शक्ति काम 4:17 - जिरेल

¹⁷ था जे ईन्‍सीनोङ दिबेकी खाबाते दि कामगी बात ज्‍येन मि नाङ फैले मिक्‍किस्‍यीत सिन दिबा ङिबोला थानामेई नोमुङ येशू बात छ्याःङ सुङलाङ मालोप सिन ङारासम्‍म ङारला तोङगी,” सिन ठो खासुङ।

शक्ति काम 4:17 ပူးပေါင်းရင်းမြစ်များ

मत्ती 27:64

थोगी ङीमा सुमसाक थे रो ज्‍याक्‍सादु लेमु खाला स्‍युङाला मिल्‍टेरीओन स्‍योक। थोक माक्‍यासीन थे चेलातेबेकी थे रो थेन्‍ला खेरला थेबेकी ‘येशू स्‍यिसादुकी सोम्‍बो लोक्‍तुक,’ सिन मिओनला साओङ। दोक ओङसुङलो सिन थोसीन मिओनला गोमा भन्‍दाङ झन मेलेबा खाला छक्‍के खाओङ,” सिन सिदुक।

मत्ती 9:30

थोक खानामेकी थेबे मिक दाक थोङच्‍या गाल्‍सुङ। थेमे थेकी “त्‍वा दि बात सुङलाङ मासेर याङ,” सिन थेबाला थेरूकी ताङसुङ।

यूहन्‍ना 15:21

ङे मि ईन्‍देकीराङ थेबेकी ख्‍योकोनला खेदापानी खित्‍च्‍येते ईन। च्‍यिला सासीन ङाला दुरू तोङकान्‍तेला थेबेकी छ्याराङ मेस्‍येओ।

शक्ति काम 4:21

थेबेकी थोक सानामेई थे छ्ये छ्ये मि गाङेकी थेबा ङिबोला सजाय तेराला छ्याःङ निउँ माङेत्‍कीन “ङ्योकोन बात माङेन्‍सीन ख्‍योकोनला मेलेबा ओङगो याङ, ख्‍योकोन होस खि,” सिन लोईन ज्‍यीबा तेन्‍गीन थोकराङ ताङसुङ। च्‍यिला सासीन थोक अचम्‍बते काम ओङा थोङगीन मि गाङेराङ थे बातकामा खिन परमेश्‍वरते जय जय खिन ओतान।

शक्ति काम 5:24

थे बात थोकीन परमेश्‍वर मन्‍दिरदु देत्‍कान्‍ते पुलिसते छ्येते मित्ताङ छ्ये छ्ये पूजारी गाङेराङ च्‍यि ओङा ईन्‍ताका ओना सिन ख्‍यारा खिरा गाल्‍सुङ।

शक्ति काम 5:28

“ख्‍योकोनला खरचिङकाराङ ङ्योकोनगी थे मि बात छ्याःङ सुङलाङ मालोप सिन कोता ओतान। तर ख्‍योकोनगीनी ङ्योकोनगी माकेत साबाते बातराङ खाईन यरूशलेम गाङे काङगीन सिन्‍दुक। दोस्‍यिककामा मेन, ख्‍योकोननी थेला सेत्‍कान्‍तेङ ङ्योकोनराङका ईन सिरा छोल्‍गीदुक,” सिन सिदुक।

एफिसी 6:9

थेमे मालिकतेबा ख्‍योकोनगीङ दाक्‍पोन योक्‍पो योङमुला लेमु खि। थेबाला ज्‍यीबा तेन्‍ला तेन्‍ला काम माकोत। ख्‍योकोनतेङ स्‍वर्गने मालिक ओत। थेचेन थेबेतेङ ख्‍योकोनतेङ मालिक ईन। थेमे थेकी सुङलाङ काका पाका मिक्‍किता खाला न्‍याय खिओ सिन ख्‍योकोनगी टोक माज्‍येत।

१ थिस्‍सलोनिकी 1:8

ख्‍योकोनगी खित्‍सादु प्रभु येशू बात थेबे नाङकामा फैले खाबाते मेन, ख्‍योकोन परमेश्‍वर छ्य्‌वापा लै खाईन थेला विश्‍वास खिताला स्‍यूबाते बात मिओनगी गाङेपा छ्या स्‍येला दुक। ख्‍योकोनगी परमेश्‍वरला विश्‍वास खाबाते बात ङ्योकोनगी सुङलाङ सिरा फाप्‍च्‍या मिन्‍दुक।

१ पत्रुस 2:23

थे खोरोङला मनपरी सिरकानला थेकी छ्याःङ साबा मेतान, दुक्‍पा तेरजीन थोक खित्‍कान्‍तेबाला थेकी ख्‍योकोनला थाहा छ्येदोङ सिन साबा मेतान। बरू थे खोरोङ बात गाङे सुङलाङ काका पाका मिक्‍किता खाला न्‍याय खित्‍कान्‍ते परमेश्‍वरला छ्या ओत सिन थेकी थेलाराङ भर परे खाबा ओतान।