शक्ति काम 26:29 - जिरेल

²⁹ थेमे पावलगी “बात जस्‍तो ईन्‍सीनोङ होत्ता ईन्‍स्‍यीत तिरीकामा ईन्‍स्‍यीत थरिङ दुरू दि बातओन थोकान्‍तेबा सरकार खो थेमे ज्‍येन दुरू ओतातेबरी गाङेराङ ङा च्‍योकराङ येशूला विश्‍वास खित्‍कान ओङस्‍यीत सिन ङा परमेश्‍वरला प्रार्थना खिओ। तर ङे च्‍योक खाला ख्‍योकोनगीचेन नेल खोन्‍दा माफाप्‍स्‍यीत,” सिन सिदुक।

शक्ति काम 26:29 ပူးပေါင်းရင်းမြစ်များ

यूहन्‍ना 5:34

ङे ङा सु ईन्‍दे, चुक्‍ते ईन्‍दे सिन सिरकान्‍ते सुइँदा मि ओङाराङ फाप्‍क्‍यो सिन साबाते मेन। बरू ख्‍योकोनगी पापकी सजाय मेङेत्‍स्‍यीत सिन दि बाततेबा साबाते ईन।

शक्ति काम 12:6

हेरोद गेल्‍बोकी पत्रुसला मि गाङे दोन्‍दु खुलाङच्‍येते दिन ङीमाईकामा बाँकी ओतान। थेमे थे छोमु ग्‍वाका पत्रुसचेन जेलदु ङिक गाला ओतान। थेला नेल ङि कोन्‍दा ओतान। थेमे थे नेलला साङलो ताप्‍कीन नाङने फारताङ छुरला देत्‍कान्‍ते मिल्‍टेरी ङिबो लाक्‍पा रेरेला कोन्‍दा ओतान। जेलगी गोदुङ मिल्‍टेरीओन देता ओतान।

शक्ति काम 21:33

थेमे थे छ्येते मिकी “दि मिला जुम्‍ला लाक्‍पा ङिकारला नेल कोन,” सिन पावलला जिन च्‍युत्‍कीन थेरू मिओनला “दि मि सु ईन्‍दे? दिकी च्‍यि खासुङा?” सिन ठिसुङ।

शक्ति काम 25:14

थेबा थेरू आदोराङ देतेकी फेस्‍तसकी गेल्‍बो अग्रिपाला ङीमाई दोक सिन पावल बात खासुङ। च्‍यि सासीन “थोङला फेलिक्‍स हाकिम ओत्‍जीनमेईराङ दुरू जेलदु ज्‍याक्‍पाते मिज्‍यीक ओत।

रोमी 10:1

थेमे आज्‍यो न्‍वावे, परमेश्‍वरगी तेरच्‍येते पापकी सजायदुकी ङाराङ इस्राएलीओन थारस्‍यीत सिन ङा आउदी सेम खिओ। थेबेकी थे सजाय भोगे खिता माफाप्‍स्‍यीत सिन ङा परमेश्‍वरताङ प्रार्थना खिओ।

१ कोरिन्‍थी 4:8

खेराङगी चालाते ख्‍योकोनगी गाङे ङेत्‍कीन सिन्‍दुक। था ख्‍योकोन छ्याःङ मोगोच्‍या गाल्‍गीन सिन्‍दुक। था ख्‍योकोनला ङ्योकोन मोगोच्‍याक्‍वा। ख्‍योकोननी गेल्‍बोङ ओङगीन सिन्‍दुक। ख्‍योकोन गेल्‍बो ओङाते ङाला गा लाङगीदुक। साँच्‍चीराङ ख्‍योकोन थोक ओङाते ईन्‍सीन ङ्योकोनोङ ख्‍योकोनताङ गेल्‍बो ओङला राज्‍य खित्‍च्‍या ओतान।

१ कोरिन्‍थी 7:7

ईन्‍दानी मि गाङे ङा च्‍योक खाईन फाङमा मिक्‍किता खाईन देताते ङाला लेमु लाङगीदुक। ईन्‍सीनोङ परमेश्‍वरगी मि दाक्‍पोन दाक्‍पोनला दोक्‍पोईला फाङमा खाला देत्‍च्‍येते थेमे ज्‍येनज्‍यीकला फाङमाराङ मिक्‍किता खालाङ देता थुप्‍च्‍येते शक्ति बिन्‍दा ओङगो।

२ कोरिन्‍थी 11:1

था ङा ख्‍योकोनला लेम्‍बा च्‍योक खाला बात खितामीन। ङे दोक खाईन बात खासीनोङ ओर्च्‍ये ख्‍योकोनगी दि बातओन ङेन। ख्‍योकोनगी दोक्‍ते बात ङेन्‍गीन ओत सिन ङाला छ्या ओत।

एफिसी 6:20

ङा दि गा लाङच्‍येते बात लोपाला येशू ख्रीष्‍टकी ताङाते मि ईन्‍सीनोङ दुरू जेलदु देता फापा ओत। जे ईन्‍सीनोङ ङे दि बात छ्याःङ ज्‍यीबा मिक्‍किता खाला जस्‍तो खाला लोपा फाप्‍च्‍येते ईन थोकराङ खाला लोप्‍कीन देता थुप्‍स्‍यीत सिन प्रार्थना खिनराङ देत।

कलस्‍सी 1:28

ख्रीष्‍ट दोक खाला ज्‍येन ज्‍येन जातकी मि सेमगी नाङ देत्‍क्‍यो सिन ङ्योकोन मि गाङेला लोप्‍क्‍यो। च्‍यि सासीन ख्रीष्‍टताङ जीउज्‍यीकराङ ओङाते मिओन काम बात जे कुरोलाङ पाको गालाते मि ओङला परमेश्‍वर दोन्‍दु देता थुप्‍स्‍यीत सिन ङ्योकोनगी लोप्‍च्‍येते बात लेमु खाला ङेन सिन मि गाङेला दि बात परमेश्‍वरगी बिन्‍दाते बुद्धिकी लेमु खाला लोप्‍क्‍यो।