शक्ति काम 26:17 - जिरेल

¹⁷ थोक खिताला था ङा खोल्‍ला यहूदीताङ ज्‍येन ज्‍येन जातकी मि ओत्‍साला तोङगो। तर ज्‍यीबा माकेत। ङा खोल्‍ला थेबा गाङे लाःक्‍तुकी जोए खाला ज्‍य्‌वाक्‍यो।

शक्ति काम 26:17 ပူးပေါင်းရင်းမြစ်များ

शक्ति काम 13:50

थोक ओङजीन यहूदीओनगीचेन पावलताङ बारनाबासला लेमु मि मेन सिन थे सारगी छ्ये छ्ये मि थेमे थेरू परमेश्‍वरला माने खित्‍कान्‍ते छ्युक्‍पु छ्युक्‍पुते फेम्‍मे मिला लुकीन खोपरोङ लाःक्‍तु लासुङ। थोक खाईन थेबाबरी गाङेराङ डिगीन पावलताङ बारनाबासला दुक्‍पा बिन्‍गीन थेरूकी उरगीन ताङसुङ।

शक्ति काम 16:39

थोगी थेबा खोपरोङराङ वाकीन खोपरोङगी थोक गल्‍ती खाबातेला स्‍येदाङ माकेत साकीन थेबाला जेलदुकी तेन्‍गीन च्‍याकीन “था दि सार ताङला ग्‍युक,” सिन बिन्‍ती खासुङ।

शक्ति काम 17:10

थोक ओङनामेकी थे छोमु नाम स्‍योनामेकी थेरू आज्‍यो न्‍वाओनगी पावलताङ सिलासला बेरियापा ताङसुङ। थेपा लेप्‍नामेकी थेबा थेरूङ यहूदीओनते मिटिङ खित्‍च्‍येते खाम्‍बादु गाल्‍सुङ।

शक्ति काम 17:14

थोक ओङनामेई थेरू आज्‍यो न्‍वाओनगी पावलला थेरू मोज्‍योकी सिन थेला ज्‍येननापा तोङाला समुन्‍द्रे छेउनामा केल ताङसुङ। सिलासताङ तिमोथीचेन थेरूराङ देत्‍सुङ।

शक्ति काम 18:10

च्‍यिला सासीन दि सारदु था मि काल्‍बेईकी ङाला विश्‍वास खिओ। ङा खोत्ताङराङ देत्‍क्‍यो। खोल्‍ला सुङगीङ छ्याःङ मेलेबा खिता मुथुबो,” सिन सिदुक।

शक्ति काम 25:3

पावलला यरूशलेमने ताङसीन लेमु ओङच्‍या ओतान साकीन थेला थेने थोङ सिन आउदी खाईन बिन्‍ती खासुङ। थेला थेने ताङसीन लामला गुला देत्‍ला ओङगीन ओङगीनलाराङ सेताप सिन थेबेकी ठो खाबा ओतान।

शक्ति काम 28:28

गोमा साबाते थे बातकामा मेन, था ख्‍योकोनगी दि बादोङ छ्या स्‍येबा खि। च्‍यि सासीन परमेश्‍वरगी मिओनला पापकी सजायदुकी डेल्‍ग्‍यो सिरच्‍येते बात ज्‍येन ज्‍येन जातकी मिला लोप सिन साबा ओत। थेबेकीचेन थे बात थोनामेई सत्‍यतेराङ दुका सिन ङेन्‍ग्‍यो,” सिन सासुङ।

शक्ति काम 9:15

थोक सिरजीन प्रभु येशूकी “खो ज्‍यीबा मिक्‍किता खाला थेपा ग्‍युक। च्‍यिला सासीन ङे थेला ङा सु ईन्‍दे सिन लोपाला छाने खाबा ओत। था थेकी गाल्‍ला ज्‍येन ज्‍येन जातकी मि, थेबे गेल्‍बोओन थेमे इस्राएलीओनलाङ ङे बाततेबा लोप्‍क्‍यो।

