शक्ति काम 28:8 - जिरेल

⁸ थेते आबाते ठास्‍युम लाकीन रगतमासी परे खाईन थला परे खाबा ओताक्‍वा। पावलगी थे ङ्यालाते कोठादु गाल्‍गीन थे लाक्‍तु लाक्‍पा ज्‍यागीन ठाक्‍स्‍यीत सिन परमेश्‍वरला प्रार्थना खासुङ। थोक खाईन थेकी थे मिला ठाक्‍पा खाईन बिन्‍सुङ।

शक्ति काम 28:8 ပူးပေါင်းရင်းမြစ်များ

मत्ती 10:1

थेमे येशूकी थे खोरोङ चेला च्‍युन्‍ङीला दोन्‍दु काताङगीन च्‍याकीन ल्‍हन्‍डीक खोबाते मिओनदुकी ल्‍हन्‍डीक तेन्‍ला तोङच्‍येते अधिकार थेबाला बिन्‍सुङ। थरी थरीतेन्‍दे रोग लै खाबाते थेमे नाबाते मिओनला ठाक्‍पा खित्‍च्‍येते शक्तिङ बिन्‍सुङ।

मत्ती 10:8

थेमे नाबाते मिओनला ठाक्‍पा खि, स्‍याप्‍तेबाला सोम्‍बो लोक, जे खोबातेबाला ठाक्‍पा खि थेमे ल्‍हन्‍डीक खोबाते मिओनदुकी ल्‍हन्‍डीकओन तेन्‍ला थोङ। दोक खित्‍च्‍येते शक्ति खेराङगीङ छ्याःङ मेतेरा खाईन थाराङ ङेताते ईन। थोगी ज्‍येनला लोप्‍जीनताङ ठाक्‍पा खित्‍जीनोङ छ्याःङ मालिन।

मत्ती 12:13

थोक साकीन च्‍याकीन थेकी थे लाक्‍पा काम्‍बाते मिला “खुईते लाक्‍पा स्‍योङते,” सिन सिदुक। थे मिकीङ लाक्‍पा स्‍योङजीन थे लाक्‍पा ज्‍येनते साक्‍लोते च्‍योकराङ लेमु गाल्‍सुङ।

मत्ती 9:18

येशू दि बात खिन ओते बेलालाराङ मिटिङ खित्‍च्‍येते खाम्‍बे छ्येते मिज्‍यीगी थे ओत्‍सादु वाकीन थेला काम्‍बाला से खासुङ। थेमे “हजूर, ङेते थाल्‍ला भर्खर फुमु स्‍यिसुङ। ओर्च्‍ये, रकस्‍यिक ङात्ताङ गाल्‍ला खुई लाक्‍पा थे लाक ज्‍याक्‍ला नाङ। दोक खानामेई थे दाक सोन्‍ग्‍यो,” सिन सिदुक।

मर्कूस 16:18

थेबेकी रूल जुम्‍सीनोङ थेबाला रूलगी मोथोगो, विष सोसीन थुसीनोङ थेबा मिस्‍यिओ थेमे थेबेकी नाबाते मिओन लाक्‍तु लाक्‍पा ज्‍याक्‍ला ठाक्‍पा खिता थुप्‍क्‍यो,” सिन सिदुक।

मर्कूस 5:23

थेकी “गुरू, ङे फुमु स्‍यिमेसोमे गाल्‍गीन खाला बाक देता ओत। ओर्च्‍ये रकस्‍यिक गाल्‍ला खुई लाक्‍पा थे लाक ज्‍याक्‍ला नाङ। दोक खानामेई थे ठाक्‍ला सोन्‍ग्‍यो,” सिन सासुङ।

मर्कूस 6:5

थेकी थेरू अचम्‍बते काम छ्याःङ खिता माथुप्‍सुङ। थेकी कोई कोई नाबाते मिला थेबे लाक लाक्‍पा ज्‍यागीन ठाक्‍पा खाईन बिन्‍सुङ।

मर्कूस 7:32

थे थेरू ख्‍योल्‍नामेई मिओनगी ओन्‍बाते मिज्‍यीकला थे ओत्‍सादु क्‍याल्‍सुङ। थे मिचेन लाटाज्‍यीक ओतान। थेमे थेबेकी येशूला “गुरू, दि मिला खुई लाक्‍पा ज्‍याक्‍ला नामज्‍योककी थोच्‍या थेमे बात खिता थुप्‍च्‍या जोला नाङ,” सिन सिदुक।

