शक्ति काम 8:35 - जिरेल

³⁵ थेमे फिलिपकी थे मिकी पढे खाबाते बातचेन येशूकी दुक्‍पा ङेत्‍च्‍येतेताङ स्‍यिच्‍येते बात सिराला खाबाते ईन सिन थे बातदुकीराङ येशू गा लाङच्‍येते बात गाङे लेमु खाईन थेला लाप्‍कीन बिन्‍सुङ।

शक्ति काम 8:35 ပူးပေါင်းရင်းမြစ်များ

मत्ती 5:2

थेमे थेकी थेबाला दोक सिन लोपाला स्‍यूसुङ।

लूका 24:27

थेमे थे खोरोङला चुक चुक ओङगीते सिन थे खोरोङ विषयला परमेश्‍वर बातला ठाउँ ठाउँला टिबा ओताते बातओन येशूकी थेबा ङिबोला लेमु खाईन खोच्‍या खाईन लाप्‍कीन बिन्‍सुङ। दोक खित्‍जीन थेकी गोमा मोशेकी टिबाते बातदुकी शुरू खाईन परमेश्‍वर बात खित्‍कान्‍ते मि गाङेकी थे खोरोङ विषयला टिबाते बात लाप्‍कीन बिन्‍सुङ।

शक्ति काम 10:34

थेकी दोक सानामेई थेरू जम्‍मा ओङाते मिओनला पत्रुसकी दोक सिन बात खिताला स्‍यूसुङ। चुक सासीन “परमेश्‍वर लाईदु मि गाङे दोक्‍पोईराङ ईन। थेकी सुङलाङ काका पाका मिक्‍किओ।

शक्ति काम 11:20

थोक ईन्‍सीनोङ कोई कोईकीचेन एन्‍टिओखियापा गाल्‍गीन ग्रीकओनलाङ प्रभु येशू बात लाप्‍सुङ। थोक खित्‍कान्‍तेबाचेन साइप्रस लुङबाताङ साइरेनी सारगी मिओन ओतान।

शक्ति काम 17:18

थे मि रूक्‍सादु इपिक्‍युरीताङ स्‍तोइकी सिरातेन्‍दे पाटी गुरूओनोङ ओतान। पावलगी लापाते येशू बात थेमे स्‍यिनामेकी याङराङ सोम्‍बो लोइओ सिरच्‍येते बात थोजीन थेत्ताङ छलफल खिन थेबे नाङ लालेकी “दि फतफते बादोङ च्‍यि ङेन्‍च्‍ये?” सिन सासुङ। लालेकीचेन “दिकी ज्‍येन लुङबे ल्‍हे बात खित्‍च्‍या ईन्‍दा च्‍यिन्‍दा,” सिन सासुङ।

शक्ति काम 18:28

च्‍यिला सासीन थेकी थेरू लोप्‍जीन ख्रीष्‍टकी विषयला परमेश्‍वर बातला गोमाका टिबाते बात पढे खाईन येशू परमेश्‍वरगी तोङगो साबाते ख्रीष्‍टराङ ईन सिन मि गाङे दोन्‍दु लेमु खाईन लाप्‍कीन बिन्‍गीन येशूला ख्रीष्‍ट मेन सिन सिरकान्‍ते यहूदी गाङेते खा टाले खासुङ।

शक्ति काम 19:13

थेमे थे बेले नाङपाराङ थेङला गाङेपा युला ल्‍हन्‍डीक तेन्‍ला तोङकान्‍ते यहूदीओनोङ ओतान। थेबेकीङ प्रभु येशू मिन लाला ल्‍हन्‍डीक खोबाते मिओन नाङदुकी ल्‍हन्‍डीक तेन्‍गीन तोङा चाल्‍सुङ। थोक खित्‍जीन थेबेकी “पावलगी लोप्‍च्‍येते येशू मिन लाला ङ्योकोन खोल्‍ला दि मिला ताङला ग्‍युक सिन कोत्‍क्‍यो,” सिन ओतान।

