शक्ति काम 24:17 - जिरेल

¹⁷ सिइराङ सासीन ङानी यरूशलेमदु मादेतातेङ लो काल्‍बेई गाला ओतान। खरचिङ ङानी दुक्‍पा ङेताते ङेराङ यहूदीओनला बिन सिन ज्‍येन मिओनगी ङे लाःक्‍तु बिन्‍दाते पैसा केलाला थेमे ङाराङगी परमेश्‍वरला चढे खिओ सिन साबाते चढे खितालाका थेपा गाला ओतान।

शक्ति काम 24:17 ပူးပေါင်းရင်းမြစ်များ

शक्ति काम 20:16

एशिये अञ्‍चल नाङला काल्‍बासाक अलमल खिता मेङगो सिन पावलगी एफिससपा मोन्‍डोओ सिन साबा ओतान। च्‍यिला सासीन थुपासम्‍म पेन्‍तिकोस चाडला यरूशलेमपा लेपाप सिन थे हतार हतार खाला डुइन ओतान।

शक्ति काम 20:31

थोगी खेराङला सुङगीङ छक्‍के खिता मुथुप्‍स्‍यीत सिन च्‍याङबो खाला देत। ङे लो सुमसाक ख्‍योकोन गाङेला येशूला विश्‍वास खिनराङ देत सिन ङीन नुप ख्‍योकोन पीर खुरगीन दुक्‍पा खाईन खाईन खाबाते काम नोमुङ टोक माज्‍येत।

शक्ति काम 21:26

थेरू थेबेकी साबाते बात ङेन्‍गीन पावलगी ङारो च्‍योक्‍ते थेबा मेरा स्‍यीबोला टीकीन खेरगीन थेबाताङ ङ्योम्‍बुराङ चोके खासुङ। थेमे था दि छोमु ङ्योकोनते चोके खित्‍च्‍येते दिन सिन्‍ग्‍यो, थे छोमु खोपरोङ गाङेकी चढे खिता फाप्‍च्‍येतेबा खुरला ओङगो सिन लाःपाला पावल परमेश्‍वर मन्‍दिरदु गाल्‍सुङ।

शक्ति काम 24:26

पावलगी घूस तेरगीता सिन थेकी विचार खाबा ओतान। थोगीराङ थेकी तिरीङ थेला बात खिताला पालोताङ पालो काताङा ओतान।

रोमी 15:31

ख्‍योकोनगी चुक सिन प्रार्थना खिसे सासीन ङा यरूशलेमपा डोजीन थेपा यहूदिये अञ्‍चलदु ओताते येशू ख्रीष्‍टला विश्‍वास मिक्‍किकान्‍ते यहूदीओनगी ङाला मेलेबा खिता मुथुप्‍स्‍यीत थेमे ज्‍येन ज्‍येन जातकी मिकी जम्‍मा खाबाते ङे यरूशलेमदु परमेश्‍वर सन्‍तानओनला खेरच्‍येते थे पैसा थेबेकी गा खिन लिन्‍स्‍यीत सिन प्रार्थना खि।

२ कोरिन्‍थी 8:6

थेबेकी थोक खाबा थोङनामेई ङ्योकोनगी तीतसला खेराङगी जम्‍मा खिताला स्‍यूबाते पैसा जम्‍मा खाला सिन्‍दा खि सिन सिराला ख्‍योकोन ओत्‍सापा ग्‍युक सिन साबाप। ज्‍येनला मद्धत तेराला सिन ख्‍योकोन नाङ पैसा जम्‍मा खिताला शुरू खित्‍कान्‍ते थेराङ ईन सिन ङ्योकोनगी सिरा माफाप्‍तासीन।

२ कोरिन्‍थी 8:9

ङुरूङ प्रभु येशू ख्रीष्‍टकी ङुरूङला चुक आउदी दया खासुङा सिरच्‍येते बातनी ख्‍योकोनला छ्याराङ ओत। ख्‍योकोनला थे खोरोङगी तेरच्‍येते आशी जति गाङे बिन्‍ला लेमु खितालाराङ थे स्‍वर्गनेकी थे खोरोङ मान थेमे अधिकार गाङे ताङगीन छ्याःङ मेताते च्‍योक खाईन देमा वाबाते ईन।

२ कोरिन्‍थी 9:12

ख्‍योकोनगी बिन्‍दाते पैसेकी परमेश्‍वर सन्‍तानओनते खाँचो टरे खित्‍च्‍येतेकामा मेन। दि कामगी खित्‍सादु मि काल्‍बेईकी परमेश्‍वरला आउदी खाला धन्‍यवाद तेरग्‍यो।

गलाती 2:10

येशू ख्रीष्‍टला विश्‍वास खित्‍कान्‍ते दुक्‍पा ङेताते थेरू यहूदीओनला ङ्योकोनगी मद्धत खिता लेमु ईन सिन बातज्‍यीकचेन थेजीन थेबेकी ङ्योकोनला साबा ओतान। दुक्‍पा ङेतातेबाला ता फाप्‍क्‍यो सिन ङा ङाराङतेङ सेम ओतान।