शक्ति काम 7:35 - जिरेल

³⁵ इस्राएलीओनगी ‘खोल्‍ला दुरू सुई ङ्योकोन निसाफ खित्‍कान्‍ते मि जोकीन ताङसुङा?’ सिन गोमा मोशाला सुङ च्‍योक गने खाबा मेतान। तिरी थे मोशालाराङ परमेश्‍वरगी थेबेते छ्येते मि जोकीन थेबाला थे दुक्‍पा ङेत्‍कीन देताते लुङबादुकी तेन्‍ला खुलाङाला छाने खाईन ताङा ओतान। थेकी थेला बाराते बुटे नाङदु वाबाते थे खोरोङ दूतकी छ्य्‌वापेई थोक खित्‍च्‍येते कामगी जिम्‍मा बिन्‍दा ओतान।

शक्ति काम 7:35 ပူးပေါင်းရင်းမြစ်များ

मर्कूस 12:26

थेमे स्‍याप्‍ते मिओनला परमेश्‍वरगी सोम्‍बो लोइओ सिरच्‍येते बातनी मोशेकी टिबाते बात तालाङ छ्या स्‍येक्‍यो। थेकी टिबाते बाराते बुटादु ओङाते बात पढे खित्‍जीन ख्‍योकोनगी दि बात खोबा फाप्‍च्‍येते ईन। थेरूचेन प्रभु परमेश्‍वरगी मोशाला ‘ङा अब्राहाम, इसहाक थेमे याकूब परमेश्‍वर ईन,’ सिन थे खोरोङला साबाते बात मोशेकी टिबा ओत।

लूका 19:14

तर थे लुङबे मिओनगी थे मिला मन परे खिन मेतानलो। थोगी थे मि खोपरोङ गेल्‍बो मेङस्‍यीत सिन थेबेकी ‘ङ्योकोन खोल्‍ला ङेराङ गेल्‍बो सिन मिसिरो सि,’ सिराला थे तिरी तिरी मि ताङदुक्‍लो।

यूहन्‍ना 18:40

थेकी थोक सिरासात्तु यहूदीओनगी “मेन मेन, दिला मेन, बरू बारब्‍बाला थोङ,” सिन नामज्‍योक बुराङ साच्‍या खाईन छेरा खासुङ। थेबेकी थोङ साबाते बारब्‍बाचेन डाँका ओतान।

यूहन्‍ना 19:15

थेकी थोक सानामेई “दिला ङ्योकोन मिगी दोन्‍दु माज्‍यो, दिला खेरला स्‍यिङगी थामला टाँए खाला सेत,” सिन थेबा झन नामज्‍योक बुराङ साच्‍या खाईन छेरा खिताला स्‍यूसुङ। थेमे थेकी “च्‍यि ङे ख्‍योकोन गेल्‍बोला स्‍यिङगी थामला टाँए खाला सेत्‍च्‍या?” सिन सिदुक। थोक सिरजीन छ्ये छ्ये पूजारीकी “ङ्योकोनतेनी रोमी गेल्‍बो बाई ज्‍येन गेल्‍बो ओतराङ मेत,” सिन सासुङ।

शक्ति काम 2:36

बात दोक दोक ईन्‍देकी परमेश्‍वरगी मान बिन्‍गीन प्रभु जोबाते थेमे थे खोरोङगी तोङगो साबाते ख्रीष्‍टचेन ख्‍योकोनगी सेत च्‍युताते येशूराङ ईन्‍दा दुका सिन थाचेन ख्‍योकोन इस्राएली गाङेकी लेमु खाला छ्या स्‍येबा खि,” सिन सिदुक।

शक्ति काम 3:22

येशू बात खित्‍जीन मोशेकीङ ङुरूङ ज्‍युज्‍यु पुर्खाला च्‍यि साबा ओताने सासीन ‘था तिरी प्रभु परमेश्‍वरगी ङा च्‍योकराङ परमेश्‍वर बात खित्‍कान्‍ते मिज्‍यीक तोङगो। थेलाचेन ख्‍योकोन नाङदुईराङ छाने खिओ। थेकी वाकीन साबाते बाततेबा ख्‍योकोनगी गाङे लेमु खाला ङेन।

