शक्ति काम 27:23 - जिरेल

²³ च्‍यिला सासीन ङे माने खिन ओताते परमेश्‍वरगी दाङ ग्‍वाका ङा ओत्‍सादु थे खोरोङ दूतज्‍यीक ताङदुक।

शक्ति काम 27:23 ပူးပေါင်းရင်းမြစ်များ

यूहन्‍ना 12:26

ङाला थे खोरोङ मालिक ईन सिरकान्‍ते मिकीचेन ङे खाबा च्‍योकराङ खिता फाप्‍क्‍यो। थोक खानामेई ङा जहाँ देत्‍कीदुक थेङ ङात्ताङराङ देत्‍क्‍यो। ङे खि साबाच्‍योक खित्‍कान्‍ते मिलाचेन ङे आबेकी मान तेरग्‍यो।

शक्ति काम 12:23

थेबेकी थोक खाईन थे खोरोङला ल्‍हा ईन सिन छेरा खित्‍जीनोङ थे छ्याःङ मिसिरा खाईन खाराक्‍पा देत्‍सुङ। थोक खाईन परमेश्‍वरला मान माक्‍याबेकी खित्‍सादु थे बेलालाराङ प्रभु परमेश्‍वर दूतज्‍यीगी थेला सजाय बिन्‍सुङ। थेमे थे बु ग्‍याप्‍कीन स्‍यिसुङ।

शक्ति काम 16:17

पावलबा ङ्योकोनला ठेत्‍जीन ङ्योकोन तिङ ङ्योगीन थे फेम्‍मे फिजेकी छेरा खिन “दिबा गाङे भन्‍दा छ्येते परमेश्‍वर काम खित्‍कान्‍ते मिओन ईन। मि चुक खाला पापकी सजायदुकी थारगीते सिरच्‍येते बात दिबेकी लोप्‍क्‍यो,” सिन सासुङ।

शक्ति काम 18:9

थेमे ग्‍वामाई पावलला मिलाम खित ज्‍युताच्‍योक खित च्‍युत्‍कीन प्रभु येशूकी थेत्ताङ बात खासुङ। थेकी थेला “खो बान्‍दा ज्‍यीबा माकेत। दुरू मिओनला ङे बात लोप्‍कीनराङ देत। थोक खिता मातोङ।

शक्ति काम 23:11

थे छोमु ग्‍वाका पावलगी प्रभु येशूला थे खोरोङ खादु वाबाते थोङसुङ। थेमे प्रभु येशूकी थेला “पावल, दुरू खोल्‍ला खइँदा मेलेबा ओङगीता सिन खो बान्‍दा ज्‍यीबा माकेत। खुई रोम सारदु गाल्‍ला दुरू च्‍योकराङ खाला थेरूङ ङे बात गाङे ज्‍येनला लोपा फाप्‍क्‍यो,” सिन बात खासुङ।

शक्ति काम 5:19

थेबाला जेलला लुक्‍पे छोमुराङ ग्‍वाका चुक ओङसुङा सासीन थेबा ओत्‍सादु प्रभु परमेश्‍वर दूतज्‍यीक लेप्‍सुङ। थेमे थेकी जेलगी गो पेत्‍कीन थेबाला फिनामा खुलाकीन च्‍याकीन

शक्ति काम 8:26

थेमे फिलिपला प्रभु परमेश्‍वर दूतज्‍यीगी “लो खो था दक्षिण छ्य्‌वामा ग्‍युक। थेमा यरूशलेमदुकी गाजामा डोच्‍येते लामनापा खाला ग्‍युक। थे लामला खाम्‍बा युल खापाङ छ्याःङ मेत सिन खोल्‍ला छ्या ओत,” सिन बात खासुङ।

रोमी 1:1

दि चिट्ठी येशू ख्रीष्‍ट काम खित्‍कान्‍ते ङा पावल टिगीन ओत। ङा येशू ख्रीष्‍टकी खटे खाबाते मि ईन। मिओनला थे खोरोङ गा लाङच्‍येते बात लोपाला ङाला परमेश्‍वरगी छाने खाबाते ईन।

रोमी 1:9

ङे ख्‍योकोनला थोई सम्‍झे खाला जहिलेङ ख्‍योकोन लाईदु प्रार्थना खिका सिरच्‍येते बात परमेश्‍वरलाराङ छ्या ओत। थे फुज्‍युङते गा लाङच्‍येते बात ङाराङ स्‍येतकी थुपासम्‍म ज्‍येनला लाप्‍ला ङा परमेश्‍वरला माने खिओ।

