शक्ति काम 5:26 - जिरेल

²⁶ थे मिकी थोक सानामेई पुलिस छ्येते मि थे खोरोङ मिओन टीकीन मन्‍दिरपा गाल्‍सुङ। थेमे छ्याःङ जबरजस्‍ती मिक्‍किता खाईन लुकीन थेबाला टीकीन खुला लिच्‍युङ। थेबाला खइँदा जबरजस्‍ती खासीन थेरू ओताते मिओनगी खोपरोङला दोईकी ग्‍याप्‍ला सेत्‍कीता सिन ज्‍यीबेकी थेबेकी थेबाला छ्याःङ मिक्‍किता खाईन टीकीन खेरसुङ।

शक्ति काम 5:26 ပူးပေါင်းရင်းမြစ်များ

मत्ती 14:5

ईन्‍दानी हेरोदकी थेला सेताङ चाला ओतान। तर मिओनगी यूहन्‍नाला परमेश्‍वर बात खित्‍कान्‍ते सिन माने खाबा ओतेकी थेबे ज्‍यीबेकीङ थेकी थोक खिता थुपा मेतान।

मत्ती 21:26

मेन मिकीका ताङाते ईन सिइ सासीन मिओनगी ङुरूङला सेत्‍कीता सिरच्‍ये ज्‍यीबा ओङसुङ। च्‍यिला सासीन यूहन्‍ना परमेश्‍वर बात खित्‍कान्‍ते मि ओतान सिन मि गाङेकी थेला मान खिओ सिन ङुरूङला छ्या ओत,” सिन बात खासुङ।

मत्ती 26:5

ठो खिन थेबेकी “दि चाडगी बेलाला ङुरूङगी थेला सेता मेङगो। चाडगी बेलाला थोक खासीन मिओनगी हूलदङ्गा खाओङ,” सिन सासुङ।

मत्ती 26:58

थोक खाला येशूला थेपा खेरजीन पत्रुसोङ थेबेकी मोथोङा खाईन थेबे तिङ ङ्योगीन गाल्‍गीन थे खाम्‍बासाकराङ लेप्‍सुङ। थेमे येशूला नाङने चुक चुक खिका सिन छ्या स्‍येबाला थेचेन थे खाम्‍बादु देता ओताते पालेओनताङ थेरू स्‍याङकादुराङ देत्‍सुङ।

लूका 20:19

थेकी साबाते थे अंगूर स्‍यीङ फेम्‍माला बिन्‍दाते कथा थोनामेई धर्मे गुरूओनताङ छ्ये छ्ये पूजारीकी दिकी थोक साबातेनी ङुरूङला छ्येर ग्‍यापातेका ईन सिन थेजीनराङ थेला जिन्‍दा चाल्‍सुङ। तर थेरू ओताते ज्‍येन मि ज्‍यीबेकी थेबेकी थोक खिता माथुप्‍सुङ।

लूका 20:6

मेन मिकीका ताङाते ईन सिइ सासीन मिओनगी ङुरूङला दोई ग्‍याप्‍ला सेत्‍क्‍यो। च्‍यिला सासीन यूहन्‍ना परमेश्‍वर बात खित्‍कान्‍ते मि ओतान सिन मि गाङेकी मान खिओ सिन ङुरूङला छ्या ओत,” सिन बात खासुङ।

लूका 22:2

थे बेलालाराङ छ्ये छ्ये पूजारीताङ धर्मे गुरूओनचेन चुक खाला मि सुङगीङ थाहा मेङेता खाला येशूला जुम्‍ला सेता थुबोङा सिन मौका तेइन ओतान। मिओन ज्‍यीबेकी थेबेकी थेला थोक खाला खाराक्‍पा सेता छोल्‍गीन ओतान।

लूका 22:4

थोगी थे छ्ये छ्ये पूजारी थेमे परमेश्‍वर मन्‍दिरदु देत्‍कान्‍ते पुलिसते छ्ये छ्ये मि ओत्‍सादु ठो खित गाल्‍सुङ। थेकी येशूला थेबे लाःक्‍तु सोम्‍पे खिता थुप्‍क्‍यो सिन बात खासुङ।

शक्ति काम 4:21

थेबेकी थोक सानामेई थे छ्ये छ्ये मि गाङेकी थेबा ङिबोला सजाय तेराला छ्याःङ निउँ माङेत्‍कीन “ङ्योकोन बात माङेन्‍सीन ख्‍योकोनला मेलेबा ओङगो याङ, ख्‍योकोन होस खि,” सिन लोईन ज्‍यीबा तेन्‍गीन थोकराङ ताङसुङ। च्‍यिला सासीन थोक अचम्‍बते काम ओङा थोङगीन मि गाङेराङ थे बातकामा खिन परमेश्‍वरते जय जय खिन ओतान।

शक्ति काम 5:13

ज्‍येन ज्‍येनचेन ज्‍यीबेकी थेबाताङ रूगीन मेतान। थेबाताङ मारूसीनोङ थेबा लेमु मि ईन सिन थेबाला गाङेकी मान खिन ओतान।

शक्ति काम 5:22

जेलदु गाल्‍ला ताजीन पुलिसओनगी थेबाला थेरू माथोङसुङ। थोगी थेबेकी थोकराङ ग्‍युरगीन गाल्‍गीन जम्‍मा ओङाते छ्ये छ्ये मि गाङेला

शक्ति काम 5:24

थे बात थोकीन परमेश्‍वर मन्‍दिरदु देत्‍कान्‍ते पुलिसते छ्येते मित्ताङ छ्ये छ्ये पूजारी गाङेराङ च्‍यि ओङा ईन्‍ताका ओना सिन ख्‍यारा खिरा गाल्‍सुङ।

शक्ति काम 5:25

थेबा थोक खिन ओते बेलालाराङ थेरू मिज्‍यीक वाकीन थेबाला “ख्‍योकोनगी जेलदु खेरगीन लुक्‍पाते मिओननी मन्‍दिरपा ख्‍योल्‍गीन मिओनलाका लोप्‍कीन दुक ओना,” सिन सिदुक।