23 थेमे थेकी मिल्टेरी क्याप्टेनला “दिला फ्रोबा मुथुप्च्या खाला लेमु खाला स्योक, छ्याःङ दुक्पाङ मातेर। थेमे दिला गोच्येते केल ओङकान्ते र्वातेबाला रोके माकेत,” सिन कोत्सुङ।
थेबेकी थोक खाईन ठो खाईन पावलला सेता चालाते बात थे भानिजतेकी थोसुङ। थेमे थेकी ब्यारेकपा गाल्गीन पावलला थे बात लाःप्सुङ।
थेमे थे हाकिमगी थेला “था खोल्ला उजूर खित्कान्ते मिओन वानामेकीकामा खुई बयान लिन्ग्यो,” सिन साकीन थेला हेरोद गेल्बो दरवारदु खेरला फ्रोबा मुथुप्च्या खाला स्योक सिन थे खोरोङ मिल्टेरीओनला कोत्सुङ।
पावलगी घूस तेरगीता सिन थेकी विचार खाबा ओतान। थोगीराङ थेकी तिरीङ थेला बात खिताला पालोताङ पालो काताङा ओतान।
तर थेबे बात मेङेन्दा खाईन फेस्तसकी थेबाला “पावलला सिजरियापाराङ जेलदु लुगीन ज्याक्पा ओत। था ङाङ थेपा होत्ताराङ ग्युरला डुइओ।
थेरूई पानीजहाज चले खानामेई ङारो च्योक्ते ङ्योकोन सीदोन सिरसादु लेप्सुङ। थेमे थे क्याप्टेनगी थेरू पावल र्वातेबेकी थेला गोच्येतेबा तेरा ङेत्स्यीत सिन थेबाला ठेता खित ताङगीन लेमु खासुङ।
थेमे रोमदु लेप्नामेकी रोमी गेल्बोकी पावलला जेलदु माज्याक्सुङ। थेला जहाँ देत्सीनोङ देत्स्यीत सिन ताप्ला खालि मिल्टेरीज्यीककामा खटे खासुङ।
थेमे थेकी ज्यीबाराङ मिक्किता खाला परमेश्वर राज्य बात च्यि ईन्दे सिन प्रभु येशू ख्रीष्ट बात लोप्कीन ओतान। थोक माकेत सिन सुङगीङ थेला छ्याःङ सिन मेतान।