शक्ति काम 4:30 - जिरेल

³⁰ थेमे प्रभु परमेश्‍वर, ङ्योकोनगी सेमला पाप सिराते छ्याःङ मेताते खालि खुई कामकामा खित्‍कान्‍ते येशू मिन लाला नाबाते मिओन ठाक्‍पा खिता छोल्‍जीन खुई थेबाला ठाक छ्युत, छ्ये छ्येताङ अचम्‍बतेन्‍दे काम खित छ्युत,” सिन प्रार्थना खासुङ।

शक्ति काम 4:30 ပူးပေါင်းရင်းမြစ်များ

यूहन्‍ना 4:48

थे मिकी थोक खित्‍जीन येशूकी थेला “अचम्‍ब अचम्‍बतेन्‍दे काम माथोङथुपचेन ख्‍योकोनगी ङाला विश्‍वासराङ मिक्‍किदुक,” सिन सिदुक।

शक्ति काम 2:22

इस्राएलीवे, था दि बाततेबाङ ङेन। नासरतपे येशूकी ङुरूङ मिगी दोन्‍दुराङ छ्ये छ्येताङ अचम्‍बतेन्‍दे काम खाईन तेन्‍दा ओतान। थेचेन थे खोरोङगी छाने खाईन ताङाते मि दुका सिन ख्‍योकोनगी छ्या स्‍येस्‍यीत सिनराङ परमेश्‍वरगी थेला छ्येज्‍यीक शक्ति बिन्‍गीन थोक अचम्‍बते काम खित च्‍युता ओतान। येशूकी च्‍यि च्‍यि खाबा ओताने, चुक चुक खाबा ओताने सिन ख्‍योकोनगीङ खेराङ मिगीराङ थोङा ओतान।

शक्ति काम 2:43

थोक थोङजीन मि गाङेराङ आते खिन ओतान। थेमे येशू ख्रीष्‍टकी खटे खाबाते मिओनगी अचम्‍बते काम काल्‍बेई खिन ओतान।

शक्ति काम 3:13

बात चुक ईन्‍दे सासीन थरिङ दि अचम्‍बते काम खित च्‍युत्‍कीन ङुरूङ ज्‍युज्‍यु पुर्खा अब्राहाम, इसहाकताङ याकूबकी माने खाबाते परमेश्‍वरगी थे खोरोङ काम खित्‍कान्‍ते येशूताङ चुक छ्येज्‍यीक शक्ति ओते सिन छ्या स्‍ये च्‍युत्‍कीन बिन्‍दाते ईन। येशूला सेता फाप्‍क्‍यो सिन ख्‍योकोनगीचेन ज्‍येन जातकी मिओन लाःक्‍तु सोम्‍पे खासुङ। थेमे रोमी गेल्‍बो हाकिम पिलातसकी थेते छ्याःङ गल्‍ती मिन्‍दुक सिन तोङा छोल्‍जीनोङ ख्‍योकोनगी थेला मातोङ, थेलाचेन सेताराङ फाप्‍क्‍यो सिन साकीन

शक्ति काम 3:16

थेमे होदि कुज्‍येला येशूकी थे खोरोङ शक्तिकी ख्‍याम्‍बा थुप्‍च्‍या जोबाते ईन। थेकी दोक खिओ सिन ङ्योकोनगी थेला विश्‍वास खाबेकी दि मि ख्‍याम्‍बा थुप्‍च्‍या गालाते ईन। दि दोक गालाते येशूकी दि खोरोङला ठाक्‍पा खिता थुप्‍क्‍यो सिन दिकी थेला विश्‍वास खाबेकीराङ ईन। दि मि गोमा ख्‍याम्‍बा मुथुप्‍च्‍या ओतान सिन ख्‍योकोन गाङेला लेमु खाला छ्याराङ ओत।

शक्ति काम 3:6

थेमे पत्रुसकी थेला “खोल्‍ला तेराला ङात्ताङ सेर नोर छ्याःङ मेत। ईन्‍सीनोङ ङे खिता थुप्‍च्‍येतेचेन ङा खोल्‍ला खिओ। नासरतपे येशू ख्रीष्‍ट मिन लाला ङा खोल्‍ला लाला ख्‍योम सिन सिओ,” सिन साकीन

शक्ति काम 4:10

लो थोक ईन्‍सीन ङ्योकोनगी नासरतपे येशू ख्रीष्‍ट मिन लाकीन दि मि ख्‍याम्‍बा थुप्‍स्‍यीत सानामेई थेकीराङ दिला ख्‍याम्‍बा थुप्‍च्‍या जोबाते ईन। दि बात था ख्‍योकोनगीकामा मेन, इस्राएली गाङेकी छ्या स्‍येबा खि। थोक खित्‍कान्‍ते येशू ख्रीष्‍टला ख्‍योकोनगीचेन स्‍यिङगी थामला टाँए खाईन सेत च्‍युत्‍सुङ। ख्‍योकोनगी थोक खासीनोङ परमेश्‍वरगी थेला स्‍यिसादुकी सोम्‍बो लोक च्‍युता ओत।

शक्ति काम 4:27

परमेश्‍वर, गाङे बात गोमाका गेल्‍बो दाऊदकी साबा च्‍योकराङ ओङाते खोल्‍ला छ्याराङ ओत। च्‍यि सासीन सेमला पाप सिराते छ्याःङ मेताते खालि खुई कामकामा खित्‍कान्‍ते येशूला मेलेबा खिताला हेरोद गेल्‍बो, रोमी गेल्‍बो हाकिम पन्‍तियस पिलातस, ज्‍येन ज्‍येन जातकी मि थेमे इस्राएली गाङेराङ डिगीन दि सारदु जम्‍मा ओङसुङ। थोक खाईन थेबेकी खुई खटे खाईन ताङाते येशूला मेलेबा खासुङ।

शक्ति काम 5:12

येशू ख्रीष्‍टकी खटे खाबाते मिओनगी मिओन नाङ छ्ये छ्येताङ अचम्‍बतेन्‍दे काम काल्‍बेई खिन ओतान। येशूला विश्‍वास खित्‍कान गाङेराङ डिक्‍ला परमेश्‍वर मन्‍दिरदु ओताते सोलोमन सिराते पिंढीदु जम्‍मा ओङगीन ओतान।

शक्ति काम 6:8

थे छाने खाबाते मेन्‍दा दुईनगी नाङ स्‍तिफनसलाचेन परमेश्‍वरगी आउदी खाईन आशी बिन्‍दा ओतान। थेला अचम्‍बते काम खित्‍च्‍येते शक्तिङ बिन्‍दा ओतान। थोगी थेकी मिओन नाङ छ्ये छ्येताङ अचम्‍बतेन्‍दे काम खिन ओतान।