शक्ति काम 7:38 - जिरेल38 थेमे ङुरूङ पुर्खाओन थोक खाला ठाःकताङ बालुवा बाई छ्याःङ मेत्सादु सीनै बोमगी चावादु जम्मा ओङला देते बेलाला मोशाङ थेरू ओतान। थेमे मोशा सीनै बोमने गाल्नामेकी परमेश्वर दूतज्यीगी थेत्ताङ ठेत्कीन बात खाबा ओतान। थेजीनराङ परमेश्वर दूतकी थेला नोमुङ फरक परे मिक्किच्येते बात ओताते नियम बिन्दा ओतान। थे नियम ङुरूङ पुर्खाओन लाईदुकामा मेन्देकी ङुरूङ लाईदुङ बिन्दा ओतान। အခန်းကိုကြည့်ပါ။ |
शक्ति काम 7:38
26 ပူးပေါင်းရင်းမြစ်များ
इस्राएलीओनगी ‘खोल्ला दुरू सुई ङ्योकोन निसाफ खित्कान्ते मि जोकीन ताङसुङा?’ सिन गोमा मोशाला सुङ च्योक गने खाबा मेतान। तिरी थे मोशालाराङ परमेश्वरगी थेबेते छ्येते मि जोकीन थेबाला थे दुक्पा ङेत्कीन देताते लुङबादुकी तेन्ला खुलाङाला छाने खाईन ताङा ओतान। थेकी थेला बाराते बुटे नाङदु वाबाते थे खोरोङ दूतकी छ्य्वापेई थोक खित्च्येते कामगी जिम्मा बिन्दा ओतान।
थेबानी परमेश्वरगी थे खोरोङ मि सिन साबाते इस्राएलीओनराङ ईन। थेबाचेन परमेश्वरगी थे खोरोङ धर्म-पुत्र जोबाते मि ईन। थेबेकी परमेश्वरला मिगी ताराङ मुथुप्च्या झिलिमिली नाम्दाकला देता ओता थोङा ओतान। थे खोरोङगी च्यि च्यि खिते सिन परमेश्वरगी थेबाताङ पालोताङ पालो जमान खाबा ओतान। थेमे थेबेकी चुक चुक खिता फाप्कीते सिन नियमओनोङ बिन्दा ओतान। थे खोरोङला चुक खाला माने खिता फाप्कीते सिन लाप्कीन बिन्गीन थेकी थेबाला आशी बिन्ला लेमु खिओ सिनोङ याङ याङराङ साबा ओतान।
थोक ईन्सीन परमेश्वरगी थे खोरोङ नियम च्यिला बिन्ताका ओना सिरच्येते बादोङ थेन्ग्यो। थे नियमचेन पाप खित्च्या सिराते च्यि ईन्दे थेमे चुक खिता मेङते सिन छ्या स्येस्यीत सिन टिक्पी दिनगी लाईदुकामा बिन्दा ओतान। थे खोरोङगी आशी तेरग्यो सिन अब्राहामताङ जमान खाबाते अब्राहाम सन्तान ओङ ओङसाकलाकामा सिन थे नियम बिन्दा ओतान। यहूदीओनला ङेन सि सिन थे नियमचेन परमेश्वरगी थे खोरोङ दूतओन लाःकनापेकी मिज्यीकला बिन्दा ओतान।
परमेश्वरगी थे खोरोङ दूतओन छ्य्वापेकी ङुरूङ ज्युज्यु पुर्खेकी ङेन्दा फाप्च्येते नियम बिन्दा ओतान। थेमे थे नियम मेङेन्कानगी सजाय ङेत्क्यो सिन साबा ओतान। थे नियमला माकेत साबाते कामज्यीककामा खासीनोङ थेमे थेरू खि साबाते बातज्यीककामा माङेन्सीनोङ थोक खित्कान्ते मिओनगी परमेश्वरगी साबा च्योकराङ खाईन सजाय ङेता ओतान।
च्यिला सासीन परमेश्वर बातकी छ्य्वापेई मिओनगी जुनी ङेत्क्यो। दि बातकी छ्य्वापेकी परमेश्वरगी मि नाङ काम खिओ। ठाउँ ङिकारपा धार खाबाते आउदी नोम्बोते तरवारगी मिला रोपे खासीन दोन्नापेई ल्हाकनापासाकराङ फोत तोला थुप्क्यो थेमे रूबाताङ जोर्नीतेबा टाल्ला नाङदु ओताते काङ समेत देन्दा थुप्क्यो। होदोक्ते तरवार भन्दाङ परमेश्वर बातकी छ्य्वापेई परमेश्वरगी खित्च्येते काम खापान खापान छ्ये ईन। दि बातकी छ्य्वापेईराङ सुइँदेकी खाबाते कामताङ बात मिकी दाक्पोनगी खाबाते ईन्दाना परमेश्वर आत्मेकी खित च्युताते ईन्दे सिन डेला थुप्क्यो थेमे सुई च्यि विचार खिन दुका, मि सेमगी नाङ लेमु मेलेबा चुक दुका सिनोङ गाङे लेमु खाला डेला थुप्क्यो।
ईन्दानी दि बेलासाकला ख्योकोन ज्येनला परमेश्वर बात लोपा थुप्कान ड्वा फाप्च्येते ईन। थोरूमसाकोङ ख्योकोनलानी परमेश्वर बातला च्यि साबा ओते, थोक साबाते च्यि ईन्दे सिन शुरू शुरूला लोपा फाप्च्येते बातओनका लोपा फाप्कीदुक। ख्योकोनगी परमेश्वर बात खजो खोकीका सिन विचार खासीन ख्योकोननी थोरूमोङ नुमा लुता फाप्च्येते बालकते फिजा च्योकराङ दुक। नामचेन ख्योकोन दाक्पोनगी मुरला साच्येते साप पच्चे खित्कान डुइते?
च्यि सासीन ज्येनला परमेश्वर बात लोप्कान्तेकी परमेश्वरगी जे साला दुक थेराङ लोप। थेमे ज्येनला ता फाप्कानगीङ परमेश्वरगी ङाला थोक खित्च्येते शक्ति बिन्दाते ईन सिन थे काम खि। दोक खाला जसकी जे खासीनोङ येशू ख्रीष्ट छ्य्वापेकी परमेश्वरते जय जय खित्च्येते काम खि। परमेश्वरते सधैँभरि जय जय ओङस्यीत। थेकी गाङेपा गाङेला राज्य खिनराङ देत्स्यीत। आमेन।
ကြော်ငြာတွေ