शक्ति काम 9:29 - जिरेल

²⁹ थोक खित्‍जीन थेकी काल्‍बा च्‍योक्‍ते ग्रीक बात खित्‍कान्‍ते यहूदीओनताङ छलफल खिन परमेश्‍वरगी तोङगो साबाते ख्रीष्‍टचेन येशूराङ ईन सिन बात खिन ओतान। थेकी येशूराङ ख्रीष्‍ट ईन साबेकी खित्‍सादु थेबेकी थेला सेता चाल्‍सुङ।

शक्ति काम 9:29 ပူးပေါင်းရင်းမြစ်များ

शक्ति काम 11:20

थोक ईन्‍सीनोङ कोई कोईकीचेन एन्‍टिओखियापा गाल्‍गीन ग्रीकओनलाङ प्रभु येशू बात लाप्‍सुङ। थोक खित्‍कान्‍तेबाचेन साइप्रस लुङबाताङ साइरेनी सारगी मिओन ओतान।

शक्ति काम 17:17

थेकी थेरू यहूदीओनते मिटिङ खित्‍च्‍येते खाम्‍बादु गाल्‍गीन यहूदीओन थेमे परमेश्‍वरला माने खित्‍कान्‍ते ग्रीकओनताङ छलफल खिन येशू बात लाप्‍सुङ। थेमे ङीमे ठाङमा थे सारदु मिओन रूक्‍सादु गाल्‍गीन थेरू ओङकान डोकान मिओनलाङ थोकराङ खाईन येशू बात लाप्‍सुङ।

शक्ति काम 18:19

थेमे एफिसस सारदु लेप्‍सुङ। थेरू लेप्‍नामेकी प्रिस्‍किलाताङ अक्‍वीलाचेन थेङलाराङ देत्‍सुङ। पावलचेन थेरू यहूदीओनते मिटिङ खित्‍च्‍येते खाम्‍बादु गाल्‍गीन यहूदीओनताङ छलफल खिन येशू बात लोपाला स्‍यूसुङ।

शक्ति काम 19:8

थेमे पावल थेरूङ यहूदीओनते मिटिङ खित्‍च्‍येते खाम्‍बादु गाल्‍गीन मिओनला लोपाला स्‍यूसुङ। थेबाताङ छ्याःङ ज्‍यीबा मिक्‍किता खाईन छलफल खिन परमेश्‍वरगी थे खोरोङ राज्‍य येशू छ्य्‌वापेकी जोच्‍येते ईन सिरच्‍येते बात थेबेकी मेन सिराराङ मुथुप्‍च्‍या खाईन लेमु खाईन लाप्‍कीन बिन्‍सुङ। दावा सुमसाक थे दोक खाला थेरू लोप्‍कीनराङ देत्‍सुङ।

शक्ति काम 22:18

प्रभु येशूकी ङाराङताङ बात खिन ओता ङे थोङसुङ। थेकी ङाला ‘खो दुरू मादेत। येशूराङ परमेश्‍वरगी तोङगो साबाते ख्रीष्‍ट ईन सिन खुई थोङातेताङ थोबाते ङे बात खित्‍जीन दुरू मिओनगी खुई बात ईनराङ मेन सिन ङेनराङ मेङेनो। थोगी खो दुरू अलमल मिक्‍किता खाला ज्‍येननापा ग्‍युक,’ सिन सिदुक।

शक्ति काम 6:1

येशू चेला ओङाते मिओन आउदी खाला फेल्‍गीन डुइन ओतान। थेबे नाङ हिब्रू बात खित्‍कान्‍ते यहूदीओनताङ ग्रीक बात खित्‍कान्‍ते यहूदी खाईन हूल ङि ओतान। थोक खाला फेल्‍गीन ड्वाप्‍ला स्‍यूनामेकी थेबा हूल ङिकी नाङ टिक्‍पी ठाकठाक ठोकठोक स्‍योरसुङ। च्‍यिला सासीन ङीमे ठाङमा साप गोत्‍जीन खोपरोङ हूलगीते ख्‍योबो स्‍याप्‍ते फेम्‍मे मिओनला लेमु खाईन मातासुङ सिन ग्रीक बात खित्‍कान्‍तेबा हिब्रू बात खित्‍कान्‍ते ज्‍येन यहूदीओनताङ स्‍येदाङ खासुङ।

