शक्ति काम 24:22 - जिरेल

²² येशू बातओन चुक्‍ते बात ईन्‍दे सिन थेला लेमुराङ खाला छ्या ओतेकी पावलगी बात खाईन सिन्‍नामेई हाकिम फेलिक्‍सकी “थरिङ बात दोस्‍यिकराङ ईन। दि मुद्धे फैसलाचेन था ङा मिल्‍टेरी छ्येते मि लायसिअस दुरू वानामेकीकामा खाला तेरग्‍यो,” सिन टारे खाईन थेबाला थेरूई ताङसुङ।

शक्ति काम 24:22 ပူးပေါင်းရင်းမြစ်များ

मत्ती 2:7

थेबेकी थोक सानामेकी गेल्‍बो हेरोदकी थे ज्‍योतिषीओनला सुटुक्‍क थे खोरोङ ओत्‍सादु काताङसुङ। थेमे थेकी थेबाला “ख्‍योकोनगी थोङाते थे कार्मा नाम थेन्‍दा ओताने?” सिन ठिकीन थे कार्मा थेन्‍दाते ठीक समय पत्ता लै खासुङ।

शक्ति काम 18:20

थेमे थे मिओनगी टिक्‍पी दिन थेबाताङ ङ्योम्‍बुराङ देत्‍ला थे बात लाप्‍ला नाङ सिन सिरजीन

शक्ति काम 19:40

थोगी थरिङ ख्‍योकोनगी थाराङ छेरा वारा खाला होहल्‍ला माकेत। रोमी गेल्‍बो मिओनगी दुरू च्‍यिला दोक खाईन हूलदङ्गा खाबे सिन ठिसीन ङुरूङगी च्‍यि सिरच्‍ये? दोक खाईन हूलदङ्गा खासीन ङुरूङ दाक्‍पोनलाराङ मेलेबा ओङगो,” सिन सिदुक।

शक्ति काम 24:10

तर्तुल्‍लसकी बात खाईन सिन्‍नामेई हाकिमगी पावलला बात खि सिन थेतेङ बयान लासुङ। थेमे पावलगी “हजूर, खुई दि लुङबादु राज्‍य खिताला स्‍यूबाते आदोराङ गालेकी दि लुङबे मि बाततेबा लेमु खाला छ्याराङ ओत। थोगी हजूर खुई दोन्‍दु ङा छ्याःङ ज्‍यीबा मिक्‍किता खाला बात खिता थुप्‍क्‍यो।

शक्ति काम 24:14

दि बातज्‍यीकचेन ङा लेमु खाला सिरा थुप्‍क्‍यो। च्‍यि सासीन ङाचेन दिबेकी ईनराङ मेन्‍दे बात ईन सिन साबाते येशू बात ङेन्‍गीन थे छ्य्‌वापा लै खाईन ङेराङ ज्‍युज्‍यु पुर्खेकी माने खाबाते परमेश्‍वरला माने खिओ। परमेश्‍वर नियमला टिबाते थेमे परमेश्‍वर बात खित्‍कान्‍तेबेकी टिबाते बातओनोङ ङा गाङे ङेन्‍ग्‍यो।

शक्ति काम 24:24

टिक्‍पी दिन तिरी हाकिम फेलिक्‍स थे खोरोङ फेम्‍मेते द्रूसिल्‍लाला टीकीन पावलला ज्‍याक्‍सादु गाल्‍सुङ। द्रूसिल्‍लाचेन यहूदी ओतान। थेमे फेलिक्‍सकी येशू बात ङेन्‍दाला पावलला काताङसुङ। थेमे पावलगी थेबा ङिबोला येशू ख्रीष्‍टला विश्‍वास खित्‍च्‍येते बात च्‍यि ईन्‍दे, चुक ईन्‍दे सिन लाप्‍कीन च्‍याकीन

शक्ति काम 24:6

दिकी परमेश्‍वर मन्‍दिरलाङ झन्‍दै बिटुले खाबा ओतान। थे बेलालाराङ थेप्‍कीन ङ्योकोनगी दिला पक्रे खाबाप। थेमे ङ्योकोनगी दिला ङेराङ धर्मे नियमदु तोके खाबाते सजाय तेराला ठीक खाबा ओतान।

शक्ति काम 25:26

तर दिला रोमी गेल्‍बो ओत्‍सादु तोङाला चिट्ठीला टिक्‍च्‍येते बात ङे छ्याःङ माथेप्‍सुङ। थोक ईन्‍देकी गेल्‍बो अग्रिपा थेमे दुरू ओताते मिओनगी दि मि बात च्‍यि ईन्‍दाका ङेन्‍गीन सिन्‍नामेकी ङे रोमी गेल्‍बोला खइँदा टिक्‍च्‍येते बात थेप्‍कीता सिन दिला दुरू खुलाबाते ईन।

शक्ति काम 26:3

च्‍यिला सासीन यहूदीओन रीतिथिति चुक ओते थेमे खोपरोङ धर्मे बात खित्‍जीन खाङ बातला थेबा मिडिक्‍ते सिन गेल्‍बो खोल्‍ला लेमु खाला छ्याराङ ओत। था दुक्‍पा माने मिक्‍किता खाला ङे बात ङेन्‍ला नाङ सिन ङा बिन्‍ती खिओ।

शक्ति काम 9:2

थेकी दमस्‍कस सारनापा गाल्‍ला थेपा येशू बात ङेन्‍गीन थे छ्य्‌वापा लै खाबाते मि गाङेला चाल्‍ला ख्‍योओ मि, फेम्‍मे मि गाङेला जुम्‍ला यरूशलेमपा खुलाङच्‍ये विचार खासुङ। थोगी थेकी गाङे भन्‍दा छ्येते पूजारी ओत्‍सादु गाल्‍गीन दमस्‍कसदु ओताते यहूदीओनते मिटिङ खित्‍च्‍येते खाम्‍बा खाम्‍बे छ्येते मिला थेला थोक खिताला मद्धत बिन सि सिन चिट्ठी टिकीन नाङ खासुङ।