शक्ति काम 24:24 - जिरेल

²⁴ टिक्‍पी दिन तिरी हाकिम फेलिक्‍स थे खोरोङ फेम्‍मेते द्रूसिल्‍लाला टीकीन पावलला ज्‍याक्‍सादु गाल्‍सुङ। द्रूसिल्‍लाचेन यहूदी ओतान। थेमे फेलिक्‍सकी येशू बात ङेन्‍दाला पावलला काताङसुङ। थेमे पावलगी थेबा ङिबोला येशू ख्रीष्‍टला विश्‍वास खित्‍च्‍येते बात च्‍यि ईन्‍दे, चुक ईन्‍दे सिन लाप्‍कीन च्‍याकीन

शक्ति काम 24:24 ပူးပေါင်းရင်းမြစ်များ

मर्कूस 6:20

च्‍यिला सासीन यूहन्‍ना परमेश्‍वरगी खि साबा साबा च्‍योकराङ खित्‍कान्‍ते लेमु मि ईन सिन हेरोदला छ्या ओतान। थोगी थेला मेलेबा खिता मेङगो सिन ज्‍यीबेकी यूहन्‍नाला सुङगीङ छ्याःङ मेलेबा खिता मुथुप्‍स्‍यीत सिन लेमु खाईन ज्‍याक्‍पा ओतान। बेला बेलाला यूहन्‍ने बात ङेन्‍जीन हेरोदला लेमु लाबा ओतान। थे खोरोङगी खाबाते मेलेबाते काम सम्‍झे खित्‍जीन यूहन्‍ने बात ङेन्‍नामेकी जहिलेङ थेला सेमला चुक ईन चुक ईन लाङगीन ओतान।

लूका 19:3

येशू थेपा खाला डोजीन येशू सिराते सु ईन्‍ताका सिन ताप्‍ला थे गुकीन देता ओतान। तर येशू फेरोला मि काल्‍बेई ओतेकी थेकी थेला थोङा माथुप्‍सुङ। च्‍यिला सासीन थे पोटोलोकज्‍यीक ओतान।

लूका 23:8

येशूला थे खोरोङ ओत्‍सादु क्‍याल्‍नामेकी हेरोद आउदी खाईन गा खासुङ। च्‍यिला सासीन थेकी खाबाते कामताङ बातओन गोमामेईराङ थोबा ओतेकी थेला पालोई येशूला ठेता ङेत्‍सीन ओङच्‍या ओतान सिराच्‍योक लाबा ओतान। थेमे थेकी थेरू खइँदा अचम्‍बते काम खिता सिन आश खाबा ओतान।

शक्ति काम 16:31

थेमे थेबेकी “खुई प्रभु येशूला विश्‍वास खि। दोक खासीन खोत्ताङ खुई खाम्‍बे मि गाङेला परमेश्‍वरगी पापकी सजायदुकी डेल्‍ग्‍यो,” सिन सिदुक।

शक्ति काम 20:21

यहूदी ईन्‍स्‍यीत, ग्रीक ईन्‍स्‍यीत ङे गाङेला ओर्च्‍ये ख्‍योकोनगी खेराङ पापी दुका सिन छ्या स्‍येला परमेश्‍वर छ्य्‌वापा लै खि थेमे प्रभु येशूला विश्‍वास खि सिन साबा ओत। ङे दोक दोक खाबा ओतान सिन ख्‍योकोन गाङेला छ्याराङ ओत।

शक्ति काम 24:25

मिओनगी परमेश्‍वरगी साबा साबा च्‍योकराङ खिता फाप्‍च्‍येते, दाक्‍पोन सेम काबूला ज्‍य्‌वाबा फाप्‍च्‍येते थेमे परमेश्‍वरगी मि गाङे न्‍याय खित्‍च्‍येते दिन ओङगो सिनोङ लाप्‍कीन बिन्‍सुङ। थेकी दि बातओन खित्‍जीन ज्‍यीबा लाबेकी फेलिक्‍सकी थेला “लो थरिङ दोस्‍यिकराङ ओङसुङ। ज्‍येन बात खिताला फुर्सत ङेत्‍नामेई ङा ङारो ना लोक्‍ला खोल्‍ला कातोङामीन,” सिन थेला थेरूकी ताङसुङ।

शक्ति काम 26:22

दि दिनसाक परमेश्‍वरगी ङाला लेमुराङ खाईन ताबा ओत। थोगी खित्‍सादु ङा दुरूङ छ्ये टेक्‍टे जो ईन्‍सीनोङ गाङेला ङाराङगी छ्या स्‍येबातेताङ ओङाते बातकामा खिन ओत। दोक खित्‍जीन मोशा थेमे परमेश्‍वर बात खित्‍कान्‍तेबेकी तिरी चुक चुक ओङगीते सिन साबाते बातराङ ङा लोप्‍कीन ओत।

