शक्ति काम 25:23 - जिरेल

²³ थेमे ङारो च्‍योक्‍ते गेल्‍बो अग्रिपाताङ बर्णिस आउदी लेमु लेमु खोलाक खोन्‍गीन छ्ये छ्ये मि जम्‍मा ओङच्‍येते कोठादु ख्‍योल्‍सुङ। थेरू थेबाला गाङेकी धूमधाम खाईन मान खासुङ। मिल्‍टेरी छ्ये छ्ये मिताङ थे सारगी छ्ये छ्ये मिङ थेबाताङ थेरू वाबा ओतान। थेमे फेस्‍तसकी पावलला थेरू लिन ताङसुङ।

शक्ति काम 25:23 ပူးပေါင်းရင်းမြစ်များ

मर्कूस 6:21

तर ङीमाई हेरोदियासकी यूहन्‍नाला स्‍येदाङ सेत्‍च्‍ये मौका ङेत्‍सुङ। चुक खाईन सासीन थे खोरोङ केबाते दिनगी छोमु गेल्‍बो हेरोदकी छ्येज्‍यीक भोज लै खाबा ओतान। थे भोजला थेकी थे खोरोङ छ्ये छ्ये मि, मिल्‍टेरी छ्ये छ्ये मि थेमे गालील अञ्‍चलते ज्‍येनोङ छ्ये छ्ये मि गाङेला काताङा ओतान।

शक्ति काम 12:21

मि गाङेताङ ठेता खित्‍च्‍येते दिनगी छोमु हेरोद गेल्‍बो गेल्‍बोकी खोन्‍च्‍येते दामी दामीते खोलाकताङ श्रीपेज खोन्‍गीन सिंहासन लाक्‍तु देत्‍सुङ। थेमे थेकी थेरू ओताते मि गाङे दोन्‍दु भाषण खिताला स्‍यूसुङ।

शक्ति काम 25:13

टिक्‍पी तिरी हाकिम फेस्‍तसला ठेत्‍ला मान खिताला गेल्‍बो अग्रिपाताङ बर्णिस सिजरियापा लेप्‍सुङ।

शक्ति काम 26:30

थेमे थेरूकी गेल्‍बो अग्रिपा, हाकिम फेस्‍तसताङ बर्णिस थेमे थेरू ओताते छ्ये छ्ये मि गाङे थेरूई लाकीन गाल्‍सुङ।

शक्ति काम 9:15

थोक सिरजीन प्रभु येशूकी “खो ज्‍यीबा मिक्‍किता खाला थेपा ग्‍युक। च्‍यिला सासीन ङे थेला ङा सु ईन्‍दे सिन लोपाला छाने खाबा ओत। था थेकी गाल्‍ला ज्‍येन ज्‍येन जातकी मि, थेबे गेल्‍बोओन थेमे इस्राएलीओनलाङ ङे बाततेबा लोप्‍क्‍यो।

१ कोरिन्‍थी 7:31

ख्‍योकोन गाङेकी दि सा लुङबादु देत देतसाक गोच्‍येते सामानताङ दुरू खिता फाप्‍च्‍येते कामगी विचारकामा खिन मादेत। च्‍यिला सासीन दि सा लुङबादु ओताते जति था जेसुकै सिन्‍ला तोरला डुइओ।

याकूब 1:11

ङीमा स्‍यारगीन रापकी छिक्‍च्‍या गाल्‍नामेई ङीमे रापकी होथे पाङगी सो थेमे चातेबा काम्‍ला मेन्‍दोकओन ङीम्‍ग्‍यो। रकस्‍यिक गोमा लेमु ओत्‍सीनोङ थोक ओङनामेई थेबा छ्याःङ लेमु मेदेदो। छ्युक्‍पुते मि बादोङ होदोकराङ ईन। थेकी जे काम खिन ओत्‍सीनोङ, थेत्ताङ जे ओत्‍सीनोङ ङीमाई थे दाक स्‍यिला थेते ओताते जति गाङे तोरला डुइओ।

१ पत्रुस 1:24

परमेश्‍वर बातला “मि जुनी सिरातेनी पाङगी नाङले सो च्‍योकराङ ईन। थेमे मि जतिराङ छ्ये ईन्‍सीनोङ, थेबाताङ जे ओत्‍सीनोङ होदोक्‍ते गाङे होथे सोकी मेन्‍दोक च्‍योकराङ ईन। सो काम्‍ग्‍यो, सोकी मेन्‍दोकोङ ओइले खाला ङीम्‍ला डुइओ।

१ यूहन्‍ना 2:16

दि सा लुङबे मिओनगीनी जसकीङ दाक्‍पोनला जे जे खिता सेम लाङगीदुक थेराङ खित्‍च्‍येते, मिगी थोङाते जति जेसुकैते लोभ खित्‍च्‍येते थेमे ङा छेत सुङ मेन सिराच्‍योक खित्‍च्‍येतेकामा खिओ। थोक खि सिन आबा परमेश्‍वरगी साबाते ईनराङ मेन। दोक खित्‍च्‍येतेनी दि सा लुङबे मि खोपरोङ सेमगी नाङदुई ओङच्‍येते ईन।