शक्ति काम 5:31

थेमे थेकी थेला गाङेला राज्‍य खित्‍कान्‍ते गेल्‍बो जोबा ओत। मिओनला पापदुकी डेल्‍कान्‍तेङ थेराङ ईन सिन छ्येज्‍यीक मान बिन्‍गीन थेला थे खोरोङ सामे छ्य्‌वापा ज्‍याक्‍पा ओत। ङुरूङ इस्राएलीओन दाक्‍पोन पापी दुका सिन छ्या स्‍येला परमेश्‍वर छ्य्‌वापा लै खित्‍स्‍यीत थेमे ङुरूङगी खाबाते पाप माफ ओङस्‍यीत सिनराङ परमेश्‍वरगी येशूला थोक थोक खाबाते ईन।

शक्ति काम 7:30

थेमे लो खाल ङि तिरी ठाःकताङ बालुवा बाई छ्याःङ मेत्‍सादु ओत्‍जीन मोशेकी बुटाज्‍यीकला मे बारा ओता थोङसुङ। थेकी थोक थोङाते सीनै बोमगी खादु ओतान। थेकी थे मे बाराते बुटे नाङ परमेश्‍वर दूतज्‍यीगोङ थोङसुङ।

शक्ति काम 7:51

ङे थाल्‍लासाक खाबाते बात थोकान ख्‍योकोन गाङेराङ जति सासीनोङ टेरेराङ मिक्‍किच्‍या स्‍यिङ दो च्‍योकराङ गाल्‍ला दुक। ख्‍योकोनते नामज्‍योक थुक्‍पु गाल्‍ला दुक। ख्‍योकोनचेन परमेश्‍वरगी साबाते ङेनराङ मेङेन्‍दुक। ख्‍योकोन खेराङ ज्‍युज्‍यु पुर्खा च्‍योकराङ गाल्‍ला दुक। थेबेकी खाबा च्‍योकराङ ख्‍योकोनोङ परमेश्‍वर आत्‍मेकी साबाते ङेनराङ मेङेन्‍दुक।

कलस्‍सी 1:15

परमेश्‍वर दोकस्‍यिकराङ दुक सिन मि मिगी थोङा माथुप्‍सीनोङ परमेश्‍वर फुज्‍युङला ताला परमेश्‍वरताङ थेला छ्याःङ फरक मेताक्‍वा सिन लेमु खाला छ्या स्‍येक्‍यो। परमेश्‍वरगी ओताते जति गाङे ज्‍वा भन्‍दा गोमामेई परमेश्‍वर फुज्‍युङ ओत्‍कीन ओतान।

हिब्रू 2:2

परमेश्‍वरगी थे खोरोङ दूतओन छ्य्‌वापेकी ङुरूङ ज्‍युज्‍यु पुर्खेकी ङेन्‍दा फाप्‍च्‍येते नियम बिन्‍दा ओतान। थेमे थे नियम मेङेन्‍कानगी सजाय ङेत्‍क्‍यो सिन साबा ओतान। थे नियमला माकेत साबाते कामज्‍यीककामा खासीनोङ थेमे थेरू खि साबाते बातज्‍यीककामा माङेन्‍सीनोङ थोक खित्‍कान्‍ते मिओनगी परमेश्‍वरगी साबा च्‍योकराङ खाईन सजाय ङेता ओतान।

छ्या स्‍ये च्‍युताते बात 15:3

थेमे थेबाचेन परमेश्‍वर काम खित्‍कान्‍ते मोशेकी थे खोरोङ पालोला परमेश्‍वरते जय जय खिन लाबाते लु लिन्‍गीन ओतान। थेमे दोक सिन लुई रीउला छ्ये जोच्‍येते लुङ लिन्‍गीन ओतान। चुक सासीन “गाङे भन्‍दा छ्येज्‍यीक शक्ति ओताते प्रभु परमेश्‍वर, खुई खाबाते कामओन चुक छ्ये छ्येताङ अचम्‍ब लाङच्‍या ईन्‍दाका। खो सधैँभरि सोन्‍ला राज्‍य खिन देत्‍कान्‍ते गेल्‍बो ईन। खुई खित्‍च्‍येते काम गाङे लेमुतेकामा ईन।