लूका 13:13

लाक्‍पा ङिकाराङ थे लाक ज्‍याक्‍सुङ। थोक खिताईताङ थे फेम्‍मे मि दाक ठाइन सोझो खाईन लाङा थुप्‍सुङ। थेमे थेकी परमेश्‍वरगी ङाला चुक लेमु खासुङा सिन परमेश्‍वरते जय जय खासुङ।

लूका 4:40

शिमोन आबी ठाक्‍पाते बात थोनामेकी थेङले मिओनगी थे छोमु ङीमा गानामेकी नाबाते मि गाङेला येशू ओत्‍सादु खुला लिच्‍युङ। थेबा खुदुक खुदुक रोग लै खाईन नाबा ओतान। थेकी थेबा मेन्‍दा रेरे लाक्‍तु लाक्‍पा ज्‍य्‌वाकीन गाङेला ठाक्‍पा खाला तेरगीन खासुङ।

शक्ति काम 28:7

थे लुङबे छ्येते मि पब्‍लियस सिरातेते थे फेरोला जग्‍गा जिमीन ओताक्‍वा। थेकी ङ्योकोनला थे खोरोङ खाम्‍बादु खेरगीन साप थुङा बिन्‍गीन आउदी लेमु खासुङ। ङीमा सुमसाक ङ्योकोन थे खाम्‍बादु देताप।

शक्ति काम 28:9

थेकी थोक खाईन थेला ठाक्‍पा खाबाते बात थे लुङबे मि गाङेकी थोकीन नाबाते मि गाङे थे ओत्‍सादु ख्‍योल्‍सुङ। थेमे पावलगी थेबा गाङेला ठाक्‍पा खासुङ।

शक्ति काम 9:40

पत्रुसकी थेरू ओताते मि गाङेला फिनामा तेन्‍गीन ताङगीन खोबुकला देत्‍कीन च्‍याकीन परमेश्‍वरला प्रार्थना खासुङ। थोक खाईन थेकी थे स्‍याप्‍ते रो ज्‍याक्‍सापा ग्‍युरगीन “तबीता, लो ल्‍वा,” सिन सिदुक। थेकी थोक सिरजीन तबीतेकी मिक पेत्‍सुङ। थेमे थेला थोङगीन थेरू लाकीन देत्‍सुङ।

१ कोरिन्‍थी 12:28

येशू ख्रीष्‍ट मिओन नाङ परमेश्‍वरगी छ्येदुकी शुरू खाईन टेक्‍टेसाक गाङेला दाक्‍पोन दाक्‍पोन जिम्‍मा बिन्‍दा ओत। थेबे नाङ गाङे भन्‍दा गोमाचेन येशू ख्रीष्‍टकी खटे खाबाते मिओन, थेबे तिरी परमेश्‍वर बात खित्‍कान्‍तेबा, थेरूकी परमेश्‍वर बात लोप्‍कान्‍तेबा फाप्‍क्‍यो। थोकराङ खाला अचम्‍ब अचम्‍बतेन्‍दे काम खित्‍कान्‍तेबा, नाबाते मिओनला ठाक्‍पा खित्‍च्‍येते शक्ति ङेता ओतातेबा, ज्‍येनला मद्धत खित्‍कान्‍तेबा, खाङ काम चुक खाला खिता फाप्‍कीते सिन छ्या स्‍येकान्‍तेबा थेमे खोपरोङगी छ्या मास्‍येबाते खुदुक खुदुकते भाषाला बात खित्‍कान्‍ते मिओन फाप्‍क्‍यो।

१ कोरिन्‍थी 12:9

थेमे दोक्‍पोईला परमेश्‍वरगी जेङ खिता थुप्‍क्‍यो सिन थेला आउदी खाला विश्‍वास खित्‍च्‍येते शक्ति बिन्‍दा ओङगो सासीन ज्‍येनज्‍यीकलाचेन नाबाते मिओनला ठाक्‍पा खित ज्‍युत्‍च्‍येते शक्ति बिन्‍दा ओङगो।