला सेमज्यीकराङ खाला काम खित्कान जोला दोक्पोईकी ज्येनज्यीकला लेमु खित्स्यीत सिन थेबाला गोच्येते जति गाङे तेरग्यो। दोक ओङनामेई थेबा खोपरोङ नाङ ङिङज्ये खिन मि जीउ छारगीन ड्वापच्योक खाला ख्रीष्टकी थेबाला जस्तो ज्वा चाला ओतान थोकराङ डुइन डुइओ। दोक ओङाला थेबेकीङ दाक्पोन दाक्पोनगी खिता फाप्च्येते काम खिता फाप्क्यो।
ख्रीष्टताङ जीउज्यीकराङ ओङनामेई थेकी ख्योकोनला आँट तेरगीन देत्क्यो। थेमे परमेश्वरगी ख्योकोनला ङिङज्ये खित्च्येते ईन्देकी ख्योकोन सेम ढुक्क खाला देता थुप्क्यो। थोकराङ खाला परमेश्वर आत्मेकी खित्सादु ख्योकोन थेत्ताङ ङ्योम्बुराङ डिक्ला देता थुप्क्यो। थेमे ख्योकोनगी खेराङ नाङ पीर फापा ओतातेबाला पीर माकेत सिन सिरच्येते थेमे दुक्पा ङेता ओतातेबाला ताच्येते खिओ। ख्योकोन नाङ बात दोकराङ मेन ओना?
प्रभु येशू मिकी चुक खिता फाप्कीते सिन छ्या स्येला ख्योकोनगी थोकराङ खित्स्यीत, काम बात जे खासीनोङ थेला मन परे मिक्किच्येते सिराते छ्याःङ मिक्किस्यीत बरू झन झन लेमुते कामकामा खित्स्यीत थेमे परमेश्वर सु ईन्दे, चुक्ते ईन्दे सिन झन लेमु खाला छ्या स्येस्यीत सिन ङ्योकोन दोक खाला प्रार्थना खिओ।
थेमे थेबाला छ्याःङ काम लै मिक्किच्येते कथा थेमे थाङबो थाङबोमे वंशावली बात खाला दिन तोङच्येते माकेत सि। थोक्ते बात खित्जीन खालि टेकाटेउरीकामा स्योरग्यो, नोमुङ डिक्च्येते बात मेङगो। थोक्ते बात खित्कान्ते मिओनगीचेन परमेश्वरगी मिओन नाङ खिता चालाते काम मिक्किओ। येशू ख्रीष्टला लेमु खाला विश्वास खालाकामा परमेश्वरगी खिता चालाते काम खिता थुप्क्यो।
ကြော်ငြာတွေ