शक्ति काम 27:7 - जिरेल

⁷ थे जहाजला जेनामेकी पानीजहाज खेरा फाप्‍से छ्य्‌वापेई आउदी खोक्‍पो खाईन ल्‍हाबा चले खाबेकी ङ्योकोन काल्‍बेई दिन तिरीकामा क्‍नीडस सिरसे खादु ख्‍योल्‍सुङ। थे ल्‍हाबेकी खित्‍सादु थेरूई ङ्योकोन ड्वा फाप्‍च्‍ये लामलेई ड्वा माथुप्‍कीन समुन्‍द्रे किल्‍दु ओताते क्रेट लुङबे छ्य्‌वापा गालाप। दोक खाईन ङ्योकोन थे लुङबे सालमोने सिरसादुई क्‍योगीन दक्षिण छ्य्‌वामेई खाईन गालाप।

शक्ति काम 27:7 ပူးပေါင်းရင်းမြစ်များ

शक्ति काम 2:11

ङुरूङ कोई क्रेटीताङ अरबी ईन। दोक खाईन खुदुक खुदुक लुङबालेई वाकीन दुरू जम्‍मा ओङाते ईन्‍सीनोङ परमेश्‍वरगी खाबाते अचम्‍बते कामगी बात दिबेकी ङुरूङ दाक्‍पोन दाक्‍पोन लुङबे भाषाला खाबा थोकीदुक,” सिन बात खासुङ।

शक्ति काम 27:21

थोक ओङजीन थे पानीजहाजला ओताते मिओनगी साप मासोबाते काल्‍बेई गाला ओतान। थेमे पावलगी “हजूरवे, ख्‍योकोनबरीकी ङे बात ङेन्‍गीन क्रेटदुकी माख्‍याम्‍बा ईन्‍सीन दि दुक्‍पा ङेत्‍च्‍या मेतान। ज्‍येनतोक माल सामानोङ छ्याःङ नोक्‍सान ओङच्‍या मेतान।

शक्ति काम 27:4

थेमे थेरूकीङ ङ्योकोन ख्‍याम्‍बाप। तर पानीजहाज खेरा चाल्‍से छ्य्‌वापेकी आउदी खाईन ल्‍हाबा चले खाबेकी ङ्योकोन साइप्रस लुङबे पूर्वे छ्य्‌वापा खाईन ड्वा फाप्‍सुङ।

तीतस 1:12

तिरी ओङच्‍येते बात खित्‍कान्‍ते मिज्‍यीगी थे खोरोङ लुङबे मिओन बात खिन च्‍यि साबा ओताने सासीन “क्रेटीओनचेन जहिलेङ ढाँर खित्‍कान्‍ते ईन। थेबाताङ जहिलेङ च्‍येन थोमताङ च्‍योकराङ खाला ज्‍यीबा खिता फाप्‍क्‍यो। थेबाचेन सिन्‍काई च्‍याक्‍ला ङि मेताते खालि सापकामा छोल्‍कान्‍ते ईन,” सिन साबा ओतान।

तीतस 1:5

बात च्‍यि सासीन ङा क्रेट लुङबादुई ख्‍याम्‍जीन थेरू थोरूमोङ खिता फाप्‍च्‍येते कामओन खिताला थेमे सार सारला गाल्‍ला येशू ख्रीष्‍ट मिओनला ताकान्‍तेबाला ङे साबा च्‍योकराङ खाला छाने खाला ज्‍य्‌वाबालाराङ ङे खोल्‍ला थेरू देत साबा ओतान।