शक्ति काम 25:6 - जिरेल

⁶ यरूशलेमदु ङीमा गुजो च्‍युताम्‍बाजो देत्‍कीन फेस्‍तस सिजरियापा ग्‍युरसुङ। थेपा ख्‍योल्‍गीन ङारो च्‍योक्‍तेराङ थेकी अड्डादु गाल्‍गीन पावलला थेरू काताङसुङ।

शक्ति काम 25:6 ပူးပေါင်းရင်းမြစ်များ

मत्ती 27:19

थेमे पिलातस अड्डादुराङ देता ओते बेलाला फेम्‍मेतेकी थेला “थे छ्याःङ गल्‍ती मेताते मिला छ्याःङ मेलेबा माकेत। च्‍यिला सासीन थे मिला सजाय बिन्‍सीन आउदी मेलेबा ओङगो सिन ङे दाङ ग्‍वाका मेलेबाज्‍यीक मिलाम थोङसुङ,” सिन लोन ताङसुङ।

यूहन्‍ना 19:13

थेबेकी दोक सानामेई थेकी येशूला फिनामा खुलाङ च्‍युत्‍कीन च्‍याकीन थे न्‍याय खित्‍कान्‍ते मि देत्‍च्‍येते ठाउँदु देत्‍सुङ। थे ठाउँचेन दोई छापे खाईन जोबा ओतान। हिब्रू बातला थे ठाउँला गब्‍बथा सिन ओतान।

शक्ति काम 25:1

थेमे सिजरियादु लेप्‍नामेई ङीमा सुम तिरी हाकिम फेस्‍तस थेरूकी यरूशलेमने गाल्‍सुङ।

शक्ति काम 25:10

थोक सिरजीन पावलगी “हजूर, ङा थाल्‍ला रोमी गेल्‍बो अड्डादु ओत। ङे दि अड्डादुराङ न्‍याय ङेता फाप्‍क्‍यो। यहूदीओन सुङलाङ ङे छ्याःङ मेलेबा खाबा मेत। दि बात हजूर खुई दाक थोङसुङ।

शक्ति काम 25:17

थेमे थेला दोषी ईन सिरकान्‍ते मिओन दुरू वानामेकी ङे ङारो च्‍योक्‍तेराङ अड्डादु गाल्‍गीन थेला काताङगीन छलफल खाबाप।

शक्ति काम 25:4

तर थेबे बात मेङेन्‍दा खाईन फेस्‍तसकी थेबाला “पावलला सिजरियापाराङ जेलदु लुगीन ज्‍याक्‍पा ओत। था ङाङ थेपा होत्ताराङ ग्‍युरला डुइओ।

शक्ति काम 25:5

थोगी ख्‍योकोन नाङ छ्ये छ्येतेबा कोई ङात्ताङराङ थेपा ख्‍योम। थेकी खइँदा गल्‍ती खाबा ओत्‍सीन ख्‍योकोनगी थेपाराङ गाल्‍ला बयान तेरा थुप्‍क्‍यो,” सिन सिदुक।

शक्ति काम 8:40

फिलिपकीचेन थे खोरोङ अश्‍दोद सिरसादु ख्‍योलातेकामा थाहा छ्येत्‍सुङ। थेमे थे थेरूकी सिजरिये सारनापा डोजीन लामला फाप्‍च्‍येते सार सारला गा लाङच्‍येते बात लोप्‍कीन गाल्‍सुङ।

२ कोरिन्‍थी 5:10

च्‍यिला सासीन ख्रीष्‍टकी न्‍याय खिते छोमु छ्ये टेक्‍टे जोराङ ईन्‍सीनोङ ङुरूङ गाङेराङ थे दोन्‍दु ड्वा फाप्‍क्‍यो। थेमे थे छोमु थेकी ङुरूङगी दि जुनीला लेमु मेलेबा चुक खाला दुका थे ताला सु सुला च्‍यि खिता फाप्‍च्‍या दुका थोकराङ खिओ।

याकूब 2:6

ख्‍योकोनचेन होथोक्‍ते मिओनलाराङ हेला खिदुक। च्‍यि ख्‍योकोनला दुक्‍पा तेरकान्‍ते थेमे मुद्धा लाङला अड्डादु केल्‍कान्‍ते छ्युक्‍पुते मिओनराङ मेनरो?