शक्ति काम 4:31 - जिरेल

³¹ थोक खाईन प्रार्थना खाईन सिन्‍नामेकी थेबा देताते खाम्‍बाराङ लीक्‍सुङ। थेमे थेबा गाङेराङ परमेश्‍वर आत्‍मेकी खाङाते मि ओङसुङ। थेमे थेबेकी छ्याःङ ज्‍यीबा मिक्‍किता खाईन मिओनला परमेश्‍वर बात लाप्‍सुङ।

शक्ति काम 4:31 ပူးပေါင်းရင်းမြစ်များ

मत्ती 21:22

ख्‍योकोनगी प्रार्थना खित्‍जीन परमेश्‍वरताङ नाङ खाबाते पक्‍काराङ ङेत्‍क्‍यो सिन छ्याःङ शंका माक्‍यासुङ सासीन जे नाङ खासीनोङ थे नाङ खाबाते ङेत्‍क्‍यो ङेत्‍क्‍यो,” सिन सिदुक।

यूहन्‍ना 14:12

दि बात ङेन। ङाला विश्‍वास खित्‍कान्‍ते मिकीचेन ङे खाबा च्‍योक्‍ते कामराङ खिओ। थेकी दिबा भन्‍दाङ छ्ये छ्ये काम खिओ। दोक खिता थुप्‍च्‍येते च्‍यिला ईन्‍दे सासीन था ङा आबा ओत्‍साने ग्‍युरला डुइओ।

यूहन्‍ना 15:16

ख्‍योकोनगी ङाला छाने खाबाते मेन। ख्‍योकोनगी लेमु लेमु काम खिता थुप्‍स्‍यीत थेमे ख्‍योकोनगी खाबाते दोक्‍ते काम नोमुङ खेरो मोन्‍डोस्‍यीत सिन ङेका ख्‍योकोनला छाने खाबाते ईन। ख्‍योकोनगी ङे खित ज्‍युता चाला च्‍योकराङ खानामेई ङे मिन लाकीन आबाताङ जे नाङ खासीनोङ थेकी ख्‍योकोनला तेरग्‍यो।

यूहन्‍ना 15:7

ख्‍योकोन ङात्ताङ डिगीनराङ देत्‍सीन थेमे ङे लापाते बात ङेन्‍गीन देत्‍सीन खेराङला जे नाङ सिरा सेम लाङगीदुक परमेश्‍वरला नाङ सि। थेकी ख्‍योकोनला दाक तेरग्‍यो।

शक्ति काम 14:3

ईन्‍सीनोङ पावलताङ बारनाबासचेन मिओनला प्रभु येशूकी दया खाला पापकी सजायदुकी डेल्‍ग्‍यो सिन थे बातओन ज्‍यीबाराङ मिक्‍किता खाला लोप्‍कीन काल्‍बासाकराङ थे सारदु देत्‍सुङ। थेबेकी लापाते बात सत्‍यते बात ईन सिन मिओनगी छ्या स्‍येस्‍यीत सिन प्रभु येशूकी थेबाला छ्ये छ्येताङ अचम्‍बतेन्‍दे काम खित च्‍युत्‍सुङ।

शक्ति काम 2:1

पेन्‍तिकोस छोमुङ येशूला विश्‍वास खित्‍कान्‍तेबा गाङेराङ ठाउँज्‍यीकराङ रूकीन देता ओतान।

शक्ति काम 2:2

थेबा थोक खाईन देता ओते बेलाला च्‍यि ओङसुङा सासीन थेबेकी खोपरोङ देताते खाम्‍बा खाङ थाराङराङ आउदी छ्येज्‍यीक ल्‍हाबा चले खाबाते ङोरो च्‍योक थोसुङ। थे ङोरोचेन नामनेकी वाबा ओतान।

शक्ति काम 2:4

थोक खाईन थेबा गाङेकी परमेश्‍वर आत्‍मा ङेत्‍कीन थेबा गाङेराङ परमेश्‍वर आत्‍मेकी खाङाते मि ओङसुङ। थेमे थेबेकी परमेश्‍वर आत्‍मेकी खोपरोङला खित ज्‍युताच्‍योक च्‍योकराङ खाईन खोपरोङगी छ्या मास्‍येबाते खुदुक खुदुकते भाषाला बात खिताला स्‍यूसुङ।

शक्ति काम 4:13

पत्रुसताङ यूहन्‍नेकी छ्याःङ ज्‍यीबाराङ मिक्‍किता खाईन बात खिता थोङनामेई थेमे थेबा ङिबो खोपरोङ च्‍योक पढे खाबाते मि मेन्‍गीन ज्‍येन मि च्‍योकराङ दुका सिन छ्या स्‍येनामेई थे छ्ये छ्ये मितेबा छक्‍क परे खासुङ। थेबा ङिबो गोमा येशूताङ देत्‍कीन ख्‍याम्‍गीन खाबाते दुका सिनोङ थेबेकी छ्या स्‍येसुङ।

शक्ति काम 4:29

थेमे था प्रभु परमेश्‍वर, ङ्योकोनला मेलेबा खिओ सिन ज्‍यीबा लोङकान्‍ते मिओन बादोङ खोल्‍ला छ्याराङ ओत। थोगी ङ्योकोनला खुई लोप साबाते बात छ्याःङ ज्‍यीबा मिक्‍किता खाला लोप्‍च्‍येते आँट नाङ।

फिलिप्‍पी 1:14

ङाला जेलदु लुक्‍नामेई प्रभु ख्रीष्‍टला विश्‍वास खित्‍कान्‍ते ज्‍येन आज्‍यो न्‍वा काल्‍बेईकी ज्‍यीबा खाला देता मेङच्‍याक्‍वा सिन आँट ङेता ओत। आँट ङेत्‍कीन था थेबेकी परमेश्‍वर बात ज्‍यीबाराङ मिक्‍किता खाला लोप्‍कीदुक।

फिलिप्‍पी 1:20

था याङराङ अड्डादु बयान लिन्‍जीन ङाला सेत्‍सीनोङ सोम्‍बोराङ ताङसीनोङ थातासाक खाबा च्‍योकराङ खाला हत्तेरिका ङे च्‍यिला थोक खाताका सिराच्‍योक लाङच्‍येते कामताङ बात छ्याःङ मिक्‍किओ सिन टुङ्गो खाबा ओत। दोक खाला ङाराङला जस्‍तो ओङसीनोङ सुङताङ ज्‍यीबा मिक्‍किता खाला ख्रीष्‍टते जय जय ओङच्‍येते कामकामा खिता थुप्‍स्‍यीत सिन ङे आश खाबा ओत।

याकूब 1:5

थेमे ख्‍योकोन सुइँदाला च्‍यि खित्‍च्‍ये, चुक खित्‍च्‍ये सिन छ्या मेते बेलाला चुक खित्‍च्‍ये सिन बुद्धि नाङ सिन परमेश्‍वरताङ प्रार्थना खि। दोक खानामेई मिओनला लेमु खित्‍कान्‍ते ईन्‍देकी थेकी छ्याःङ दुक्‍स्‍यी मिक्‍किता खाला खेराङला गोबाते बुद्धि तेरग्‍यो।