शक्ति काम 7:58 - जिरेल

⁵⁸ थेला जुम्‍गीन ठुत्‍कीनकामा सारदुकी तेन्‍गीन खेरगीन दोईकी देक्‍पाला स्‍यूसुङ। स्‍तिफनसकी चुक चुक खासुङा सिन गोमा साक्षी बके खित्‍कान्‍तेबेकी खोपरोङगी लाक्‍तु खोन्‍दाते खोलाकतेबा शावल सिराते स्‍याराते मिज्‍यीकला तो सिन बिन्‍गीन ज्‍याक्‍सुङ।

शक्ति काम 7:58 ပူးပေါင်းရင်းမြစ်များ

लूका 4:29

थेमे थेबेकी थेला ठाःकनामा पुल्‍ला रिल्‍ला तोङाप सिन जुम्‍गीन ठुत्‍कीन सारदुई तेन्‍गीन बोमदु खेरसुङ। थे सारचेन थे बोमगी लाक्‍तुराङ ओतान।

शक्ति काम 22:20

थेमे खुई बात लोप्‍कान्‍ते स्‍तिफनसला दोईकी ग्‍याप्‍ला सेत्‍जीन ङाङ थोक खित्‍कान्‍तेबाताङ खुशी ओतान। थेला थोक खाला सेत्‍कान्‍ते मिओनते लाक्‍तु खोन्‍दाते खोलाकतेबा ङेराङ स्‍युबाप। गोमा ङे थोक थोक खाबाते दुरू मिओनला गाङे छ्याराङ ओत,’ सिन साबाप।

शक्ति काम 22:23

स्‍येदाङगी थेबेकी खोपरोङगी लाक्‍तु खोन्‍दाते खोलाकतेबा क्‍युरगीन नामने सबी थोरगीनकामा छेरा खिन फिराला स्‍यूसुङ।

शक्ति काम 22:4

च्‍यि सासीन येशू बात ङेन्‍गीन थे छ्य्‌वापा लै खाबाते मि दोक्‍पोईलाङ सोम्‍बो ज्‍य्‌वाबा मेङगो सिन ङे थेबाला तेरासम्‍म दुक्‍पा बिन्‍दाप। ख्‍योओ मि ईन्‍स्‍यीत, फेम्‍मे मि ईन्‍स्‍यीत ङे थेबाला जिन्‍गीन जेलला लुकीन खाबाप।

शक्ति काम 26:10

चुक सासीन छ्ये छ्ये पूजारी अधिकार ङेत्‍कीन ङे यरूशलेमदु ओताते परमेश्‍वर सन्‍तान काल्‍बेईला जेलला लुक्‍पाप। थेमे होथोक्‍ते मिला सेता फाप्‍क्‍यो सिरकान्‍तेबाताङराङ डिगीन ङेङ होथेबाला सेत च्‍युताप।

शक्ति काम 6:11

टेकाटेउरी खाईन थेला ग्‍याला माथुप्‍नामेई स्‍येदाङगी थेबेकी स्‍तिफनसकी परमेश्‍वरतेङ मोशेतेङ विरोध खासुङ सि सिन घूस बिन्‍गीन कोई कोईला लुसुङ। थेमे थेबेकीङ खोपरोङला लापा लापा च्‍योकराङ खासुङ।

शक्ति काम 6:13

थेमे स्‍तिफनसकी खाराङ माक्‍याबाते बात खाबाते ईन सिसा सिन लुबाते मिओनलाङ थेरू काताङसुङ। वाकीन थेबेकीचेन गाङे ङोन्‍दु “दि मित्ताङ गाङेकी च्‍याङबो खिता फाप्‍च्‍या दुक। दिकी परमेश्‍वर मन्‍दिर छ्याःङ मेन सिराच्‍योक खाला बात खिदुक। थेमे मोशेकी बिन्‍दाते परमेश्‍वर नियमताङ मिडिक्‍च्‍येते बात खिदुक।

शक्ति काम 7:57

थोक खाईन येशू परमेश्‍वर सामे छ्य्‌वापा देत्‍ला दुक साकीन थेला परमेश्‍वर च्‍योकराङ जोसुङ, दिलानी सेताराङ फाप्‍क्‍यो सिन थे मिओन खाज्‍यीकराङ खाईन मिताराङ खाच्‍या खाईन छेरा खासुङ। थेमे थोक्‍ते बात मोथोस्‍यीत सिन थेबेकी खोपरोङ नामज्‍योक काक्‍सुङ। थेमे थेबा गाङेराङ थे लाक फुङ पुकीन

शक्ति काम 8:1

थेमे थे छोमुमेकीराङ छ्ये छ्ये मिकी यरूशलेमदु जम्‍मा ओङकान्‍ते येशू ख्रीष्‍ट मिओनला आउदी खाईन दुक्‍पा तेराला स्‍यूसुङ। थोगी थेबाबरी यरूशलेमदुकी फ्रोकीन छरपुट्ट गाल्‍गीन यहूदियाताङ सामरिये अञ्‍चल नाङपा गाल्‍गीन देत्‍सुङ। खालि येशू ख्रीष्‍टकी खटे खाबाते मिओनकामा थेरूराङ देत्‍सुङ।