शक्ति काम 25:16 - जिरेल

¹⁶ थेबेकी थोक खित्‍जीन ङे थेबाला सुइँदा मिकी पक्‍काराङ गल्‍ती खाबाते ईन सिन छ्याराङ मास्‍येबाला थेला सजाय तेरा रोमी गेल्‍बो नियम कानूनताङ मिडिगो। ज्‍येनगी दोषी ईन साबाते मिकी थोक सिरकान्‍ते मिओन दोन्‍दुराङ अड्डादु थे खोरोङ बयान माबिनथुप थे मि न्‍याय खिता मेङेदो सिन साबाप।

शक्ति काम 25:16 ပူးပေါင်းရင်းမြစ်များ

लूका 12:11

थेमे ङे मि ईन्‍देकी खित्‍सादु ज्‍येनगी ख्‍योकोनला जुम्‍ला मिटिङ खित्‍च्‍येते खाम्‍बे छ्ये छ्ये मि थेमे गेल्‍बोताङ ज्‍येन छ्ये छ्ये मि दोन्‍दु बात ठाप्‍ला खेरग्‍यो। थोक खित्‍जीन च्‍यि सिरच्‍ये, चुक सिरच्‍ये सिन ख्‍योकोन ज्‍यीबा माकेत।

यूहन्‍ना 7:51

थेमे थेकी ज्‍येनतेबाला “च्‍यि सुइँदा मिला गोमा थे बयान लाला थेकी च्‍यि खाका सिन छ्या मास्‍येबालाराङ थे दोषी ईन सिरा ङुरूङ नियमताङ डिइओतरो?” सिन सिदुक।

शक्ति काम 23:30

थेबेकी थोरूमोङ दिला सेता चाल्‍ला दुक सिन थोबेकी ङे दिला हजूर खो ओत्‍सापा केल ताङा ओत। थेमे दिला उजूर खित्‍कान्‍ते मिओनलाङ हजूर ओत्‍सापाराङ गाल्‍ला बयान खि सिन साबा ओत,” सिन टिबा ओतान।

शक्ति काम 23:35

थेमे थे हाकिमगी थेला “था खोल्‍ला उजूर खित्‍कान्‍ते मिओन वानामेकीकामा खुई बयान लिन्‍ग्‍यो,” सिन साकीन थेला हेरोद गेल्‍बो दरवारदु खेरला फ्रोबा मुथुप्‍च्‍या खाला स्‍योक सिन थे खोरोङ मिल्‍टेरीओनला कोत्‍सुङ।

शक्ति काम 26:1

फेस्‍तसकी थोक साकीन सिन्‍नामेकी अग्रिपेकी पावलला “लो खुईते सिरा फाप्‍च्‍येते बात च्‍यि ईन्‍दे, दुरू सि,” सिन सिदुक। थेमे पावलगी गाङेकी थे बात ङेन्‍स्‍यीत सिन लाक्‍पेकी चाल खिन गेल्‍बो अग्रिपे दोन्‍दु दोक सिन बयान तेराला स्‍यूसुङ।