शक्ति काम 26:8 - जिरेल

⁸ परमेश्‍वरगी स्‍याप्‍ते मिला सोम्‍बो लोक्‍पा ओत सिरजीनचेन ख्‍योकोन यहूदीओन च्‍यिला सुङ पत्ते मिक्‍किते? ङालानी अचम्‍ब लाङगीदुक।

शक्ति काम 26:8 ပူးပေါင်းရင်းမြစ်များ

लूका 1:37

थोगी परमेश्‍वरगी खिता मुथुप्‍च्‍येते दुरू छ्याःङ मेत,” सिन सिदुक।

लूका 18:27

ठिजीन थेकी “दि बात छ्या स्‍येबा खि। मिकी खिता मुथुप्‍च्‍येते काम परमेश्‍वरगी सजिलो खाला खिओ,” सिन सिदुक।

शक्ति काम 23:6

थेरू जम्‍मा ओङाते यहूदीओन छ्ये छ्ये मि नाङ कोई सदुकी पाटी मि, कोईचेन फरिसी पाटी मि ओतान। थेरू पाटी ङि मि ओताते बात छ्या स्‍येकीन पावलगी गाङेकी थोच्‍या खाईन “आज्‍यो न्‍वावे, ङाङ फरिसी पाटी मि ईन। ङे आबाबा गोप्‍पोबाङ फरिसी पाटी मिराङ ओतान। ङा परमेश्‍वरगी स्‍याप्‍ते मिला तिरी सोम्‍बो लोइओ सिन पत्ते खित्‍कान्‍ते मि ईन्‍देकीराङ ङाला मुद्धा चले खाईन दोक खाईन थरिङ ख्‍योकोन गाङे दोन्‍दु खुलाबाते ईन,” सिन सिदुक।

शक्ति काम 25:19

थेबेकी खालि थेकी खोपरोङ धर्मे बातताङ मिडिक्‍च्‍येते काम खासुङ सिन सिदुक। थेमे येशू सिराते स्‍यिइन सिन्‍दाते मिज्‍यीक बातला थेबा थेत्ताङ बान्‍दा मिडिक्‍च्‍याक्‍वा सिनोङ ङे छ्या स्‍येसुङ। लोक्‍ला थे मिचेन थे येशू सिराते मि स्‍यिइनोङ सोम्‍बो लोक्‍पा ओत सिन सिरच्‍याक्‍वा।

शक्ति काम 4:2

थेमे थेबाबरी थेबा ङिबोताङ आउदी स्‍येदाङ खासुङ। च्‍यिला सासीन थेबा ङिबो येशू स्‍यिनामेकी लोईन सोम्‍बो लोक्‍पा ओत, थोगी स्‍याप्‍ते मिओनोङ सोम्‍बो लोइओ सिन मिओनला लोप्‍कीन ओतान।

१ कोरिन्‍थी 15:34

थोगी था ख्‍योकोनगी लेमु मेलेबा च्‍यि ईन्‍दे सिन डेला थुप्‍कान्‍ते मि च्‍योक ओङला काम खि। पाप खिन देता थोङ। ख्‍योकोनला ङोचा लोङाप सिनराङ ङा दोक सिन ओत। च्‍यिला सासीन ख्‍योकोन कोईकीनी थोरूमोङ परमेश्‍वर सु ईन्‍दे, थेकी चुक खाला काम खिते सिन छ्याःङ खोबा मिन्‍दुक।

फिलिप्‍पी 3:21

ङुरूङ जीउ प्रभु येशू ख्रीष्‍टकीते सोम्‍बो लोक्‍जीन ओताते जीउ च्‍योक मेत। थोगी ङुरूङ नेइओ, दुक्‍पा ओङगो थेमे ङुरूङ स्‍यिनामेई रूल्‍ला डुइओ। ईन्‍सीनोङ था प्रभु येशू ख्रीष्‍ट ग्‍युरगीन वानामेई थेकी ङुरूङ जीउ थे खोरोङते च्‍योकराङ लेमु जोइओ। जेसुकैला थे खोरोङ अधीनला ज्‍य्‌वाच्‍येते शक्तिकी थेकी दोक खिओ।