शक्ति काम 28:2 - जिरेल

² थे बेलाला छ्यार्बा देइन ओतान। थेमे आउदी खेबा ओतान। थेरू मिओनगी मे फुकीन ङ्योकोनला मे दाप्‍ला काताङगीन आउदी लेमु खासुङ।

शक्ति काम 28:2 ပူးပေါင်းရင်းမြစ်များ

मत्ती 10:42

थेमे ङाला विश्‍वास खित्‍कान्‍तेबे नाङ दिङ सु ईन्‍देरो सिराच्‍योक खाईन ज्‍येनगी हेपे खाबाते मिला दि येशू चेला दुका सिन छ्यु मुठी खाङकामा थुङा बिन्‍सुङ सासीन होथोस्‍यिक खित्‍कान्‍ते मिलाङ परमेश्‍वरगी इनाम तेरग्‍यो,” सिन सिदुक। दि बाततेबा खाईन सिन्‍नामेई थेकी थेबाला थेरूकी ताङसुङ।

यूहन्‍ना 18:18

थेजीन खेबा ओतेकी खित्‍सादु थे खाम्‍बादु काम खित्‍कान्‍ते मिओन थेमे मन्‍दिरदु देत्‍कान्‍ते पुलिसओन स्‍याङकादु मे फुकीन फेरो खाङ लाकीन देत्‍कीन मे देइन ओतान। थेमे पत्रुसोङ थेबे खादुराङ लाकीन देत्‍कीन मे दाप्‍ला स्‍यूसुङ।

शक्ति काम 27:3

थेरूई पानीजहाज चले खानामेई ङारो च्‍योक्‍ते ङ्योकोन सीदोन सिरसादु लेप्‍सुङ। थेमे थे क्‍याप्‍टेनगी थेरू पावल र्‍वातेबेकी थेला गोच्‍येतेबा तेरा ङेत्‍स्‍यीत सिन थेबाला ठेता खित ताङगीन लेमु खासुङ।

शक्ति काम 28:3

पावलगीङ थेङला छेउकी नाङला ओताते गइँटातेबा रूकीन मे नाङ लुक्‍सुङ। थेकी मे नाङ गइँटा लुजीन मे रापकी खित्‍सादु थेरूकी आउदी विष ओताते रूलज्‍यीक थेन्‍गीन थे लाक्‍पाला त्‍वासुङ।

शक्ति काम 28:4

थेला थोक खाईन रूलगी त्‍वाकीन रूल लाःक्‍तुराङ खाल्‍गीन देता थोङगीन थेरू मिओनगी खोपरोङ नाङ “ला दि मि साँच्‍चीराङ ज्‍यानमारा ईन्‍दा च्‍यिन्‍दा। आनाङका समुन्‍द्रदुई थारगीन वासीनोङ सजायदुकी दि थारच्‍या मायाङसुङ,” सिन बात खासुङ।

रोमी 1:14

ग्रीक ईन्‍स्‍यीत, थेबा छेत काल्‍बा बात छ्या मेस्‍येकान्‍ते मि ईन्‍स्‍यीत, पढे खाबाते मि ईन्‍स्‍यीत, पढे माक्‍याबाते ईन्‍स्‍यीत छ्ये टेक्‍टे गाङेला ङे गा लाङच्‍येते बात लोपाराङ फाप्‍क्‍यो।

रोमी 14:1

थेमे ज्‍येनोङ बात च्‍यि सासीन ख्‍योकोन नाङ कोई कोई येशू ख्रीष्‍टला विश्‍वास खाईन पाको गाला मेताते मिओनोङ ओत। थेबाचेन ङे दोक खासीन पा फोइता सिन ज्‍यीबा खिओ। ईन्‍सीनोङ ख्‍योकोन थेबाताङोङ साङ खि। ख्‍योकोन च्‍यिला दोक खाला ज्‍यीबा खिते सिन थेबाताङ टेकाटेउरीचेन माकेत।

रोमी 14:3

जे सोसीनोङ ओङगो सिन स्‍या साकान्‍ते मिकी स्‍या मास्‍साकान्‍तेला थेनी स्‍या साप्‍ला ज्‍यीबा खिदुक, थे चुक लेम्‍बा ईन्‍दाका सिराच्‍योक खाला छ्ये माकेत। थोकराङ खाला स्‍या मास्‍साकान्‍तेकीङ खो च्‍यिला स्‍या सेइते? खुई दोक खाबातेनी पाप खाबाते ईन सिन मासेर। च्‍यिला सासीन स्‍या साकान्‍तेलाङ परमेश्‍वरगी थे खोरोङ मिराङ ईन सिन साबा ओत।

रोमी 2:27

थोगी होथोक्‍ते ज्‍येन ज्‍येन जातकी मिकी ख्‍योकोनला दोषी ईन सिओ। च्‍यिला सासीन थेबेकी परमेश्‍वर नियम ङेता मेत्‍सीनोङ थेमे खतकी चिनु जोबा मेत्‍सीनोङ परमेश्‍वर नियमला खि साबा च्‍योकराङ खिदुक। तर दोक दोक खि सिन टिबाते परमेश्‍वर नियम ङेता ओत्‍सीनोङ थेमे खतकी चिनु जोकान ईन्‍सीनोङ ख्‍योकोनचेन थे नियमला खि साबाच्‍योक खितराङ मिक्‍किदुक।

१ कोरिन्‍थी 14:11

सुइँदेकी ङात्ताङ बात खित्‍जीन थेकी खाबाते बात ङे माखोसुङ सासीन थेकी ङात्ताङ बात खिता मुथुबो, ङेङ थेत्ताङ बात खिता मुथुबो।

२ कोरिन्‍थी 11:27

ङे स्‍याप स्‍याप खाईन काम खाबाप। पालोताङ पालो ङे मिक छुम मिक्‍किता खाईन नुप स्‍येन्‍दान, पालोताङ पालो ङा त्‍वाबा कोम्‍बा लासीनोङ थोकराङ देतान, पालोताङ पालो ङा सुबाला अन्‍ने तारानराङ मुलुबा खाईन देतान थेमे खोन्‍च्‍या दिङच्‍या मेतेकी पालोताङ पालो ङा खेबे नाङला ख्‍वाकीनराङ देतान।

कलस्‍सी 3:11

थेकी दोक लेमु खिन ओताते मि नाङ ग्रीक ईन्‍स्‍यीत कि यहूदी ईन्‍स्‍यीत, जीउला खतकी चिनु जोबाते मि ईन्‍स्‍यीत कि थे चिनु माजोबाते मि ईन्‍स्‍यीत, ज्‍येन ज्‍येन लुङबे मि ईन्‍स्‍यीत कि सिथिया सिराते मिओन ईन्‍स्‍यीत, योक्‍पो योङमु ईन्‍स्‍यीत कि ज्‍येन ईन्‍स्‍यीत गाङे थोजोराङ ईन। सु च्‍यि जातकीते ईन्‍दे, सु छ्ये टेक्‍टे ईन्‍दे सिरच्‍येते बात ओङा मेङगो। ख्रीष्‍टकामा छ्ये ईन। थे खोरोङ मि गाङे सेमगी नाङ थेराङ देत्‍क्‍यो।

हिब्रू 13:2

नोमुङ माठेताते ईन्‍सीनोङ खाम्‍बादु वाबाते मिला लेमु खि। दोक खित्‍जीन कोई कोईकी थाङबो परमेश्‍वर दूतओनलाका लेमु खाबा ओतान। थे मिओनला थेबा परमेश्‍वर दूत ईन सिन छ्याङ मेतान।