शक्ति काम 4:10 - जिरेल

¹⁰ लो थोक ईन्‍सीन ङ्योकोनगी नासरतपे येशू ख्रीष्‍ट मिन लाकीन दि मि ख्‍याम्‍बा थुप्‍स्‍यीत सानामेई थेकीराङ दिला ख्‍याम्‍बा थुप्‍च्‍या जोबाते ईन। दि बात था ख्‍योकोनगीकामा मेन, इस्राएली गाङेकी छ्या स्‍येबा खि। थोक खित्‍कान्‍ते येशू ख्रीष्‍टला ख्‍योकोनगीचेन स्‍यिङगी थामला टाँए खाईन सेत च्‍युत्‍सुङ। ख्‍योकोनगी थोक खासीनोङ परमेश्‍वरगी थेला स्‍यिसादुकी सोम्‍बो लोक च्‍युता ओत।

शक्ति काम 4:10 ပူးပေါင်းရင်းမြစ်များ

मत्ती 2:23

नासरत सिराते सारदु देत्‍सुङ। थोक खाईन मिओनगी तिरी थे फिजाला चुक सिते सिन परमेश्‍वर बात खित्‍कान्‍ते मिओनगी साबाते बात साबा च्‍योकराङ ओङसुङ। थेबेकी चुक साबा ओताने सासीन “थेला मिओनगी नासरी सिन सिओ,” साबा ओतान।

लूका 18:37

थेमे येशूताङ ख्‍याम्‍गीन ओताते मिओनगी थेला “नासरतपे येशू ओङगीन दुक,” सिन लाःप्‍सुङ।

शक्ति काम 2:32

दाऊदकी गोमाका साबा ओता च्‍योकराङ खाईन परमेश्‍वरगी येशूला स्‍यिसादुकी सोम्‍बो लोक्‍सुङ। थे सोम्‍बो लोक्‍नामेई थेला ङ्योकोन गाङेकी ङेराङ मिगीराङ थोङाते ईन।

शक्ति काम 2:36

बात दोक दोक ईन्‍देकी परमेश्‍वरगी मान बिन्‍गीन प्रभु जोबाते थेमे थे खोरोङगी तोङगो साबाते ख्रीष्‍टचेन ख्‍योकोनगी सेत च्‍युताते येशूराङ ईन्‍दा दुका सिन थाचेन ख्‍योकोन इस्राएली गाङेकी लेमु खाला छ्या स्‍येबा खि,” सिन सिदुक।

शक्ति काम 28:28

गोमा साबाते थे बातकामा मेन, था ख्‍योकोनगी दि बादोङ छ्या स्‍येबा खि। च्‍यि सासीन परमेश्‍वरगी मिओनला पापकी सजायदुकी डेल्‍ग्‍यो सिरच्‍येते बात ज्‍येन ज्‍येन जातकी मिला लोप सिन साबा ओत। थेबेकीचेन थे बात थोनामेई सत्‍यतेराङ दुका सिन ङेन्‍ग्‍यो,” सिन सासुङ।

शक्ति काम 3:6

थेमे पत्रुसकी थेला “खोल्‍ला तेराला ङात्ताङ सेर नोर छ्याःङ मेत। ईन्‍सीनोङ ङे खिता थुप्‍च्‍येतेचेन ङा खोल्‍ला खिओ। नासरतपे येशू ख्रीष्‍ट मिन लाला ङा खोल्‍ला लाला ख्‍योम सिन सिओ,” सिन साकीन

रोमी 1:4

थेमे स्‍यिसादुकी सोम्‍बो लोक्‍पा ओतेकी थे पक्‍काराङ परमेश्‍वर फुज्‍युङ ईन, थेत्ताङ छ्येज्‍यीक शक्ति ओत सिन परमेश्‍वर आत्‍मेकी गाङेला छ्या स्‍ये च्‍युता ओत। ङुरूङगी प्रभु सिरच्‍येते येशू ख्रीष्‍ट होथेराङ ईन।