शक्ति काम 9:27

ईन्‍सीनोङ बारनाबासचेन शंका मिक्‍किता खाईन थेत्ताङ ख्‍याम्‍बाला स्‍यूसुङ। थेमे थेकी थेला येशू ख्रीष्‍टकी खटे खाबाते मिओन ओत्‍सादु खेरगीन शावलला ओङाते बात गाङे थेबाला लाःप्‍सुङ। थेकी थेबाला शावलगी दमस्‍कसपा डोजीन लामला प्रभु येशूला ठेताते, येशूकी थेत्ताङ बात खाबाते थेमे थोक ओङनामेई थेकी छ्याःङ ज्‍यीबा मिक्‍किता खाईन दमस्‍कस मिओनला येशू सु ईन्‍दे सिन लापाते बाततेबा गाङे लाःप्‍सुङ।

शक्ति काम 9:28

दि बाततेबा थोनामेकीचेन थेबा गाङेराङ शावलताङ साङ खिताला स्‍यूसुङ। थेमे थेबाताङ ङ्योम्‍बुराङ देत्‍कीन शावलगी यरूशलेमदुङ ज्‍यीबाराङ मिक्‍किता खाईन प्रभु येशू सु ईन्‍दे सिन मिओनला लोपाला स्‍यूसुङ।

२ कोरिन्‍थी 11:26

थोक खाला फार छुर डुइनराङ देता फाप्‍जीन ङा पालोताङ पालो भल ग्‍यासालाङ फाप्‍सुङ। पालोताङ पालो डाँकाओन लाःक्‍तुङ फाप्‍सुङ। पालोताङ पालो ङाराङला नाम सेत्‍कीताना सिन ङे ङाराङ यहूदीओन थेमे ज्‍येन ज्‍येन जातकी मि ज्‍यीबा खुरगीन ख्‍याम्‍बा फाप्‍सुङ। सारगी नाङला युक्‍जीन ईन्‍स्‍यीत, खाम्‍बाताङ युल छ्याःङ मेत्‍साला ख्‍याम्‍जीन ईन्‍स्‍यीत, समुन्‍द्रदुकी खाला डोसाला ईन्‍स्‍यीत थेमे येशू ख्रीष्‍टला विश्‍वास खित्‍कान्‍ते ईन सिरकान्‍तेबा तर थोक मेन्‍देकी ङाला मेलेबा खिता छोल्‍कान्‍ते मिओन नाङला ईन्‍स्‍यीत जहाँदुङ जहिलेङ ङाला ज्‍यीबाकामा ओतान।

यहूदा 1:3

ङिङज्‍येते आज्‍यो न्‍वावे, परमेश्‍वरगी ङुरूङला पापकी सजायदुकी चुक खाईन टाल्‍सुङा सिन ख्‍योकोनला चिट्ठी टिक्‍पाला ङाला आउदी सेम लाबा ओतान। थे बात मेन्‍देकी थाचेन ङाला ख्‍योकोनला दि बात टिक्‍पाराङ फाप्‍क्‍यो सिराच्‍योक लासुङ। च्‍यि सासीन ज्‍येनगी जे सासीनोङ, जति दुक्‍पा बिन्‍सीनोङ येशूला विश्‍वास खाईन ङेन्‍दाते बात ख्‍योकोनगी ङेन्‍दा मातोङ। दि बात परमेश्‍वरगी थे खोरोङ सन्‍तान गाङेला ङेन सिन बिन्‍दाते ईन।

यहूदा 1:9

दोक खाला ङा ङाराङ ईन सिराच्‍योक खित्‍च्‍येतेनी परमेश्‍वर छ्येते दूत मिखाएलगीङ खाबा मेतान। थे खोरोङ थोक छ्ये ईन्‍सीनोङ शैतानगी मोशे रो ठोक ओङजीन थेकी शैतानला ज्‍येनतोक मेलेबा छ्याःङ मिसिरा खाईन खालि “खोल्‍ला परमेश्‍वरगी सजाय तेरस्‍यीत,” सिनकामा साबा ओतान।