रोमी 11:13

था ङा ख्‍योकोन ज्‍येन ज्‍येन जातकी मिला दि बात सिओ। च्‍यि सासीन ङाचेन ज्‍येन ज्‍येन जातकी मिला गा लाङच्‍येते बात लोपाला येशू ख्रीष्‍टकी खटे खाबाते मि ईन। ङाराङला जिम्‍मा बिन्‍दाते काम खिताला ङा आउदी खुशीङ ओत।

रोमी 15:16

ज्‍येन ज्‍येन जातकी मि नाङ काम खिताला थेकीराङ ङाला येशू ख्रीष्‍ट काम खित्‍कान्‍ते मि सिन खटे खाबाते ईन। थोगी ङा ज्‍येन ज्‍येन जातकी मिला परमेश्‍वर गा लाङच्‍येते बात लोप्‍क्‍यो। परमेश्‍वर आत्‍मेकी थेबे सेम खुदुक जोला थेबा परमेश्‍वरला चढे खाबाते थेला मन परे खित्‍च्‍येते भोग च्‍योकराङ ओङस्‍यीत सिन ङा दोक खाला लोप्‍च्‍येते काम खिओ।

गलाती 2:9

परमेश्‍वरगी ङाला दया खाईन दि काम खित्‍च्‍येते जिम्‍मा बिन्‍दाते दुका सिन छ्या स्‍येनामेकी होथे छ्येते मिओन नाङ गाङे भन्‍दा छ्येतेबा ईन सिन साबाते याकूब, पत्रुस थेमे यूहन्‍नेकी ङाङ खोपरोङ छेतराङ ईन साकीन बारनाबासताङ ङाला ङुरूङ गाङेराङ डिक्‍ला काम खिइ सिन सिदुक। दोक खित्‍जीनराङ बारनाबासताङ ङा ज्‍येन ज्‍येन जातकी मिला थेमे थेबाचेन यहूदीओनला गा लाङच्‍येते बात लोप्‍की सिरच्‍येते बातला थेबा डिक्‍सुङ।

१ तिमोथी 2:7

परमेश्‍वरगी मिओनला थोक खिता छोल्‍ग्‍यो सिराला ङा येशू ख्रीष्‍टकी खटे खाबाते मि ईन सिन थेकीराङ ङाला छाने खाबाते ईन। दि बात ङे ढाँर खाबाते मेन। दि साँचोते बात ईन। ङाचेन थेबेकी सुला विश्‍वास खिता फाप्‍कीते थेमे ङेन्‍दा फाप्‍च्‍येते सत्‍यते बात च्‍यि ईन्‍दे सिन ज्‍येन ज्‍येन जातकी मिला लोप्‍कान्‍ते मि ईन।

२ तिमोथी 1:11

दि गा लाङच्‍येते बात ज्‍येनला लोप सिन परमेश्‍वरगी ङाला छाने खाबा ओतान। दोक खाईन ङा येशू ख्रीष्‍टकी खटे खाबाते मि ईन्‍देकी थेमे दि बात लोप्‍कान्‍ते मि ईन्‍देकी ङे दि काम खिता फाप्‍क्‍यो।

२ तिमोथी 3:11

मिओनगी ङाला खेदा खाईन खाईन दुक्‍पा बिन्‍दाते थेमे ङे भोगे खाबाते जेसुकै दुक्‍पा खोल्‍ला छ्या मेताते मेन। एन्‍टिओखिया, आइकोनियम थेमे लिस्‍त्रा सारगी नाङला मिओनगी ङाला चुक मेलेबा खाबा ओताने सिरच्‍येते बादोङ खोल्‍ला छ्याराङ ओत। ङाला जहाँदु जस्‍तो दुक्‍पा ओङसीनोङ प्रभु येशू ख्रीष्‍टकी थोक्‍ते गाङे दुक्‍पादुकी जोए खाबा ओत।