शक्ति काम 5:33 - जिरेल

³³ थेबेकी दोक सिरजीन थेरू ओताते छ्ये छ्ये मि गाङेला स्‍येदाङगी मे बारसुङ। थोगी थेबेकी थेबाला सेत्‍च्‍ये ठो खासुङ।

शक्ति काम 5:33 ပူးပေါင်းရင်းမြစ်များ

मत्ती 1:19

थेकी फुज्‍यीमा खुराते बात छ्या स्‍येनामेकी यूसुफकी थेला तोङा चाला ओतान। तर थे परमेश्‍वरगी खि साबाच्‍योक खित्‍कान्‍ते मि ईन्‍देकी थेकी मरियमला मि ङोन्‍ला ङोचा मेङस्‍यीत सिन मि रूसादु मेखेरा खाईन थोकराङ तोङा चाल्‍सुङ।

मत्ती 10:21

थेमे मिओनगी दिङ येशूला विश्‍वास खित्‍कान्‍ते ईन सिन छ्ये छ्ये मिला लाःप्‍ला दाक्‍पोन आज्‍यो न्‍वालाराङ सेत ज्‍युत्‍क्‍यो। आज्‍यो न्‍वाकी नाङदुकामा मेन, आबातेकी फुज्‍युङ फुमुला सेत ज्‍युत्‍क्‍यो। थोकराङ खाला फुज्‍युङ फुमुतेबेकीङ आबा आमातेबाला विरोध खाला सेत ज्‍युत्‍क्‍यो।

मत्ती 10:25

जे ईन्‍सीनोङ गुरूतेला जस्‍तो ओङगीदुक चेलातेबालाङ थोकराङ ओङगो। थेमे मालिकतेला ओङा च्‍योकराङ योक्‍पोतेलाङ ओङगो। खाम्‍बे धनीलानी विरोध खिन बालजिबुल सिन शैतान मिन्‍तोक तासीन थे खाम्‍बे मिओनलानी झन चुकका साओङा।

मत्ती 24:9

ख्‍योकोनला दुक्‍पा तेरस्‍यीत थेमे सेत्‍स्‍यीत सिन थेजीन ज्‍येनगी ख्‍योकोनला जिन च्‍युत्‍ला छ्ये छ्ये मि लाःक्‍तु सोम्‍पे खिओ। ङे मि ईन्‍देकीराङ गाङे लुङबा लुङबाला मिओनगी ख्‍योकोनला मिगी थोङसार्मु खिओ।

लूका 20:19

थेकी साबाते थे अंगूर स्‍यीङ फेम्‍माला बिन्‍दाते कथा थोनामेई धर्मे गुरूओनताङ छ्ये छ्ये पूजारीकी दिकी थोक साबातेनी ङुरूङला छ्येर ग्‍यापातेका ईन सिन थेजीनराङ थेला जिन्‍दा चाल्‍सुङ। तर थेरू ओताते ज्‍येन मि ज्‍यीबेकी थेबेकी थोक खिता माथुप्‍सुङ।

लूका 6:11

येशूकी थेरू थोक थोक खाबा थोङगीन थे मिओन स्‍येदाङगी टोले स्‍यिसुङ। थेमे था थेला च्‍यि खाला स्‍येदाङ सेत्‍च्‍या ईन्‍ताका सिन खोपरोङ नाङ ठो खिताला स्‍यूसुङ।

यूहन्‍ना 15:20

‘सुइँदे काम खित्‍कान्‍ते मि मालिकते भन्‍दा छ्ये मेन,’ सिन ङे ख्‍योकोनला गोमाका साबाते बात ठेम्‍बा खि। च्‍यि सासीन ङाला च्‍योकराङ मिओनगी ख्‍योकोनलाङ खेदापानी खिओ। थेमे ङे साबाते ङेन्‍दा च्‍योकराङ मिओनगी ख्‍योकोनगी साबाते बादोङ ङेन्‍ग्‍यो।

यूहन्‍ना 16:2

था खेराङ छ्ये छ्ये मिकी ख्‍योकोनला मिटिङ खित्‍च्‍येते खाम्‍बादु ओङा मेङेत्‍च्‍या खाला तेन्‍ला तोङगो। सिइ सासीन दोक्‍ते बेलाङ ओङगो। चुक सासीन ख्‍योकोनला सेत्‍कान्‍ते मिकीनी परमेश्‍वरला मन परे खित्‍च्‍येते कामका खिन ओत सिन विचार खिओ।

शक्ति काम 2:37

थेरू जम्‍मा ओङाते मिओनगी पत्रुसकी खाबाते दि बात थोकीन खोपरोङगी चुक छ्येज्‍यीक गल्‍ती खाबा ओता ईन्‍दाका सिन छ्या स्‍येकीन पत्रुस थेमे येशू ख्रीष्‍टकी खटे खाबाते ज्‍येनतेबा गाङेला “आज्‍यो न्‍वावे, थोक ईन्‍सीन था ङ्योकोनगी च्‍यि खिसे ओना?” सिन ठिसुङ।

शक्ति काम 22:22

थोक सिर सिरसाक थेरू ओताते मिओन पावलगी खाबाते बात लेमु खाईन ङेन्‍गीन देता ओतान। तर थेकी थे खोरोङला ज्‍येन ज्‍येन जातकी मिलाका परमेश्‍वर बात लोप ताङाते ईन सिरा थोनामेई थेबा याङराङ “दिलाचेन सेताराङ फाप्‍क्‍यो। दिला सोम्‍बो ज्‍य्‌वाबा मेङगो,” सिन आउदी कस्‍स्‍ये खाईन छेरा खिताला स्‍यूसुङ।

शक्ति काम 7:54

स्‍तिफनसकी दोक दोक सानामेई थेरू ओताते छ्ये छ्ये पूजारी, धर्मे गुरूओन थेमे इस्राएल छ्ये छ्ये मि गाङेला स्‍येदाङगी मे बारसुङ। थेमे था दिला खइँदा माक्‍याबाला मायाङसुङ सिन थेबा स्‍येदाङगी सा थाक्‍पाला स्‍यूसुङ।

शक्ति काम 9:23

थोक खाईन शावलगी येशूराङ ख्रीष्‍ट ईन सिन थे बात लोप्‍कीन ख्‍याम्‍बाते आदोराङ गाल्‍नामेकी यहूदीओनगी थेला सेत्‍च्‍ये ठो खासुङ।