शक्ति काम 4:36 - जिरेल36 येशूला विश्वास खित्कान्तेबे नाङ यूसुफ सिराज्यीक मि ओतान। थेचेन साइप्रस लुङबादु केबाते लेवी थरगी मि ओतान। येशू ख्रीष्टकी खटे खाबाते मिओनगी थेला बारनाबास सिन मिन ज्याक्पा ओतान। बारनाबास साबाते मिओनला आँट तेरकान्ते साबाते ईन। အခန်းကိုကြည့်ပါ။ |
शक्ति काम 4:36
24 ပူးပေါင်းရင်းမြစ်များ
थेमे थेरू मिज्यीगी परमेश्वर नियमला टिबाते थेमे परमेश्वर बात खित्कान्तेबेकी टिबाते बात गाङेकी थोच्या खाईन पढे खासुङ। थे बाततेबा पढे खाईन सिन्नामेकी थे मिटिङ खित्च्येते खाम्बे छ्ये छ्ये मिकी आज्यो न्वावे, ख्योकोनला खइँदा लेमु बात सिरा सेम लाबा ओत्सीन थे बात दुरू जम्मा ओङाते मिओनला खि सिन मिज्यीकला पावलताङ बारनाबास देत्सादु ताङसुङ।
थेबेकी ज्येन ज्येन जातकी मिकीङ खतकी चिनु ज्वापराङ फाप्क्यो सिरजीन पावलताङ बारनाबासकीचेन पापदुकी ठालाला थेबेकी थे चिनु ज्वाराङ माफाबो सिन थेबाताङ आदोराङ टेकाटेउरी खासुङ। थोक खाईन जति बात खासीनोङ थेबे नाङ बात माडिक्पेकी थेरू येशू ख्रीष्ट मिओनगी “लो था ङुरूङगी दोक खिइ। च्यि सासीन पावलताङ बारनाबास थेमे ङुरूङ नाङदुई कोई कोईला यरूशलेमपा तोङगी। थेबेकी थेपा गाल्ला येशू ख्रीष्टकी खटे खाबाते मिओन थेमे थेरू येशू ख्रीष्ट मिओनला ताकान्तेबाला ठेत्ला दि बात खित्स्यीत। थेमे थेबेकी चुक खि सिका थोकराङ खिताप,” सिन सल्लाह खासुङ।
ईन्सीनोङ बारनाबासचेन शंका मिक्किता खाईन थेत्ताङ ख्याम्बाला स्यूसुङ। थेमे थेकी थेला येशू ख्रीष्टकी खटे खाबाते मिओन ओत्सादु खेरगीन शावलला ओङाते बात गाङे थेबाला लाःप्सुङ। थेकी थेबाला शावलगी दमस्कसपा डोजीन लामला प्रभु येशूला ठेताते, येशूकी थेत्ताङ बात खाबाते थेमे थोक ओङनामेई थेकी छ्याःङ ज्यीबा मिक्किता खाईन दमस्कस मिओनला येशू सु ईन्दे सिन लापाते बाततेबा गाङे लाःप्सुङ।
थेकी थोक खानामेई ज्येन ज्येन जातकी मित्ताङ थोक खाला ठाल्च्येते ठीक मेन सिन छ्या ओत्कीन ओत्कीनोङ थेङला ओताते येशू ख्रीष्टला विश्वास खित्कान्ते ज्येन यहूदीओनगीङ पत्रुसताङ डिगीन थेकी च्योकराङ खिताला स्यूसुङ। थेबा गाङेकी थोक खाबा थोङनामेईनी ङेङ थोकराङ खिता फाप्क्यो सिराच्योक खाईन बारनाबासोङ थे छ्य्वापाराङका लै खासुङ।
परमेश्वरगी ङाला दया खाईन दि काम खित्च्येते जिम्मा बिन्दाते दुका सिन छ्या स्येनामेकी होथे छ्येते मिओन नाङ गाङे भन्दा छ्येतेबा ईन सिन साबाते याकूब, पत्रुस थेमे यूहन्नेकी ङाङ खोपरोङ छेतराङ ईन साकीन बारनाबासताङ ङाला ङुरूङ गाङेराङ डिक्ला काम खिइ सिन सिदुक। दोक खित्जीनराङ बारनाबासताङ ङा ज्येन ज्येन जातकी मिला थेमे थेबाचेन यहूदीओनला गा लाङच्येते बात लोप्की सिरच्येते बातला थेबा डिक्सुङ।
ကြော်ငြာတွေ