शक्ति काम 28:23

थेमे थेबेकी लोक्‍ला थे बात ङेन्‍दाला दि छोमु ओङगो सिन दिनगी टुङ्गो खासुङ। थेमे थे छोमु यहूदीओन झन काल्‍बेई पावल ओत्‍सादु जम्‍मा ओङसुङ। थेमे थेकी थेबाताङ च्‍याक ङोमुमेकी ग्‍वासेसाकराङ बात खिन परमेश्‍वर राज्‍य बात लाप्‍कीन बिन्‍सुङ। थोक खित्‍जीन थेकी मोशेकी टिबाते परमेश्‍वर नियमला थेमे परमेश्‍वर बात खित्‍कान्‍तेबेकी ख्रीष्‍टकी विषयला टिबाते बात लोप्‍कीन थेबेकी टिबाते होथे बातओन येशूकी पूरो खासुङ सिन थेबाला लेमु खाईन लाप्‍कीन बिन्‍सुङ।

शक्ति काम 3:20

दोस्‍यिककामा मेन, ख्‍योकोन नाङ तोङगो सिन छाने खाबाते ख्रीष्‍टला थेकी लोक्‍ला देमा तोङगो। थेचेन येशूराङ ईन।

शक्ति काम 5:42

थे तिरीङ थेबेकी गा लाङच्‍येते बात लोपा ताङराङ माताङसुङ। ङीमे ठाङमा परमेश्‍वर मन्‍दिरदु थेमे मि खाम्‍बा खाम्‍बाला गाल्‍ला येशू परमेश्‍वरगी तोङगो साबाते ख्रीष्‍टराङ ईन सिन दि बात मिओनला लोप्‍कीनराङ देत्‍सुङ।

शक्ति काम 8:34

थेमे थे मिकी फिलिपला “हजूर, परमेश्‍वर बात खित्‍कान्‍ते मिकी दि बात थे खोरोङ विषयला साबाते ईन्‍दाना ज्‍येन मि विषयला साबाते ईन्‍दे? ङाला दि बात लाप्‍ला नाङ,” सिन सिदुक।

शक्ति काम 9:20

येशूला विश्‍वास खिताला स्‍यूक्‍पाईताङ शावल थेरू ओताते यहूदीओनते मिटिङ खित्‍च्‍येते खाम्‍बे नाङपा गाल्‍गीन थेरू जम्‍मा ओङाते मिओनला येशू परमेश्‍वर फुज्‍युङराङ ईन सिन लोपाला स्‍यूसुङ।

१ कोरिन्‍थी 1:23

दोक ईन्‍सीनोङ ङ्योकोनचेन ख्रीष्‍ट मिओनला पापकी सजायदुकी डेलाला स्‍यिङगी थामला टाँए खाईन स्‍याप्‍ते ईन सिन मिओनला लोप्‍क्‍यो। दि बात लोप्‍जीन यहूदीओनचेन दिनी परमेश्‍वर विरोध खाबाते ईन सिन स्‍येदाङ खिदुक। थेमे ग्रीकओनचेन दि लेम्‍बे बात ईन सिन ङेनराङ मेङेन्‍दुक।

१ कोरिन्‍थी 2:2

बरू ङेनी येशू ख्रीष्‍ट सु ईन्‍दे सिरच्‍येतेताङ थेला स्‍यिङगी थामला टाँए खाईन सेताते बातकामा लोप्‍च्‍ये टुङ्गो खाईन थे बातकामा ख्‍योकोनला लापाप।

२ कोरिन्‍थी 6:11

कोरिन्‍थदु ओताते ख्‍योकोन गाङेला ङ्योकोनगी ङेराङ बात दोक्‍पोईओङ मोबोङा खाईन गाङे लाप्‍कीन बिन्‍दा ओत। ङ्योकोनगी ख्‍योकोनला खितासम्‍म ङिङज्‍ये खाबा ओत।

एफिसी 4:21

ख्रीष्‍ट सु ईन्‍दे सिन लापाते बात ख्‍योकोनगी थोबा ओत मेन? थे बात लोप्‍जीन येशूकी खाबातेताङ साबाते सत्‍यते बात ख्‍योकोनला लापा ओतान।