रोमी 6:22

तर परमेश्‍वरगी ख्‍योकोनला पाप खित्‍च्‍येते बानीदुकी टाल्‍गीन बिन्‍दा ओतेकी था ख्‍योकोनगी थेकी साबाते ङेन्‍ला थेला मन परे खित्‍च्‍येते कामताङ बात खिता थुप्‍क्‍यो। दोक खाईन परमेश्‍वरगी खि साबाच्‍योक खिन गाल्‍नामेई ख्‍योकोनगी नोमुङ मिसिन्‍च्‍येते जुनी ङेत्‍क्‍यो।

१ कोरिन्‍थी 6:20

थेकी ख्‍योकोनला आउदी काल्‍बेई मोल च्‍याल्‍गीन ङ्योबाते ईन। थोगी ख्‍योकोनगी काम बात जे खासीनोङ परमेश्‍वरला मन परे खित्‍च्‍येतेकामा खि। दोक खाला थेला मान खि।

२ तिमोथी 1:3

थेमे परमेश्‍वरताङ प्रार्थना खित्‍जीन ङा ङीन नुप जहिलेङ खुई लाईदुङ प्रार्थना खिन खुई लाईदु थेला धन्‍यवाद सिओ। ङा ङाराङ ज्‍युज्‍यु पुर्खेकी माने खिन वाबाते परमेश्‍वरला थेबेकी च्‍योकराङ खाला थेला जस्‍तो खाला माने खिता फाप्‍च्‍येते ईन थोकराङ खाला माने खिओ।

२ तिमोथी 2:24

प्रभु येशू ख्रीष्‍ट काम खित्‍कान्‍ते मिकी ज्‍येनताङ थोम्‍मु जीङगा खिता मेङगो। बरू गाङेताङ खा छ्येत लेमु खाला बात खिता फाप्‍क्‍यो, ज्‍येनला लेमु खाला लोपा थुप्‍कानज्‍यीक ओङा फाप्‍क्‍यो थेमे ज्‍येनगी जे खासीनोङ स्‍येदाङ खुरा मेङगो।

२ तिमोथी 4:17

दोक दोक ओङजीनोङ प्रभु येशू ख्रीष्‍टचेन ङात्ताङ ङ्योम्‍बुराङ देत्‍कीन थेकी ङाला शक्ति बिन्‍सुङ। थोगी ङे ज्‍येन ज्‍येन जातकी मि गाङेकी थोस्‍यीत सिन गा लाङच्‍येते बात लेमु खाईन लाप्‍कीन बिन्‍दाप। दोस्‍यिककामा मेन, थेकी ङाला सिंहे खादुकीङ जोए खासुङ।

तीतस 1:1

दि चिट्ठी टिक्‍कान्‍ते ङा पावल ईन। ङा परमेश्‍वर काम खित्‍कान्‍ते मि ईन। थेमे ङा येशू ख्रीष्‍टकी खटे खाबाते मिङ ईन। परमेश्‍वरगी थे खोरोङ मि सिन छाने खाबाते मिओनगी झन लेमु खाला थेला विश्‍वास खिता थुप्‍स्‍यीत थेमे सत्‍यते बात लेमु खाला छ्या स्‍येला झन थेला लेमु खाला माने खिता थुप्‍स्‍यीत सिन थेबाला लाप्‍ला कोत्‍ला तेरच्‍येते जिम्‍मा ङाला बिन्‍दा ओत।

तीतस 2:14

ङुरूङ पापकी सजाय थे खोरोङगीराङ भोगे खाईन थे ङुरूङ लाईदु ज्‍यान बिन्‍गीन स्‍यिसुङ। ङुरूङला पाप खित्‍च्‍येते बानीदुकी पूरो खाला टाल्‍ला सेम लेमु जोला काम बात लेमुकामा खिता छोल्‍कान्‍ते थे खोरोङ मि सिरा थुप्‍स्‍यीत सिन थे थोक खाईन स्‍या ओतान।

हिब्रू 1:14

परमेश्‍वर दूतओननी गाङेराङ परमेश्‍वरगी कोता कोता खित्‍कान्‍तेबाकामा ईन। थेबा दोकस्‍यिकराङ दुक सिन मिगी थोङा मुथुबो। परमेश्‍वरगी थेबाला थे खोरोङगी पूरो खाला पापदुकी टाल्‍ला स्‍वर्गने देत ज्‍युत्‍च्‍येते मिओनला मद्धत तेराला गाङेपा ताङा ओत।

छ्या स्‍ये च्‍युताते बात 22:16

“थाल्‍लासाक तेन्‍गीन बिन्‍दाते बाततेबा ठाउँ ठाउँला जम्‍मा ओङकान्‍ते ङे मिओनला छ्या स्‍ये ज्‍युताला ङा येशूकीराङ ङाराङ दूतला खो ओत्‍सादु ताङाते ईन। ङा दाऊद गेल्‍बो थरगीते थे सन्‍तानराङ ईन। ङोमु पाखाला स्‍यारच्‍येते आउदी खाला टल्‍के खित्‍च्‍येते कार्मा ङाराङ ईन,” सिन सिदुक।