गलाती 2:16

यहूदी ईन्‍सीनोङ परमेश्‍वर नियमला खि साबाते ङेन्‍ला सुङलाङ परमेश्‍वरगी दोषी मेन सिरच्‍येते मेन, खालि येशू ख्रीष्‍टला विश्‍वास खित्‍कान्‍ते मिओनलाकामा थेकी दोषी मेन सिओ सिन ङुरूङगी लेमु खाईन छ्या स्‍येबा ओत। थोगी ङुरूङोङ परमेश्‍वर नियम ङेन्‍नामेई थेकी दाक्‍पोनला दोषी मेन सिओ सिन मिसिरो। बरू येशू ख्रीष्‍टकी खाबाते कामगी खित्‍सादुका थेकी ङुरूङला दोषी मेन सिओ सिन ङुरूङगी येशू ख्रीष्‍टला विश्‍वास खाबाते ईन। च्‍यिला सासीन परमेश्‍वर नियमला खि साबाते ङेन्‍लानी सुङ परमेश्‍वर दोन्‍दु गल्‍ती मिक्‍किकान्‍ते मि ओङाराङ मुथुबो।

गलाती 2:20

चुक खाईन सासीन ख्रीष्‍टला स्‍यिङगी थामला टाँए खाला सेत्‍जीन ङाङ थेत्ताङराङ थे थामला टाँए खाईन स्‍याप्‍ते ईन। ङा थोक खाईन स्‍याप ईन्‍सीनोङ थोरूमसाक सोम्‍बोराङ ओत। ङाराङ सोम्‍बो ओत्‍सीनोङ थरिङोला ङे जे खिदुक थे ङे खित्‍च्‍येते मेन, ख्रीष्‍ट ङे सेमगी नाङ ओतेकी ङे च्‍यि च्‍यि खिका गाङे थेकीराङ खित ज्‍युत्‍च्‍येते ईन। मास्‍यिथुप था ङा परमेश्‍वर फुज्‍युङला विश्‍वास खिन देत्‍ला थेकी खित ज्‍युता चाला च्‍योककामा खिन देत्‍क्‍यो। थेकी ङाला ङिङज्‍ये खाईन ङे लाईदु थे खोरोङ ज्‍यानराङ बिन्‍गीन स्‍या ओतान।

गलाती 3:2

लो ख्‍योकोनगी ङाला दि बातज्‍यीककामा सिते ओना। ख्‍योकोनगी परमेश्‍वर आत्‍मा ङेताते चुक खाईन ईन्‍दे? परमेश्‍वर नियमला खि साबाते ङेन्‍गीन ईन्‍दाना ख्‍योकोनला लापाते बात ङेन्‍गीन येशू ख्रीष्‍टला विश्‍वास खाईन ईन्‍दे?

१ यूहन्‍ना 5:1

येशू परमेश्‍वरगी तोङगो साबाते ख्रीष्‍ट ईन सिन पत्ते खित्‍कान्‍ते मि गाङे परमेश्‍वर फुज्‍युङ फुमु ओङाते मि ईन। आबा परमेश्‍वरला ङिङज्‍ये खित्‍कान्‍ते मिकी थे फुज्‍युङ फुमुलाङ ङिङज्‍ये खिओ।

यहूदा 1:3

ङिङज्‍येते आज्‍यो न्‍वावे, परमेश्‍वरगी ङुरूङला पापकी सजायदुकी चुक खाईन टाल्‍सुङा सिन ख्‍योकोनला चिट्ठी टिक्‍पाला ङाला आउदी सेम लाबा ओतान। थे बात मेन्‍देकी थाचेन ङाला ख्‍योकोनला दि बात टिक्‍पाराङ फाप्‍क्‍यो सिराच्‍योक लासुङ। च्‍यि सासीन ज्‍येनगी जे सासीनोङ, जति दुक्‍पा बिन्‍सीनोङ येशूला विश्‍वास खाईन ङेन्‍दाते बात ख्‍योकोनगी ङेन्‍दा मातोङ। दि बात परमेश्‍वरगी थे खोरोङ सन्‍तान गाङेला ङेन सिन बिन्‍दाते ईन।

छ्या स्‍ये च्‍युताते बात 14:12

परमेश्‍वरगी कोताते खिन येशूला विश्‍वास खिन देत्‍कान्‍ते परमेश्‍वर सन्‍तानओनगी जस्‍तो दुक्‍पा ओङसीनोङ सेम मेसेता खाला थोक्‍ते दुक्‍पा खपे खिन देता फाप्‍क्‍यो।